Nehemi 9:5 - Bible azumeina

⁵ Bugola, suma hi Levi-na Josue, Kadamiyel, Bani, Hasapneya, Serebiya, Hodiya, Sebaniya ki Petahiya a dazi ki delezi akulo ala: Agi tchologi akulo! Ar agi gilegi Ma didina Alo magina kur atchogoid’a katchogoid’a gak didin. A de kua ala: Ar ami gileng simiyêng ma subur ma kal lei yam subura ki giled’a petna.

Nehemi 9:5 Kruisverwysings

1 Amuleina 8:14

Israel-lâ pet suma a nga toka ata yi mámina a tchol akulo. Amulâ Salomon mi mbut iram irazi mi b’e vunam kaziya.

1 Amuleina 8:15

Bugola, mi dala: An le mersi mi Ma didina Alona hi Israel-lîna, mi ndak wa ini vun zla d’a mi dat mabun David-ta kad’eng mamba ala:

1 Amuleina 8:22

Salomon mi tchol akulo avok yima ngal ahle suma ngat buzuna hi Ma didinina avok ablaud’a hi Israel-lîd’a pet, mi yo abom akulo á tchen Alona,

1 Amuleina 8:27

Gagazi, na ni ang Alona ndak á kak yam andagad’a ka hî zu? Akulod’a ki ngolot pet pî, ti ndak nga kang nguo d’ou d’a d’igi gong nga an minit ngiyeû wanda ba mba d’i ndagang zu?

1 Sunda Hamuleinid’a 16:36

Ar ei lei mersi mi Ma didina, Alona hi Israel-lâ ma nga adjeu dei gak didina. Ar suma pet a dala: Amin! Agi gilegi Ma didina!

1 Sunda Hamuleinid’a 29:11

Ma didina, ngola, sib’ika, subura, wiled’a ki yam mba ted’a ni mangâ! Gagazi, akulod’a kandagad’a pet azi ni mangâ, kayam angî ma te yamba, angî ma akulo yam ahlena petna.

1 Sunda Hamuleinid’a 29:13

Ki tchetchemba, Alo mamina, ami nga gilengû, ami nga suburung simiyêng Ma kal teglesâ.

1 Sunda Hamuleinid’a 29:20

Ata yi máma David mi de mablaud’a kua ala: Ki tchetchemba, agi lagi mersi mAlo magina! Ablau d’a peta a le mersi mi Ma didina Alona habuyozi ngolona, a hud’o kä, a grif kä andaga avok Ma didina, avok amulâ David mi.

2 Sunda Hamuleinid’a 20:13

Suma Juda-na pet zlapa ki grozi suma gureina ki grozina kamiyôzina, a nga tchola akulo avok Ma didina.

2 Sunda Hamuleinid’a 20:19

Suma hi Levi suma ad’u andjafâ hi Kehat-na ki suma ad’u andjafâ hi Kore-na, a tchol akulo, a gile Ma didina Alona hi Israel-lîna ki delezi akulo ad’enga.

Esdras 3:11

A nga hle sawala, a nga gile Ma didina, a nga suburum ki delezi akulo ala: Mam mi Ma djivina, kayam we hohou mam mba yam Israel-lîd’a nga d’i dap pi. Suma pet a nga gile Ma didina ki delezi akulo ki furîd’a, kayam suma sunda a gum ad’u gong mamba kä da’.

Nehemi 9:4

Josue, Bani, Kadamiyel, Sebaniya, Buni, Serebiya, Bani ki Kenani a djak akulo ata yima ndingâ hi suma hi Levi-nina, a nga er ad’uzi akulo avok Ma didina Alo mazina.

Nehemi 9:6

Ni ang Ma didina tu ba, lakulod’a kahle suma kurutna pet, andagad’a kahle suma kurutna pet, alum ma nglona kahle suma kuruma pet mi. Ahle ndazina pet ang hazi arid’a, ahle suma akulona pet a nga grif kä avorong mi.

Wana ni mbaktumba hi Job-pa 1:21

mi dala: An ndeï woi kur asun ni gandila, an mba ni hulongî gandila mi. Ma didina mi he, mi yo mi. Ar ei suburi Ma didina!

Sawal la giled’a 106:2

Ni nge ba, ndak á de woi yam sun nda ndandala hi Ma didinid’a ge? Ni nge ba, ndak á de woi yam subur mamba pet ke?

Sawal la giled’a 134:1

Ni sawal la suma a djak Jerusalem á lü vun tilîna a hlata. Agi azungeîna hi Ma didinina pet suma nga tchola kur gong mamba andjegena, agi suburugiziya!

Sawal la giled’a 145:2

An mba ni suburung burâ ki burâ, an mba ni gileng simiyêng teteu gak didin.

Sawal la giled’a 145:5

An mba ni de woi yam ngol manga, wile mata ki subur mata, an mba ni djib’er yam sun mang nga ndandala.

Sawal la giled’a 146:2

An mba ni gile Ma didina ata yima an nga ki iran tua na, an mba ni gile Alo mana ki sawala ata yima an nga ki irana.

Sawal la giled’a 16:2

An nga ni de mi Ma didina ala: Angî Salad’a ma kal teglesâ; an nga ki vama djivi ma kalang angâ nga d’i.

Sawal la giled’a 66:2

Agi hlagi sawala á gilegi simiyêm ma subura, agi suburum ki sawal la giled’a.

Sawal la giled’a 99:3

Ar azi gileng simiyêng ma ngol ma suma le mandarâ aboma. Gagazi, angî ma bei tchod’a ba na.

Buzuk ka Abud’a 15:11

Ma didina, ni nge ba, aduk alo ma tetengâ d’igi ang na ge? Ni nge ba, ma kal papa ma yed’et ma kal tegles ma ndak á hud’a ma lahle suma ndandalâ d’igi ang na na ni nge ge?

Buzuk ka Abud’a 15:6

Ma didina, abong ma ndjufâ mi tak ad’eng manga woyo. Ma didina, abong ma ndjufâ mi hahl mang suma djangûna woyo.

Daniel 2:20

mi dala: Ar ei lei mersi mAlona kur atchogoi d’a lara ge pet! Kayam ned’a kad’enga a tcholï natamu!

Matiye 11:25

Ata yi máma, Jesus mi hulong dala: Abun ma Sala akulod’a kandagad’ina, an lang mersi, kayam ang ngei ahle suma wana woi ir suma ned’a ki suma wed’a, wani ang tagazi woi mi gugureina.

2 Korente-na 4:6

Kayam Alo ma dala: Ar b’od’a ti b’o kur nduvunda na, ni ma nga b’o kuri kayam ei wei subura hAlona d’a nga d’i b’o avok Christ-sa.

Gat ta a hat á mbàd’id’a 28:58

Le agi ngomogi nga vun ma hed’a hi gata pet ma a b’irim kur mbaktum mba wandina d’uo, le agi tid’igi nga kam mbuo, le agi lagi nga mandara simi ma subur ma kal papana hi Ma didina Alo maginina d’uo mi ni,

1 Pierre 1:3

Ar ei gilei Alona Abu Saleina Jesus Christ yam we hohou mam mba ngola mi hei ari d’a awilid’a ata yima mi tchol Jesus Christ akulo aduk suma matnina. Ni Ma ari ma ei tini huri kama.

Suma ka sariyad’a 13:18

Malaikana hi Ma didinina mi hulong dum ala: Ni kayam me ba, ang djobon yam simiyên nge? Simi máma ni simi ma atchapma.