Nehemi 9:4 - Bible azumeina

⁴ Josue, Bani, Kadamiyel, Sebaniya, Buni, Serebiya, Bani ki Kenani a djak akulo ata yima ndingâ hi suma hi Levi-nina, a nga er ad’uzi akulo avok Ma didina Alo mazina.

Nehemi 9:4 Kruisverwysings

2 Sunda Hamuleinid’a 20:19

Suma hi Levi suma ad’u andjafâ hi Kehat-na ki suma ad’u andjafâ hi Kore-na, a tchol akulo, a gile Ma didina Alona hi Israel-lîna ki delezi akulo ad’enga.

Nehemi 12:8

Wana ni suma hi Levi-na: Josue, Binuwi, Kadamiyel, Serebiya, Juda, Mataniya ki b’oziyoma ni suma a nga hle sawala giled’ina.

Nehemi 3:17

Suma a le sunda go ki sed’ema ni suma hi Levi-na; ma dingâ adigazi ni Rehum Bani goroma, mi min gulumuna. Ma kama ni Hasabiya ma te yam abo andaga d’a Keila-d’ina, mi min gulumuna yam ambas mamba.

Nehemi 8:4

Esdras ma we gata heîna, mi nga tchola ata yima tchol ma a minim kaguna á ndum mbaktumbina. Matitiya, Sema, Anaya, Uri, Hilkiya ki Mäseya a nga tchola gevem yam bigam mba ndjufâ; Pedaya, Misayel, Malkiya, Hasum, Hasebadana, Zakari ki Mesulam a nga tchola gevem yam bigam mba gulid’a mi.

Nehemi 8:7

Ata yima suma a nga tchola akulo kasezina, suma hi Levi-na, Josue, Bani, Serebiya, Jamin, Akup, Sebetai, Hodiya, Mäseya, Kelita, Azariya, Jozabat, Hanan ki Pelaya a vazi ad’u gata.

Nehemi 9:5

Bugola, suma hi Levi-na Josue, Kadamiyel, Bani, Hasapneya, Serebiya, Hodiya, Sebaniya ki Petahiya a dazi ki delezi akulo ala: Agi tchologi akulo! Ar agi gilegi Ma didina Alo magina kur atchogoid’a katchogoid’a gak didin. A de kua ala: Ar ami gileng simiyêng ma subur ma kal lei yam subura ki giled’a petna.

Sawal la giled’a 130:1

Ni sawal la suma a djak Jerusalem á lü vun tilîna a hlata. Ma didina, kur zul la yiyaka hi ndak man nda ngolid’a, an nga ni yangû.

Sawal la giled’a 3:4

Wani ang Ma didina, angî mbarei man nda ngomonda, angî subur manda, angî ma hlan yan akulona.

Sawal la giled’a 77:1

Ni sawal la gile d’a Asaf mi hlat mi hat mi ma ngolâ hi suma hle sawalina.

Hor ma tchina 3:8

An tchiya, an yi á ndjununu, wani mi hum nga tchen manda d’i.

Jean 11:43

Kid’a mi de zla ndata dad’a, mi de ki delem akulo ala: Lazar, ang nde woyo.

Sunda hi suma a sunuzinid’a 7:60

Ata yi máma, mi grif kä, mi er ad’um akulo, mi dala: Salad’a, ang ndum tcho ndata kazi d’i. Kid’a mi de zla ndata dad’a, mi mid’a. Saul mi ndjak vunam ki sed’ezi yam tchid’a hi Etienne-nda mi.