Nehemi 9:12 - Bible azumeina

¹² Ki faleid’a ang tinizi d’ugula tchola avorozi gongzong, andjege ang tinizi akud’a tchola avorozi gongzong á b’o lovota woi avorozi á tita.

Nehemi 9:12 Kruisverwysings

Nehemi 9:19

Yam we hohou mang nga kal teglesa ang arazi nga woi abagei hur fulâ d’i. Ang arazi nga bei tinizi d’ugula avorozi gongzong kur tit mazi d’a faleid’a d’i, ang arazi nga bei tinizi akud’a avorozi gongzong á b’o lovota woi avorozi kur tit mazi d’a andjeged’a d’uo mi.

Sawal la giled’a 105:39

Mi tin d’ugula á zlubuzi yaziya, mi tin akud’a á b’o yina andjege mi.

Sawal la giled’a 107:7

Mi tagazi lovot ta d’ingêra kayambala a fe azì ma kaka d’a.

Sawal la giled’a 143:8

Ki yorogod’a ang aran an hum zla o mang nga bei dabid’a ba d’a, kayam an tin hurun ni kayam angû. Ang tagan lovot ta ndak an tit kuad’a, kayam an he tan ni mi angû.

Sawal la giled’a 78:14

Faleya, mam nga mi tinizi ki d’ugula; andjege, nga mi tinizi ki b’od’a hakud’id’a mi.

Buzuk ka Abud’a 15:13

Yam we hohou manga, ang tin mang suma ang prud’uzi woina; yam ad’eng manga, ang nga izi ata yi mang ma ang tinim iram vama.

Ezekiyel 20:6

Kur bur máma an hlabon akulo ni gunuzi tan á buzuguzï woi yam ambas sa Ezipte-d’a, á i ki sed’ezi yam ambas sa an manat kazid’a. Nambas sa ambira ki mbul ayuma a nga sor kä kuad’a, nambas sa djif fa kal ambasa peta.

Ndumba 9:16

Ti nga ni kulupa hina andjege ki faleya yam zlub’ud’a; kandjeged’a ti b’o ni d’igi akud’a na.

Ndumba 9:21

Le d’ugula ti tchol yam zlub’ud’a ki fladeged’a gak yorogo ba, ti tchol tanda ni, azi i mi. Le d’i le ni burâ tu ba, ti tchol tanda ni, azi i mi.

Gat ta a hat á mbàd’id’a 1:33

ma nga mi tit avorogi á halagi yima ve kangîna d’i. Andjege nga mi tit avorogi aduk aku d’a tchola gongzonga á tagagi lovot ta agi tid’igi kuad’a, falei nga mi tit avorogi kur d’ugul la tchola gongzonga mi.