Nehemi 8:8 - Bible azumeina

⁸ A ndum kur mbaktum mba Gata hAlonid’a woi tetet, a vat ad’ut tei kayam suma a wäd’u vama azi ndumuma.

Nehemi 8:8 Kruisverwysings

2 Amuleina 23:2

Amulâ ki suma Juda-na pet ki suma a nga kaka avo Jerusalem-ma, suma ngat buzuna, suma djok vun Alona kablaud’a pet suma nglona ki kemba a tchuk krovo kur gulumuna hi gong nga kud’ora hi Ma didinid’a. Mi ndum zla d’a kur mbaktum mba Alona mi djin vunam kurut ta a fat kur gong mambid’a avorozi pet.

Esdras 4:18

Mbaktum mba agi sunundjïd’a, a ndumut ni woi avoron an tanda.

Nehemi 8:12

Suma pet a i á ted’a á tched’a, a sun hliuna mi suma, a le furîd’a ngola, kayam azi wäd’u zla d’a azi vazizi ad’ut teid’a.

Nehemi 8:7

Ata yima suma a nga tchola akulo kasezina, suma hi Levi-na, Josue, Bani, Serebiya, Jamin, Akup, Sebetai, Hodiya, Mäseya, Kelita, Azariya, Jozabat, Hanan ki Pelaya a vazi ad’u gata.

Nehemi 8:9

Nehemi ma te yamba ki Esdras ma we gata heîna ki suma hi Levi suma a hat sumina, a de mi suma pet ala: Bur ma inina ni bur ma a tinim iram vam yam Ma didina Alo maginina. Ar agi yorogi tagi d’i, agi tchigi d’uo mi. Kayam suma pet ata yima a hum zlad’a hi gatid’ina a nga tchiya.

Nehemi 9:3

Bugola, a tchol akulo kaseziya, a ndum Gata hi Ma didina Alo mazinid’a gak lera hindi, a däd’u tcho mazi d’a azi lata woyo, a grif kä avok Ma didina Alo mazina gak lera hindi mi.

Ezekiyel 46:10

Ata yima suma a kal krovona, amulâ mi kal krovo mi; ata yima suma a buzuk keina, amulâ mi nde woi ki sed’ezi mi.

Habakuk 2:2

Ma didina mi hulong dan ala: Ang b’ir zla d’a an nga ni tagangzi woi wanda; ang b’irit kur agu ma tcheta, kayam suma a ndumut atogo zak.

Wana ni Zla d’a Djivi d’a Luc mi b’irita 24:27

Jesus mi tin ad’ud’a kur mbaktumba hi Moise-sa ki d’a hi suma djok vun Alonid’a pet, nga mi vazi ad’ud’a kur mbaktumba hAlonid’a pet yam ahle suma a dazi kama.

Wana ni Zla d’a Djivi d’a Luc mi b’irita 24:32

Azi de tazi ala: Kid’a nga mi de zlad’a ki sed’ei kur lovotid’a, ata yima nga mi ve ad’ud’a kur mbaktumba hAlonid’ina, tei lei djivid’a d’uo zu?

Wana ni Zla d’a Djivi d’a Luc mi b’irita 24:45

Ata yi máma, mi malazi djib’er mazid’a woi á wäd’u mbaktumba hAlonid’a.

Sunda hi suma a sunuzinid’a 28:23

Kid’a azi ngam burîd’a, suma ablaud’a a mba fum ata yima mam nga kaka kuana. Mi vazi ad’u zla ndata, mi lazi glangâsâ yam leud’a hAlonid’a, nga mi vazi ad’ud’a kur gata hi Moise-sa, kur mbaktumba hi suma djok vun Alonid’a yam Jesus. Mi tin ad’ud’a ki yorogod’a dei gak afata niga.