Nehemi 8:6 - Bible azumeina

⁶ Esdras mi subur Ma didina Alo ma ngolâ. Suma pet a yo abozi akulo, a hulong humba ala: Amin! Amin! A tchok yazi kä, a kud’or Ma didina ki irazi kulupa kä andaga.

Nehemi 8:6 Kruisverwysings

Ad’u Tinda 14:22

Abram mi hulong de mamul ma Sodom-ma ala: An hlabon akulo avok Ma didina Alo ma sä akulo ma kal tegles ma lakulod’a kandagad’ina.

Ad’u Tinda 24:26

Sa máma mi grif kä avok Ma didina, mi kud’uromu,

1 Sunda Hamuleinid’a 16:36

Ar ei lei mersi mi Ma didina, Alona hi Israel-lâ ma nga adjeu dei gak didina. Ar suma pet a dala: Amin! Agi gilegi Ma didina!

1 Sunda Hamuleinid’a 29:10

David mi subur Ma didina avok ablaud’a pet ala: Ma didina Alona habumi ngolo Jakob-ma, ang ndak á giled’a kur atchogoi d’a kala ki d’a tchetchemba gak didin.

1 Sunda Hamuleinid’a 29:20

Ata yi máma David mi de mablaud’a kua ala: Ki tchetchemba, agi lagi mersi mAlo magina! Ablau d’a peta a le mersi mi Ma didina Alona habuyozi ngolona, a hud’o kä, a grif kä andaga avok Ma didina, avok amulâ David mi.

2 Sunda Hamuleinid’a 20:18

Josafat mi grif kä ki iram andaga, suma Juda-na pet ki suma Jerusalem-ma a grif kä avok Ma didina á kud’urom mi.

2 Sunda Hamuleinid’a 29:10

Ki tchetchemba, an nga ki djib’era kurun krovo á djin vunan ki Ma didina Alona hi Israel-lîna, kayambala kur ayî mam ma bibiliuna ar hurum b’leng ngei keya d’a.

2 Sunda Hamuleinid’a 29:30

Amulâ Ezekiyas ki suma nglo suma sunda a de mi suma hi Levi-na ala a subur Ma didina ki sawal la David azi ki Asaf ma djok vun Alona a hlata. A hlat ki furîd’a. Bugola, a grif kä andaga a kud’or Ma didina.

2 Sunda Hamuleinid’a 6:4

Bugola, mi dala: An le mersi mi Ma didina Alona hi Israel-lîna, mi ndak wa ini vun zla d’a mi dat mabun David ala:

Nehemi 5:13

Ata yi máma an po vun baru man nda ngola woyo, an dala: Ar Alona mi le ki sama lara ma tchol nga yam vun ma hle mama d’uo na hina dedege mi, mi digim mbei hur aziyamu; ar mi fe va bugol luo d’a. Suma petna a dala: Amin! (Nala, Nä!) A gile Ma didina, a tchol yam vun ma hle máma.

Nehemi 8:7

Ata yima suma a nga tchola akulo kasezina, suma hi Levi-na, Josue, Bani, Serebiya, Jamin, Akup, Sebetai, Hodiya, Mäseya, Kelita, Azariya, Jozabat, Hanan ki Pelaya a vazi ad’u gata.

Sawal la giled’a 134:2

Agi yogi abogi akulo yam yima a kud’urom kuana, agi suburugi Ma didina.

Sawal la giled’a 141:2

Ar tchen manda ti i akulo avorong d’igi andosâ hi dubang ma his djivid’ina na; abon ma an yom akulo á tchendina, mi i akulo avorong d’igi vama ngat buzu ma fladegena na mi.

Sawal la giled’a 28:2

Ata yima an nga ni yangâ, ata yima an nga ni yo abon akulo ir abo yi mang ma ang tinim iram vam ma kal teglesîna, ang hum tchen man nda hud’a.

Sawal la giled’a 41:13

Wani ang djigin akulo ni yam d’ingêr manda, ang nga ngomon kä avorong teteu.

Sawal la giled’a 63:4

Kayam o mang nga didinda kal kak kä karid’id’a, an mba ni suburungû.

Sawal la giled’a 95:3

Kayam Ma didina nAlo ma ngolâ, mam mamul ma ngol ma yam alona petna.

Buzuk ka Abud’a 12:27

agi hulong dazi ala: Ni vun til ma Pak ma a ngat buzuna á he ngola mi Ma didin ma kal yam azina hi Israel-lâ avo Ezipte-na. Ata yi máma mi tchi Ezipte-na, mi ngomomi amiya. Ata yi máma Israel-lâ a grif kä andaga a kud’or Ma didina.

Buzuk ka Abud’a 4:31

Sum ndazina a he gagazid’a, a wala Ma didina mi mba wa gevezi á ndjunuziya, mi wazi wa ndak mazid’a. A tchuk guguvazi kä, a kud’uromu.

Jeremi 28:6

Mi dala: Amin! Ar Ma didina mi le hina, ar mi ndak vun zla d’a ang djogot teid’a, ar mi mba kahle suma kur gong mam mba kud’orina ki suma pet suma a yozi magombina ka hî!

Hor ma tchina 3:41

Ar ei tchenei Alona ki hur ma tuna, ar ei yoi aboi akulo ir Alo ma sä akulona ala:

Sunda hi suma hi Levi-nid’a 9:24

Akud’a ti tcholï avok Ma didina, ti ngal vama ngat buzu ma ngala ki mbulâ akulo yam yima ngal ahle suma ngat buzuna woyo. Suma pet a wad’u, a er ad’uzi akulo, a le furîd’a, a grif kä, a kulup irazi kä andaga.

Matiye 26:39

Mi hut sä avok hina nde, mi ge tam kä, mi tchen ala: Abunu, le ndak hina ni, ang hle kop ma ayî ma wana woi kanu. Wani ang le ni ata min manda d’i, wani ang le nata min manga.

Matiye 6:13

Ar ang imi kur kuka d’i, wani ang pad’ami woi abo Ma tchona. [Leud’a, ad’enga ki subura ni manga gak didin. Amin!]

1 Korente-na 14:16

Le ang nga le mersi mAlona kur muzugangû ni, sama nga kaka kur Toka á humbina mba mi dala Amin yam tchen manga ni nana ge? Kayam mam hum nga vama ang duma d’i.

Efes-sâ 1:3

Ar ei gilei Alona Abu Saleina Jesus Christ ma mi b’e vunam kei zlapa tu ki Christ ki vun mam ma b’e ma lara ge pet ma sä akulona.

1 Timote 2:8

Kayam ndata, an min ala andjofâ a tchen Alona ata yina pet, a yo abozi akulo á tchen Alona ki hur ma djivina, bei ayîna, bei tuguyod’a mi.

1 Pierre 1:3

Ar ei gilei Alona Abu Saleina Jesus Christ yam we hohou mam mba ngola mi hei ari d’a awilid’a ata yima mi tchol Jesus Christ akulo aduk suma matnina. Ni Ma ari ma ei tini huri kama.

Vama ndum mbeina 7:11

Malaikana pet a nga tchola a ngui zlam mba amula kä ki suma nglona kahle suma ari suma fid’ina. A grif kä ki irazi avok zlam mba amula, a kud’or Alona,