Nehemi 8:15 - Bible azumeina

¹⁵ a i tchi wal zla ndata woi kur azì mazina kur Jerusalem mi ala: Agi buzugugi igi yam ahinad’a, agi kagi abo agu olif ma avona ki olif ma abageina, abo agu mirtena, abo amulongeîna kabo agu ma d’ufa á ve zlub’ud’a d’igi a b’ir kä na.

Nehemi 8:15 Kruisverwysings

Ad’u Tinda 8:11

Ki fladeged’a ndat hulongî gevem ki hum agu olif ma d’ufa avunad’u. Ata yi máma Noe mi wala mbina mi so wa woi yam andagad’a da’.

Sunda hi suma hi Levi-nid’a 23:4

Ma didina mi de kua ala: Wana ni vun til ma tetengâ hi an Ma didinina ki tok ka a tinit irat vat ta agi mba tchazi walazi woi kur bur ma an ngamina:

Sunda hi suma hi Levi-nid’a 23:40

Kur bur ma avok máma agi yogi vud’agu ma djivina kabo amulongeîna kabo agu ma d’ufa kabo da’ara mi. Agi lagi furîd’a avogon an Ma didina gak burâ kid’iziya.

Zakari 1:8

Kur andjeged’a vana nde tam mbei iranu, an we sana mi nga yam akulum ma hleuna, mi nga tchola aduk agu mirtena gumunu, akulumei suma hleuna kakulumei suma bolona kakulumei suma hobiyona a nga tchola blogomu.

Matiye 21:1

Kid’a Jesus azi ki sum mama a mba go ki Jerusalem-mba, a mba Betfage go kahina d’a Olif-fa. Jesus mi sun mam suma hata mbà,

Jean 12:13

A yo hum tumura aboziya, a buzuk kei á d’ugulomu, a de ki delezi akulo ala: Ei suburi Alona. Ar Alona mi b’e vunam yam sama nga mi mba ki simiyê Ma didinina. Ar Alona mi b’e vunam yam Amulâ hi Israel-lîna mi.

Gat ta a hat á mbàd’id’a 16:16

Kur bizad’a tu andjuvei magina pet a i avok Ma didina Alo magina yazi hindi ata yima mam mba mi manam á le vun til ma a lum kavungô ma a lum bei angufina, á le vun til ma Pantekot-na, á le vun til ma zlub’ud’a mi. Ar sa mi i avok Ma didina Alo magina abom hawa d’i.

Vama ndum mbeina 7:9

Bugol ahle ndazina, an wablau suma mimiyâ’â a nga toka, ni suma sana mi ndak á ndumuzi d’uo na. Azi nad’u andjaf ma yam andagad’ina pet, nad’u andjafâ hi sumina pet ki suma pet ki vun ma ded’a pet. Azi nga tchola avok zlam mba amula, avok Gor timina mi, a tchuk baru d’a fiyak ka hapa ataziya, ki hum tumura abozi mi.