Nehemi 7:1 - Bible azumeina

¹ Kid’a gulumuna dap minda, an duk bapma avunam akulo mi d’a, an tin suma ngom vun gongîyona, suma hle sawala ki suma hi Levi-na kur sun mazid’a.

Nehemi 7:1 Kruisverwysings

2 Amuleina 7:10

Kayam ndata, azi hulong a yï suma ndjol vun agrek ma ngolâ, a dazi ala: Ami imi kur kangâ hi suma Siri-na, wani ami fami nga sa tu d’i, ami humumi nga del sa d’uo mi. Arî akulumeina ki korona a nga ndjinda kä ni azi hol, a ar zlub’ud’a kä woi mumudjuk mi.

2 Sunda Hamuleinid’a 31:2

Ezekiyas mi tin suma ngat buzuna ki suma hi Levi-na ad’u adezezi ad’u adezeziya, nge nge pî, kur sun mamba, suma ngat buzuna ki suma hi Levi-na, á he he d’a hawa d’a ngala ki d’a ngat buzu d’a zlap darigïd’a, á le sunda, á le mersi, á gile Ma didina, á suburum avun agre’â hi kang mamina mi.

Esdras 3:8

Kur til ma mbàna hi biza d’a mbàd’ina kur mba mazid’a avo Jerusalem ata yima gong nga kud’ora hAlonid’a nga kuana, Zorobabel Salatiyel goroma, Josue Josadak goroma, b’oziyozi suma ngat buzu suma a arâ, suma hi Levi-na ki suma pet suma a tcholï kur magomba a mba avo Jerusalem-ma, a nde le sunda. A he sun ndata abo suma hi Levi suma bizazi dok mbà dok mbà d’oze kal dok mbà dok mbàna, kayam a gol sun nda led’a hi gong nga kud’ora hi Ma didinid’a.

Nehemi 10:39

Kayam Israel-lâ ki suma hi Levi-na a mba ki he d’a hawad’a hawu mazi ma azi pad’am vunama ki süm guguzlu d’a bei ned’a ki mbul olifâ kur gong ndata ata yima a tchuk ahlena hi gong nga a tinit irat vata kuana; ni yima suma ngat buzuna a nga le sunda kua zlapa ki suma ngom vun gongîyona ki suma hle sawalina. Hina wani, ei mba wal lei woi ki gong nga kud’ora hAlo meinid’a d’i.

Nehemi 11:3

Wana ni suma avok suma yam andaga ndata suma a kak avo Jerusalem-ma. Wani kur azì ma Juda-na suma Israel-lâ, suma ngat buzuna, suma hi Levi-na, andjaf azungeîna hi Salomon-na, nge nge pî mi i kak kur aziyam ma a vud’um kuana.

Nehemi 12:24

Suma hi Levi suma avok sumina ba wana: Hasabiya, Serebiya ki Josue Kadamiyel goroma ki b’oziyozi suma ding suma a tinizi adesâ adesâ yam tazi á gile Ma didina ki sawala d’igi David sana hAlonina mi he vuna na na.

Nehemi 6:1

Ata yima an duk nga bapma avun agre’â d’uo tua na, Sanbalat ki Tobiya ki Gesem ma Arap-ma ki mami suma djangû suma dingâ a hum ala an min wa gulumuna akulo, hod’ol mamba ar nga d’uo mi.

Nehemi 6:15

Gulumuna mi dap minda ni kur bur ma dok mbà yam vahlâ hi til Elul-lâ; bur ma a le sun gulumuna kurâ pet ni burâ dok vahl yam mbà.

Nehemi 6:19

A nga dum zlam djivid’a avoronu, azi im zla manda mi. Mam nga mi sununï mbaktumba á mbud’un mandarâ.