Nehemi 6:6 - Bible azumeina

⁶ A b’ir kua ala: Vuna mi wet wa woi aduk suma, Gasmu mi dami na mi ala ang ki Juif-fâ agi nga minigi tagi á tchol huneîd’a. Ni kayam ndata ba, ang hulong nga min gulumuna akulo. A nga dala ang nga hal á kak amul mazina.

Nehemi 6:6 Kruisverwysings

Esdras 4:12

Amulâ, ang we Juif suma a tcholï hatang a mba adigami ka hî avo Jerusalem-ma ki yam mazi d’a ad’enga kasa’at mazid’a, a nga min azì mazina akulo, a ge nga ad’u gulumuna kä, a nga minim akulo mi.

Esdras 4:15

ar ang hal kur mbaktum mba ge humba habuyong ngolod’a, ang mba fe, ang mba we kur mbaktum mba ge humba ala sum ndazina ni suma yam mba ad’enga, ni suma huneîd’a, ni suma a kak djangûna kamuleina kazì ma dingâ teteng mi. Ni suma a tchol huneîd’a adjeu ki suma te yambina. Ni kayam ndata ba, a b’lagazi kaziyazi woi wana.

Nehemi 2:19

Wani ata yima Sanbalat ma Horon-na ki ndram ma sunda Tobiya ma Amon-na ki Gesem ma Arap-ma a hum hina na, a nde lazamiya, a golomi is, a dami ala: Agi lagi ni me hina ge? Agi tchologi ni huneîd’a kamulâ zu?

Nehemi 6:13

A wuragam kayambala an mbut mandarâ ni tit yam d’al mama ni le tchod’a le ba, azi b’lagan simiyên ndei á mbud’un zulona d’a.

Nehemi 6:5

Sanbalat mi sunï azong mama atan yam á vahla ki mbaktumba vunat mala woi abomu.

Nehemi 6:7

A nga dala ang tin wa suma djok vuna á de woi kang avo Jerusalem ala: Amulâ nga avo Juda. Amul ma ngolâ mba mi hum zla ndata atogo zak. Kayam ndata, ang mbeï ei yoi siretna yam zla ndata.

Jeremi 20:10

An hum ndjak vuna hi suma ablaud’a ala: Ar mandarâ mi nguyum ata yina pet. A nga de tazi ala: Agi dumu! Ei dumu! Buniyôn suma kokodjona pet a nga djup puk manda, a nga dala: Ei i lobomu, dam ei mba kuzï kamu, ei mba hlei atchuguli ki sed’em mi.

Matiye 5:11

Le suma a nga ngulugi a nga djobogi vunagiya, le a nga de zla d’a tcho d’a teteng nga kad’a kagi kayambala agi ni man suma hata d’a ni, agi lagi furîd’a.

Wana ni Zla d’a Djivi d’a Luc mi b’irita 23:2

Azi nde tchugum zlad’a kam ala: Ami fami sama wana nga mi zut sum meina á tchol huneîd’a, nga mi d’el suma ala a he tara mi Sesar ri, nga mi dala mam tamba ni Christ, amulâ.

Jean 19:13

Kid’a Pilat mi hum zla ndatid’a, mi nde ki Jesus abua, mi kak kä yam zlam mba ka sariyad’a. Yi máma simiyêm ala Atranga, a yum ki vun Hebre-na ala Gabata.

Romê-na 3:8

Ni kayam me ba, ami nga dami ala ar ei lei tchod’a, kayam djivid’a ti mba d’uo ge? Gagazi, suma dingâ a nga las zla mamid’a, a nga dala ami dami hina. Alona mba mi kazi sariyad’a kazi nata yad’u.

2 Korente-na 6:8

A nga suburumiya, a nga mbud’umi zulona mi; a nga dami zlami tchod’a, a nga dami zlami djivid’a mi. Azi nga golomi ni d’igi suma ka zlad’a na, wani ami dami ni zla d’a gagazid’a hol.

1 Pierre 3:16

wani agi dagizi ni ki lulumad’a ki ge yam mba kä d’a. Agi kagagi ki djib’er ra djivid’a kurugiya, kayam suma a nga de zla d’a tchod’a kagi yam tit magi d’a djivid’a yam Christ-sina, zulona mi laziya.