Nehemi 6:10 - Bible azumeina

¹⁰ An i avo hi Semaya Delaya gorom ma Mehetabel gorom ngolonina, ni ma nga d’ela avona. Mi dan ala: Ei i kur gonga hAlonid’a kur yima a tinim iram vama, ei dugi vuna keya, kayam mang suma djangûna a nga mba á tchangû. Gagazi, a nga mba ini andjege á tchangû.

Nehemi 6:10 Kruisverwysings

Ad’u Tinda 36:39

Bäl-Hanan Akbor goroma mi mid’a; Hadar, mi vrak tamula blangâmu. Azì mam ma ngolâ a yum ala Pau. Amamba a yat ala Mehetabel Matret gorom mba Mezahap gorom ngolod’id’a.

1 Amuleina 6:5

Mi min gongîyo suma yam ndrozina akulona hindi, huyok gong nga ngola abo hî abo hî nguyut tei d’uhl.

2 Amuleina 11:3

Jowas mi ar kaka ki Joseba kur gong nga kud’ora hi Ma didinid’a ngeid’a gak bizad’a karagaya. Wani Atali nga d’i tamula yam ambasa.

2 Amuleina 9:8

Suma hi Ahap-ma pet a mba dap peyo, kayam an mba ni dap sumala nandjavamu na woyo, nala, magumeina d’oze gro vuta suma a nga aduk Israel-lîna.

2 Sunda Hamuleinid’a 28:24

Ahas mi tok ahle suma kur gong nga kud’ora hAlonid’ina, mi b’lagazi woi kakazeî, mi duk vun gonga hi Ma didinid’a akulo, mi min yima ngal ahle suma ngat buzuna woi kur yima Jerusalem teteng.

2 Sunda Hamuleinid’a 29:3

Kur biza d’a avok ka mi tamulid’a, kur til ma avo’â, mi mal vun gong nga kud’ora hi Ma didinid’a woyo, mi min yima mi b’lak keina akulo.

2 Sunda Hamuleinid’a 29:7

A i gak a duk vun gulumuna hi gong mam mba kud’orina akulo, a tchi lalamba woyo, a nga ngal dubang ma his djivid’ina d’oze a nga he he d’a hawa d’a ngala yam yima a tinim iram vama d’i.

Esdras 10:31

Aduk Harim groma ni Eliyezer, Jisiya, Malkiya, Semaya, Simeon,

Esdras 8:16

Ata yi máma an yi suma nglona Eliyezer, Ariyel, Semaya, Elnatan, Jarip, Elnatan, Natan, Zakari, Mesulam ki suma a hat suma gatina Jojarip ki Elnatan.

Nehemi 6:12

An we tcha ala zla d’a mi dandjid’a tcholï nga nata Alona d’i. Mi dan hina, ni kayam me Tobiya azi ki Sanbalat a wuragamî wuraga.

Sawal la giled’a 12:2

Ma didina, ang ndjunumiya! Sama d’engzeng nga d’uo d’a, suma d’ingêrâ a nga dap pei aduk suma.

Sawal la giled’a 37:12

Sama asa’atna nga mi djib’er kurum á le sama d’ingêrâ tchod’a, mi et siyam atam mi.

Zla d’a d’ogolâ 11:9

Sama bei wAlona nga mi b’lak ndrama ki zla d’a de d’a avunamba, wani suma d’ingêrâ a nga prut tei ki we mazid’a.

Jeremi 36:5

Bugola, Jeremi mi he vuna mi Baruk ala: Gola! An ni d’ela, an ndak á i kur gong nga kud’ora hi Ma didinid’a d’i.

Ezekiyel 3:24

Muzu’â hAlonina mi kal kurunu, mi tcholon akulo kasenu. Ma didina mi dan ala: Ang i avo hatangû, ang duk vuna kangû.

Malatchi 1:10

Ma didin ma ad’engêm kal petna mi dala: Agiya, ni nge adigagi ba, mba mi duk vun gong man nda kud’ora akulo tala agi ngalagi akud’a yam yi man ma ngal ahle suma ngat buzuna hawa yak kuo d’a ge? Tan nga d’i lan djivid’a kagi d’i. An min ve he d’a hawa magid’a abogi d’i.

Matiye 7:15

Jesus mi had’azi kua ala: Agi gologi tagi djivi ki suma djok vun suma ka zla suma a nga mba atagi ki bak tumiyôna atazina, wani kuruzi krovo ni ngû ma ayîna.

Jean 3:20

Kayam sama nga mi le tchod’ina, nga mi min b’od’a d’i, nga mi mba kur b’od’a d’uo mi, kayam mi min ala sun mam mba le d’a tchod’a ti nde woi abu d’i.

Sunda hi suma a sunuzinid’a 21:30

Suma hur azì ma ngolîna pet a tum akulo, a ringîya, a ve Paul, a tanam mbei abu kur gong nga kud’ora hAlonid’a. Ata yi máma na wat, a duk vun gong nga kud’ora hAlonid’a.