Nehemi 5:7 - Bible azumeina

⁷ An nga hurun á ngop suma nglona ki suma avok sumina, an dazi ala: Ni kayam me ba, agi vagi beged’a ki mbiyot abo b’oziyogina ge? An ge tok ka ngola yam zla mazi ndata.

Nehemi 5:7 Kruisverwysings

Sawal la giled’a 109:11

Ar sama mi he beged’a mi suma ki mbinina, mi hurumum ahle mama kad’enga, ar angoyogeina a hurum ahle suma mi fe ndaka ki sed’ezina!

Sawal la giled’a 15:1

Ni sawal la David mi hlata. Ma didina, ni nge ba, mi ndak á kal kur gong manga ge? Ni nge ba, mi ndak á kak yam ahina mang nga ang tinit irat vata ge?

Sawal la giled’a 15:5

Ni sama nga mi he bege mamba á mbina d’uo na, ni sama nga mi ve beged’a abo sa á b’lak sariyad’a hi sama d’ingêrîd’a woi d’uo na. Sama nga mi le hina na, mba mi puk kä d’i.

Sawal la giled’a 27:8

An djib’er yam zla d’a ang dat ala: Agi halagi á wan iranu d’a. Ni kayam ndata ba, Ma didina, an nga ni hal á wang irangû.

Sawal la giled’a 4:4

Agi wagi ala Ma didina mi wan hohowon ngola; ata yima an nga ni yuma, nga mi humunu.

Sawal la giled’a 94:16

Ni nge ba, mba mi tchol avoron á d’el suma asa’at ndazina ge? Ni nge ba, mba mi tchol á ndjunun abo suma bei d’ingêr ndazina ge?

Buzuk ka Abud’a 22:24

Hurun mba mi zal kagiya, an mba ni hagi woi abo suma; a mba tchagi woi avun ayî ma durâ; amiyôgina a mba ar modonod’a, grogina a mba ar hokuyod’a mi.

Buzuk ka Abud’a 22:25

Le sama hohoud’a aduk sum mana, mi nde beged’a abogiya ni, agi lum d’igi suma he bal suma dingâ a nga le hina d’i, agi djobot mbiyot ti.

Zla d’a d’ogolâ 27:5

Ngop pa ngop sana avunamba kal o d’a a lat kä gumunda.

Zla d’a d’ogolâ 28:4

Suma a nga tit yam gata d’uo na, a nga läd’u sama asa’atna, wani suma a nga tit yam gatina a ka’î djangûna ki sed’emu.

Ezekiyel 22:12

Suma a nga ve beged’a gumun á tchi matnina a nga kurungû, suma a nga hal beged’a ki mbinina a nga kurungû, suma a nga b’at ahlena abo ndrozinina a nga kurung mi. Wani a mar rei kanu. An Salad’a Ma didina ni de na.

Ezekiyel 45:9

Salad’a Ma didina mi dala: Agi amulei suma Israel-lâ, ndak wa da’! Agi aragi murud’umba ki hurumba woyo, agi lagi ni sun nda d’ingêra ki gagazid’a, agi aragi yo d’a agi yogi ahlena hi sum mana kad’engid’a woyo. An Salad’a Ma didina ni de na!

Sunda hi suma hi Levi-nid’a 19:15

Agi kagi sariyad’a bei gagazid’a kur sariya magi d’a kad’a d’i. Ang we hohowa ma houd’a ata yima ka sariyad’a d’i, ang ndjun sama ngola ata yima ka sariyad’a d’uo mi, wani ang ka ni sariya d’a d’ingêra mi ndrangâ.

Sunda hi suma hi Levi-nid’a 25:36

Ar ang ve va abom ki mbina d’oze ang mbud’um iram kur fe mamba d’uo mi. Ang le ni mandara an Alo mangâ, ar wiyengâ mi kak ki sed’engû.

Matiye 18:17

Le mi humuzi nga d’uo ni, ang de zla ndata woi mi Toka. Le mi hum nga Toka d’uo mi ni, ang golomî d’igi sama angeina d’oze sama tar lombod’a na.

2 Korente-na 5:16

Wani ki tchetchemba, ami nga kami ir va d’igi sana na d’i. Ladjï ami kami ni ir Christ d’igi sana na pî, ki tchetchemba, ami nga lami hina d’uo d’a.

Galat-na 2:11

Ata yima Pierre mi mbaza Antiyos-sâ, an ngobom avok suma pet, kayam zlad’a nga kamu.

1 Timote 5:20

Suma nglo suma gol Toka suma a nga le tchod’ina, ang ngobozi ir suma pet, kayam suma hiuna a mbut mandarâ.

Wana ni mbaktum mba Paul mi b’irit mi Tit-ta 2:15

Ang had’azi ahle ndazina, ang gigid’ezi mi. Ang ngobozi ki vun ma hed’a. Ar sa mi golong is si.