Nehemi 5:2 - Bible azumeina

² Suma hiuna adigazi a dala: Ami ki gromi suma andjofâ ki suma aropma, ami ablaud’a, ami minimi awuna, kayam ami tami sud’umi ki tamiya.

Nehemi 5:2 Kruisverwysings

Ad’u Tinda 41:57

Suma yam ambas sa lara ge pet a nga mbeï Ezipte á gus awuna abo Josef, kayam baktarad’a nde yam andagad’a pepet.

Ad’u Tinda 42:2

An hum ala awuna mi nga avo Ezipte. Agi i guzugï awuna nde, kayam ei boi woi abo meid’a d’i.

Ad’u Tinda 43:8

Juda mi de mabum kua ala: Iba, ang ar Benjamin mi i ki sed’enu. Ki tchetchemba, ami tchol imiya. Hina wani, va mba lei d’i, ami ki ang ki gureina ei mba boi d’i.

Ad’u Tinda 47:19

Ni kayam me ba, ang arami ami bomi woi atang ki siliu mamid’a ge? Ang guzumi ki siliu mamid’a, ang hami tena. Ami mbud’umi magumeina hi Faron-na, siliu mamid’a ti mbut ni d’a hi Faron-nda mi. Ang hami tena kayam ami bomi woi d’i, ang hami andjafâ kayam siliu mamid’a b’lak ki.

2 Amuleina 4:1

Bur tu atchad’a hi ma dingâ aduk adesâ hi suma a djok vun Alonina, ti mba fe Elise, ti tchenem ala: Salana, ang we azong mangâ ndjuvun ni sama kud’or Ma didinina. Ki tchetchemba, mi mit wa, wani sama ami hlami beged’a balâ aboma, mi mba á yo gron suma mbàna á mbud’uzi magumei mama.

Nehemi 5:3

Suma hiuna a dala: Ami dengêmi asinemi ki guguzlu mamid’a kaziyami woi á fawuna yam zla meid’a.

Wana ni mbaktumba hi Aze-d’a 1:6

Agi nga zumugi ngola, wani agi nga dud’ugi akid’eid’a; agi nga tagiya, wani agi nga hobogi d’i; agi nga tchagiya, wani nga vagi laud’a d’i; agi nga tchugugi baruna atagiya, wani tagi nga d’i ve d’ut ti. Sama le sunda nga mi ve bege mamba, wani nga d’i ndagam mbi.

Malatchi 2:2

Le agi humugi d’uo, le agi tinigi nga hurugi á suburun simiyên nduo ni, an mba ni gagi vuna, an mba ni b’lagagi djivi magid’a woyo. Gagazi, an mba ni b’lagat teyo, kayam agi vagi nga zla manda kurugi d’i.

Gat ta a hat á mbàd’id’a 23:19

Moise mi de kua ala: Ar agi hagi vama lara ma suma a nga hum á mbinina, d’oze beged’a, d’oze tena, d’oze vama ding mi wiyegina ki mbina d’i.