Nehemi 5:10 - Bible azumeina

¹⁰ An ki b’oziyona kazungeî mana, ami hazi beged’a kawuna balâ mi. Ar ei vei ahle ndazina abozi d’i.

Nehemi 5:10 Kruisverwysings

Nehemi 10:32

Ami tinimi gata kami ala ami wuragami bege d’a a ngat yam gong nga kud’ora hAlonid’id’a bizad’a ki bizad’a,

Nehemi 5:11

Agi hulongôgi ahle suma agi vazi abozina ini, nala, asine mazina, guguzlu mazid’a, olif mazina kaziyaziya. Ahle suma agi hazizi á mbinina pet, nala, beged’a, awuna, guguzlud’a d’oze mbulâ, ar agi vagi va tu abozi d’i.

Nehemi 5:7

An nga hurun á ngop suma nglona ki suma avok sumina, an dazi ala: Ni kayam me ba, agi vagi beged’a ki mbiyot abo b’oziyogina ge? An ge tok ka ngola yam zla mazi ndata.

Nehemi 5:9

An dazi kua ala: Ahle suma agi lazi wana nga djivi d’i. Agi ndak käla agi lagi mandara Alo meina tala andjaf suma ding suma djangû meina a nguli d’uo d’a d’uo zu?

Sawal la giled’a 15:5

Ni sama nga mi he bege mamba á mbina d’uo na, ni sama nga mi ve beged’a abo sa á b’lak sariyad’a hi sama d’ingêrîd’a woi d’uo na. Sama nga mi le hina na, mba mi puk kä d’i.

Isai 58:6

D’el ta bei te tena d’a an tan lan djivid’a kata ba wana: Agi bud’ugi kindjingâ hasa’atina woyo, agi bud’ugi ziyona hi dju’îna woyo, agi tchugugi suma a nga djobozi vunazina akulo, agi kuzugi djuk ma lara ge woi pet,

Ezekiyel 18:13

le nga mi he va mi sa ki mbina, le nga mi hal mbina abo sana ni, gor máma mba mi kak karid’a zu? Mba mi kak karid’a d’i. Le nga mi le sun nda ndjendje d’a hina d’a ped’u ni, gagazi, a mba tchumu. Mi tchi tamî vamu.

Ezekiyel 18:7

nga mi b’at va abo sa kad’enga d’i, nga mi hulong vama sana mi dengêmzina, nga mi kul li, nga mi he te mama mi sama meid’a tchuma, nga mi he baruna mi sama gandilad’a,

Ezekiyel 18:8

nga mi he va mi sa ki mbina d’i, nga mi hal mbina abo sa d’i, nga mi ve bege d’a mbut ira abo sa d’i, nga mi ka sariya d’a gagazid’a aduk sana ki ndrama,

Mise 2:1

Ni zla d’a hohoud’a yam suma a nga nga huruzi andjege á le tchod’ina. Ata yima yina fona, azi ndak vun tcho mazi ndata ata yima azi nga kad’enga abozina.

2 Korente-na 5:11

Kayam ami suma nga lami mandara Salad’ina, ami nga halami suma ala a mbut huruziya. Wani Alona wami tetet; an wala agi wami kurugi woi tetet mi.

2 Korente-na 5:20

Kayam ndata, ami mbud’umi suma sunda vrak balum Christ d’igi Alona tamba mi yagi yam wal mami d’a tchid’a na. Ami nga tchenegi ki simiyê Christ ala: Ar agi zlabagi darigïd’a kAlona.

2 Korente-na 6:1

Kayam ami nAlona ndrom suma sunda, ami nga tchenegiya: Ar agi gologi suma d’a Alona mi vagizid’a d’igi vama hawana na d’i.

Gat ta a hat á mbàd’id’a 15:2

Wana ni gat ta agi mba hulongôgi ahlena akulo mi simiyêzid’a: Le a tchi wa wala akulo yam biza d’a a hulong ahlena akulo mi simiyêzi á subur Ma didinid’a ni, suma pet suma a he balâ mi ndrozinina, a djobom mbi. Ar a tes ndrozina ki b’oziyozina akulo ala a wuragaziziya d’uo mi.