Nehemi 4:7 - Bible azumeina

⁷ Wani ata yima Sanbalat ki Tobiya ki suma Arap-ma ki suma Amon-na ki suma Asdot-na a hum ala minda hi gulumun ma Jerusalem-ma nga i avogovogo, hod’ol mamba nga d’i duk kei mi d’a, huruzi mi zala.

Nehemi 4:7 Kruisverwysings

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

2 Amuleina 24:2

Kayam ndata, Ma didina mi sunï azigar suma Babilon-na ki azigar suma Siri-na ki azigar suma Mowap-ma ki azigar suma Amon-na ata Jojakim á b’lak leu d’a Juda-d’a woi d’igi Ma didina mi de zlad’a avun azungeî mam suma djok vuna na.

2 Sunda Hamuleinid’a 20:1

Bugol ahle ndazina, suma Mowap-ma ki suma Amon-na zlapa ki suma Mowan-na a mba á dur ayîna ki Josafat.

Esdras 5:8

Ang wala ami imi yam andaga d’a Juda-d’a gak ata yima gong nga kud’ora hAlo ma ngolîd’a ti nga kuana. A nga min gong ndata ni kahina d’a tcheta, a nga pe aguna aduk gulumuna. Sun ndata nga d’i labozi djivid’a, nga d’i i avogovok mi.

Nehemi 2:10

Kid’a Sanbalat ma Horon-na ki ndram ma sunda Tobiya ma Amon-na a hum zla ndatid’a, huruzi zal ngola, kayam an mba á hal djivid’a hi Israel-lîd’a.

Nehemi 2:19

Wani ata yima Sanbalat ma Horon-na ki ndram ma sunda Tobiya ma Amon-na ki Gesem ma Arap-ma a hum hina na, a nde lazamiya, a golomi is, a dami ala: Agi lagi ni me hina ge? Agi tchologi ni huneîd’a kamulâ zu?

Nehemi 4:1

Kid’a Sanbalat mi hum ala ami nga minimi gulumuna akulod’a, hurum zal ngola, nga mi hat hurum heî mi.

Nehemi 4:6

Ami minimi gulumuna ki zlam pet, ami minim akulo gak mbam aduk d’ad’ar, kayam ablaud’a a he huruzi tu á le sunda.

Nehemi 4:8

Azi pet a ndjak vunazi tu á ndami ami suma Jerusalem-ma ayîna á d’elemi avun sun ndata.

Nehemi 6:16

Kid’a mami suma djangûna pet a hum hina d’a, andjaf suma ding suma a nguyumina pet a mbut mandarâ, a hulong yazi kä yam taziya, a wala sun ndata ti le ni ata minda hAlo meinid’a.

Jeremi 25:20

An hum mangoyogei suma a nga kaka avo Ezipte-na, mamulei suma yam ambas sa Us-sa pet kamulei suma yam ambas sa Filistê-d’a pet, mi suma Askalon-na, mi suma Gaza-na, mi suma Ekron-na ki suma a ar kaka Asdot-na pet mi.

Jeremi 41:10

Bugola, Ismael mi yo suma pet suma a ar avo Mispa-na magomba, zlapa kamulâ grom suma aropma ki suma pet suma a ar avo Mispa suma Nebuzaradan ma ngolâ hi suma a ngom yinina mi hazi abo Gedaliya Ahikam goromina. Ismael Netaniya goroma mi yozi magomba, a i ki sed’ezi á izi avo Amon.

Amos 1:13

Ma didina mi dala: Suma Amon-na a nga i avogovok kur tchod’a wan pî, an mba ni djok vunan yam zla d’a an data d’i. Kayam azi ze hur arop suma Galät-na woi á wul andaga mazid’a avogovogo,

Amos 1:8

An mba ni tchi suma a nga kaka Asdot-na woi pet ki ma nga mi tamula Askalon-na woi mi. An mba ni hulong abon ni tum suma Ekron-na, suma Filistê suma a arâ a mba dap pei mi. An Salad’a Ma didina ni de na.

Amos 3:9

Agi tchagi wala akulo yam azì ma amul ma Asdot-na, yam azì ma amul ma Ezipte-na ala: Agi togogi tagi akulo yam yima nding ma Samari-na, agi gologi siwel la gandjaud’a ki murud’um mba a nga lat ata tazid’a.

Sunda hi suma a sunuzinid’a 5:33

Wani kid’a azi hum zla ndatid’a, huruzi zal ngola, a min á tchi suma a sunuzina.

Vama ndum mbeina 12:17

Dragona mi mbut ayîna, mi kak djangûna katcha ndata, mi i á dur ayîna kandjavat ma arâ ki suma pet suma a ge yazi kä ad’u vun ma hed’a hAlonina ki suma d’engzeng suma a nga tit yam gagazi d’a Jesus mi ndat teid’ina.

1 Samuel 11:2

Nahas amul mama mi hulong dazi ala: Djiviya! Le an tcho nge nge pî adigagi iram mba ndjufâ woyo ni, bugola, an djin vunan ki sed’egiya. Hina wani, an mba ni mbut Israel-lâ pet vama ngula ir suma.