Nehemi 4:2 - Bible azumeina

² Nga mi lazamiya, mi de avok b’oziyoma ki azigar suma Samari-na ala: Juif suma ad’engêzi nga d’uo na a le ni me na ge? A mba dap sun mazid’a á hahle suma ngat buzuna mAlo mazina zu? A mba dap sun mazi d’a min gulumuna ini kahinad’a a yot kä aduk butna d’a ngal leid’a zu?

Nehemi 4:2 Kruisverwysings

Esdras 4:4

Ata yi máma suma yam ambas ndatina a tchuk suma Juda-na tazi susub’ok, a mbud’uzi mandarâ á min gong ndata,

Nehemi 12:27

Kid’a a dap gulumun ma Jerusalem-ma dapa, a i halï suma hi Levi-na ata yima azi nga kaka kuana pet, a mba ki sed’ezi Jerusalem á le furîd’a á tin gulumuna iram vam mAlona, á hle sawala giled’a ki tchigiyeud’a kading ma nglona ki ma gureina mi.

Nehemi 12:43

Kur bur máma suma a he he d’a hawa d’a ngat buzuna ablaud’a, a le furîd’a ngola, kayam Alona mi hazi bur ma furîd’a. Aropma ki kemba a le furîd’a avo Jerusalem mi. Kayam ndata, suma a nga humut sä woi ata yima deina.

Nehemi 4:10

Wani suma Juda-na a dala: Suma yo ahlena ad’engêzi nga d’i. Kayam butna kal ngola heî, ei ndak á tewei gulumuna d’i.

Nehemi 6:15

Gulumuna mi dap minda ni kur bur ma dok mbà yam vahlâ hi til Elul-lâ; bur ma a le sun gulumuna kurâ pet ni burâ dok vahl yam mbà.

Sawal la giled’a 83:4

A nga min tazi gumun á dur sum mangâ, a ndjak vunazi á dur suma ang nga ngomozina.

Jeremi 26:18

Mika ma Moreset-na mi djok vuna kur atchogoid’a hi Ezekiyas amul ma Juda-nid’a, mi de mi suma Juda-na pet ala: Ma didin ma ad’engêm kal petna mi dala: A mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Jeremi 33:24

Ang nga hum zla d’a sum ndazina a nga data ko zu? A nga dala: Ma didina mi ar wa Israel ki Juda andjaf ma mbà ma mam manama woyo. Ni kayam ndata ba, a gol sum mana is, a golozi ni d’igi andjafâ d’uo na iraziya.

Daniel 9:25

Ang we, ang wad’ud’a djivi mi. Tin ad’ud’a kur bur ma a ge sunda á dala: A mba hulong min Jerusalem akulo gak mbad’a hi ma ngol ma a yum ala Mesi-na na, a mba le ni bizad’a kid’iziya kid’iziya yat kid’iziya. Bugol kur biza d’a kid’iziya kid’iziya dok karagaya yam mbàd’a, a mba hulong min azì máma akulo ki ir gulumun ma tcho woina, wani ni kur yima ndaka.

Habakuk 3:2

Ma didina, an hum zla d’a ang data, Ma didina, mandarâ van heî abo sun mang nga led’a. Ang le sun manga kur atchogoi mamid’a d’igi ang lat adjeu na; kur atchogoi mamid’a ang tagat tei mi suma. Le hurung zal pî, ar ang djib’er yam we hohou mang nga kamid’a.

Zakari 12:8

Kur bur máma Ma didina mba mi ngom suma Jerusalem-ma. Ma amangeî ma adigazina mba mi mbut ni d’igi David na, ma ad’u andjafâ hi David-nina mba mi mbut ni d’igi Alona na, d’igi malaikana hi Ma didinina na avorozi mi.

1 Korente-na 1:27

Wani Alona mi man ni suma suma kur duniyad’a a nga golozi ala ni suma lilid’a na á mbut suma ned’a zulona. Mi man suma suma kur duniyad’a a nga golozi ala ni suma amangeîna na á mbut suma ad’engâ zulona mi.