Nehemi 4:17 - Bible azumeina

¹⁷ Suma min gulumuna ki suma zi ahlena a nga le sunda kabozi ma hina, ahle suma sïna abozi ma hina mi.

Nehemi 4:17 Kruisverwysings

Nehemi 4:13

Ni kayam ndata ba, an ni tin suma sunda bugol gulumuna kä á ndjola, an tinizi ad’u adezezi adezezi ki mbuguyo suma fuyogeina kasubiyona ki yeûd’a aboziya.

Nehemi 4:16

Tin ad’ud’a kur bur máma dei wani, azungeî man suma hiuna a nga le sun mazid’a, suma hiuna a tchuk kongrongâ ataziya, a yo asubiyona ki yeûd’a ki mboriyona aboziya. Suma te yamba a nga ad’u suma Juda-na pet.

Nehemi 4:18

Suma min gonga nge nge pî mi djin mbigeu mam mba fiyaka furumu; ni hina ba, a nga le ki sunda. Sama bu adifa mi nga tchola geven mi.

Sawal la giled’a 149:6

Ar azi gile Alona teteu ki vunaziya, ar mbigeu d’a fiyak ka siyat mbàd’a ved’a abozi

Sawal la kal teglesa 3:8

Azi pet ni suma a nga ki mbigeu d’a fiyaka abozina, ni suma a hat dur ayîna heîna. Nge nge pî mi djin mbigeu mamba ir tchugulum á d’el vama tcho ma mi mba andjegena.

Daniel 9:25

Ang we, ang wad’ud’a djivi mi. Tin ad’ud’a kur bur ma a ge sunda á dala: A mba hulong min Jerusalem akulo gak mbad’a hi ma ngol ma a yum ala Mesi-na na, a mba le ni bizad’a kid’iziya kid’iziya yat kid’iziya. Bugol kur biza d’a kid’iziya kid’iziya dok karagaya yam mbàd’a, a mba hulong min azì máma akulo ki ir gulumun ma tcho woina, wani ni kur yima ndaka.

Joel 2:8

Nge nge pî nga mi zut ndram mbi, nge nge pî mi hle ni lovot mamba, azi nga tchila yam ahle suma ayîna bei d’elezi ba.

1 Korente-na 16:13

Ar agi kagagi ki ndjola, ar agi tchologi ngingring kur he gagazid’a, ar agi vagi tagi ad’enga mi.

1 Korente-na 16:9

kayam Alona mi mal lovota avoron á lum sunda ngola, wani suma djangûna a nga ablaud’a mi.

1 Korente-na 9:12

Le suma dingâ a nga lagi na ni, ami lami na kal luo zu? Wani ami lami nga na d’i! Ami vami tami kur ahlena pet, tala ami d’elemi lovot Zla d’a Djivid’a hi Christ-sa d’a d’i.

2 Korente-na 6:7

ki wal mami d’a tchi d’a gagazid’a kad’enga hAlonid’a. Ami nga kahle suma dur ayî suma d’ingêrâ á sut tami á dur ayîna mi.

Filip-ma 1:28

Ar agi lagi mandar suma djangû magina d’i. Wana ni vama simata kazi ala azi ni suma ba woina. Wani ni vama simata yam sut magid’a ala ti tcholï nata Alona.

2 Timote 2:3

Ar ang fe ndaka zlapa ki sed’en d’igi azigar ma d’engzengâ hi Jesus Christ-sâ na.

2 Timote 4:7

An dur wa ayî ma djivina, an dap wa vun ring mana, an ngom wa he gagazi manda mi.