Nehemi 3:26 - Bible azumeina

²⁶ Netin suma a nga kaka Ofel-lâ a le sunda gak a mbaza avun agrek ma mbiyo ma abo ma yorogonina gak a mbaza ata gong nga ndjol la nga ata yima gulumuna mi kong kuana.

Nehemi 3:26 Kruisverwysings

1 Sunda Hamuleinid’a 9:2

Suma a hulongî a kak avok kikidji kur yima a hazizi djonina ni Israel suma hawana, suma ngat buzuna, suma hi Levi-na ki suma Netin-na mi.

2 Sunda Hamuleinid’a 27:3

Ni mam ba, mi min vun agrek ma akulo nding ma avun gong nga kud’ora hi Ma didinid’ina, mi le sunda ngola yam gulumun ma yam yima a yum ala Ofel-lâ.

2 Sunda Hamuleinid’a 33:14

Bugol ahle ndazina, mi min gulumun ma woi abu avun Azì ma ngolâ hi David-nina abo ma fladegena hi mbiyo ma lau ma Gihon-na kur hora gak mi mbaza avun agre’â hi kulufîna. Mi ngui Ofel lei d’uhl, mi minim akulo fiyaka dei, mi tin azigar suma nglona kur azì ma ad’eng ma ngungu ma kur Juda-na pepet mi.

Nehemi 10:28

Ablau suma pet, suma ngat buzuna, suma hi Levi-na, suma ngom vun gongîyona, suma hle sawala, suma Netin-na ki suma a wal tazi woi ki kangoyogeina pet á tit bugol Gata hAlonid’ina zlapa kamiyôzina, grozi suma andjofâ, grozi suma aropma ki suma ne suma ndak á wäd’u zlad’ina mi,

Nehemi 11:21

Suma Netin-na a kak kur abo azì ma Jerusalem ma a yum ala Ofel-lâ; suma avorozina ni Siha ki Gisepa.

Nehemi 12:37

A mbaza avun mbiyo ma laud’a, a nga irazi avok d’ingêr a djak ata yima djak akulo ma i kur Azì ma ngolâ hi David-na yam gulumun ma kal akulo yam gong nga amula hi David-tina gak a mbaza avun agrek ma i ki ata yima mbina ma abo ma yorogonina.

Nehemi 3:27

Suma a le sunda kazina ni suma Tekowa-na, a min yima dingâ yam gong nga ndjol la nga ata yima gulumuna mi kong kuana, gak a mbaza ata gulumun ma Ofel-lâ.

Nehemi 8:1

Kid’a til ma kid’iziyana mi deîd’a, Israel-lâ a nga avo hataziya. Kur bur máma a tok d’igi sama tuna na ata yima avun agrek ma i ki yima mbinina, a de mi Esdras ma we gata heîna ala mi hleï mbaktum mba Gat ta Ma didinda mi hat mi Israel-lâ abo Moise-sa.

Nehemi 8:16

Ata yi máma suma a buzuk a i á ka abo aguna. Nge nge pî mi ve zlub’ud’a akulo yam dudur mamba avo hur aziyamu, avun gong nga kud’ora hAlonid’a, avun agrek ma i ki yima mbinina, avun agre’â hi Efraim-ma mi.

Nehemi 8:3

Esdras mi nga tchola avun agrek ma i ki yima mbinina, mi tin ad’u ndum mbaktumba yorogo dei gak faleya, avok andjofâ karopma ki suma a ndak á hum zlad’ina. Suma pet a nga kaka tchugot á hum gat ta mam nga mi ndumuta.

Isai 32:14

Kayam a ar azì ma amula kazì ma ngol ma suma a nga le vuna kua gandjauna woyo. Yima ndingâ ki gong nga fiyak ka ndjola, a mba mbut ni domi ma ngeid’a yam koro ma abageina ki iram fafat, a mba mbut ni yima pol d’uwarâ mi.