Nehemi 13:3 - Bible azumeina

³ Ata yima Israel-lâ a hum gatina, a wal tazi woi kangoyogeina.

Nehemi 13:3 Kruisverwysings

Esdras 10:11

Ki tchetchemba, agi dagi tcho magid’a woi mi Ma didina Alona habuyogi ngolona, agi walagi woi ki suma kur ambas sa wandina kandjaf arop suma dingâ mi.

Esdras 9:2

Kayam azi vigizi grozina, azi vigizi grozina mi grozina mi, a gizeî andjaf ma a tinim iram vama kandjafâ hi suma kur ambas sa wandina. Ni suma avok suma ki suma nglona ba, a le sun nda tcho ndata avogo.

Nehemi 10:28

Ablau suma pet, suma ngat buzuna, suma hi Levi-na, suma ngom vun gongîyona, suma hle sawala, suma Netin-na ki suma a wal tazi woi ki kangoyogeina pet á tit bugol Gata hAlonid’ina zlapa kamiyôzina, grozi suma andjofâ, grozi suma aropma ki suma ne suma ndak á wäd’u zlad’ina mi,

Nehemi 9:2

Kid’a andjaf Israel-lâ a wal tazi woi kangoyogeina peta, a i a de tcho mazi d’a azi lata woi ki d’a habuyozid’a mi.

Sawal la giled’a 119:11

An nga ni ngom zla manga kurun kayambala an le tchod’a avorong nguo d’a.

Sawal la giled’a 119:9

Ni nana ba, azongâ mba mi tit tit ta irata ge? Nata yima nga mi ngom zla mangina.

Buzuk ka Abud’a 12:38

Andjaf suma ablaud’a teteng a i ki sed’eziya, d’uwar ma gureina ki ma nglona ablaud’a mi.

Zla d’a d’ogolâ 6:23

Kayam vun ma hed’a ni lalamba, hata ni b’od’a, ngopa á hata ni lovot ta suta.

Ndumba 11:4

Andjaf ma ding ma teteng ma nga aduk Israel-lîna nga ni le d’od’oka heî. Israel-lâ tazid’a pî a tchol tchina ala: Ni nge ba, mba mi hami hliuna á mutna ge?

Romê-na 3:20

Kayam ndata, le sana mi ngom gata pî ni, mam mba mi mbut sama d’ingêrâ avok Alona d’i, kayam gata ti ta’î sana tcho mamba hol.

Jacques 1:27

He gagazi d’a irat ta memet ta avok Alona Abuid’a ba wana: Mi i d’u suma hokuyod’a ki suma modonod’a kur ndak mazid’a, mi gol tam ped’et ki tchod’a hi duniyad’id’a mi.