Nehemi 13:15 - Bible azumeina

¹⁵ Kur biza ndata an we suma yam ambas sa Juda-d’a a nga miret vud’a guguzlud’a ata yima mired’et kuana kur bur ma sabatna. Suma dingâ a nga yoï awuna ki süm guguzlud’a ki vud’a tuluma kandjaf ahlena teteng yam koro mazina, a kal ki sed’ezi kur Jerusalem kur bur ma sabatna. Ata yima azi nga guzuzi woina, an ngoboziya.

Nehemi 13:15 Kruisverwysings

2 Sunda Hamuleinid’a 24:19

Ma didina mi sunuzi mam suma djok vuna á hulongôzi gevemu. Mam suma djok vuna a nga lazi glangâsâ, wani azi nga tin humazi yam zla mazid’a d’i.

Nehemi 10:31

Ami hlami vunami kua ala le andjaf suma yam andaga d’a wandina a mbami ni ki vama gus soze vama tena á guzum mbei kur bur ma sabatna d’oze kur bur ma luna ni, ami mba guzum abozi d’i. Ami hlami vunami kua ala ami mba arami asinemi gumur kä bizad’a kid’iziya, ami mba tezemi sa á wuragami bal luo mi.

Nehemi 10:32

Ami tinimi gata kami ala ami wuragami bege d’a a ngat yam gong nga kud’ora hAlonid’id’a bizad’a ki bizad’a,

Nehemi 13:16

Suma Tir suma a nga kaka avo Jerusalem-ma a mba ki kulufâ kandjaf ahlena teteng á gusa woyo, a guzuzi woi kur bur ma sabatna abo suma Juda-na avo Jerusalem.

Nehemi 13:21

Ata yi máma an ngobozi ala: Ni kayam me ba, agi burugi kä avun azina abu ge? Le agi lagi kua d’eyu ni, an mba ni yogiya. Tin ad’ud’a kur bur máma azi hulong mba nga kahlena kur bur ma sabatna d’uo d’a.

Nehemi 9:29

Ang ngobozi á hulong ata gat manga, wani azi nga i avogovok ki yam mba ad’enga, a hum nga gat manga d’i, a nga le tchod’a, a noî vun mang ma he ma sana le mi le sunda kamu ba, mi kak karid’ina woyo. A nga yo djedjerezi akulo avorongû, a nga b’al yazi woyo, a hum nga zla manga d’i.

Wana ni mbaktumba hi Job-pa 39:12

Avünda ti min á lang sunda zu? Nga d’i mba andjege kur amiyôk mangâ zu?

Sawal la giled’a 50:7

Alona mi dala: Agi humugiya; agi sum mana, an nga ni dagi zlad’a; agi Israel-lâ, an nga ni gagi humagiya, an nAlona, Alo magina.

Buzuk ka Abud’a 31:12

Ma didina mi de kua ala:

Buzuk ka Abud’a 31:16

Ar Israel-lâ a ngom bur ma tuk ta máma á djib’er kam kur atchogoi mazi d’a lara ge pet, kayam mi arî vun ma djin ma didina.

Buzuk ka Abud’a 34:21

Agi lagi sunda burâ karagaya, agi ngomogi bur ma kid’iziya ma sabat ma tuk tad’a. Le ni ata yima zuma d’oze ata yima duta pî, agi ngomomu.

Buzuk ka Abud’a 35:2

Agi lagi sunda burâ karagaya, wani bur ma kid’iziyana agi tinim iram vamu; ni bur ma sabat ma tuk tad’a. Agi tinim iram vam yam Ma didina. Sama lara pî ma le sunda kurâ, a mba tchum mbeyo.

Zla d’a d’ogolâ 28:4

Suma a nga tit yam gata d’uo na, a nga läd’u sama asa’atna, wani suma a nga tit yam gatina a ka’î djangûna ki sed’emu.

Isai 58:13

Le ang d’el tang bei tita kur bur ma sabatna á le min manga kur bur man ma an tinim iram vama d’uo, le ang mbut bur ma sabatna ni bur mang ma furîd’a, ang tinim iram vam á suburun an Ma didina, le ang suburum ná tit yam min manga d’uo, á le vama ang hurung minima d’oze a de zla d’a hawa yaka d’uo mi ni,

Jeremi 17:24

Ma didina mi dala: Le agi humun gagazi, le agi kalagi nga kahlena kagi avun agre’â hazì ma ngol máma kur bur ma sabatna d’uo, le agi tinim iram vamu, le agi lagi nga sun kur ngiyeû d’uo ni,

Jeremi 17:27

Wani le agi humun nga d’uo, le agi tinigi nga bur ma sabatna iram vam mbuo, le agi yogi ahlena kagi á kalagi ki vun agrek ma Jerusalem-ma ni, ata yi máma an mba ni do akud’a atazi ma ngolâ, mba mi ngal azì ma nglo ma djif ma Jerusalem-ma woyo, ti mba d’i mit tei d’i.

Jeremi 42:19

Agi suma Juda suma arâ, Ma didina nga mi dagiya: Agi igi Ezipte d’i. Agi wagi woi tetet ala an ni d’elegi ini.

Ezekiyel 20:13

Wani Israel-lâ a tchol huneîd’a ki sed’en hur fulâ. Azi tit nga yam gat manda d’i. Azi ar vun man ma hed’a woyo. Nahle sumala mbeî sana le mi le sunda kaziya ba, mi kak karid’a na. Azi mbut bur man ma sabatna ndjendjed’a ngola kala. An djib’er ala an mba ni zal hurun kazi gak ni dabazi woi hur fulâ.

Amos 8:5

Agi nga dagi ala: Til ma deî awilina mi dap mi mindja ba, ami mba fami lovota á guzumi awu mamina woi ge? Bur ma sabatna mba mi dap mi mindja ba, ami mba malami vun avurei mamina woi ge? Ami mba kami aneka hi kilonid’a woyo, ami mba djogomi gusa avogo, ami mba mbud’umi ir suma ki kilo ma ata yam mbuo na.

Mise 6:3

Mi dala: Agi sum mana, an lagi ni me ge? An kawagi ni ki me ge? Agi dandiya!

Sunda hi suma a sunuzinid’a 2:40

Ata yi máma, Pierre mi dazi zlad’a teteng ngola, mi lazi glangâsâ, nga mi gigid’ezi ala: Sud’ugi tagi woi aduk suma tcho suma kur atchogoi d’a wandina.

Sunda hi suma a sunuzinid’a 20:21

An le glangâsâ mi Juif-fâ kandjaf suma dingâ ala a mbut huruzi yam tchod’a avok Alona, a he gagazid’a mi Salad’a Jesus mi.

Galat-na 5:3

An nga ni de kua mi sama lara pî ma ngad’am bayâd’ina ala mbeî mi ngom vun ma hed’a hi gatina pet.

Efes-sâ 4:17

Ni kayam ndata ba, an nga ni de, nga ni le glangâsâ ki simiyê Salad’a ala ar agi tid’igi d’igi andjaf suma bei wAlona a nga tit kur djib’er mazi d’a hawa yaka na d’uo d’a.

Gat ta a hat á mbàd’id’a 8:19

Wani le agi maragi yam Ma didina Alo magina, le agi igi bugol alo ma dingâ, le agi lum sunda agi grivigi kä avoromu ni, an nga ni dagi ini woi avunagiya, agi mba dabagi woyo.

1 Tasaloni’â 4:6

ar sa mi tchila yam gata á le ir wiyem ma kur Christ-sâ kur ahle ndazina d’i. Ami dagi woi mbak, ami gagi humagi mi, suma a le tcho d’a hina d’ina, Salad’a mba mi kazi sariyad’a kaziya.