Nehemi 13:13 - Bible azumeina

¹³ An he sun nda ngom ahlena nabo ma ngat buzuna Selemiya, Sadok ma b’ir mbaktumba ki Pedaya ma aduk suma hi Levi-nina, zlapa ki ma nga mi le sunda ki sed’ezina Hanan Zakur gorom ma Mataniya gorom ngolonina, kayam azi ni suma iratna. Ni azi ba, an tinizi á b’rau ahlena mi b’oziyozina.

Nehemi 13:13 Kruisverwysings

2 Amuleina 12:15

Azi hal nga ad’u suma a hazi beged’a a wurak ki suma sundina d’i, kayam azi le sun mazid’a nata yat memet.

2 Amuleina 12:16

Wani bege d’a ding nga suma a hat he d’a hawa d’a yam tchilad’a hi sanid’a ki bege d’a a hat yam tcho d’a sana mi lata, a nga tchugut kur zandu’â d’i; bege ndata ni hi suma ngat buzunid’a.

2 Amuleina 22:7

Wani a hal nga ad’u suma a hazi beged’a a wurak ki suma sundina d’i, kayam azi le sun mazid’a nata yat memet.

Nehemi 10:12

Zakur, Serebiya, Sebaniya,

Nehemi 10:38

Ma ngat buzu ma ad’u andjafâ hi Aron-na mi i ki suma hi Levi-na ata yima a nga mba ki dim ma a pad’am aduk dimina kur gong nga ngom ahlena kur gong nga kud’ora hAlo meinid’a.

Nehemi 11:22

Ma avok suma hi Levi suma avo Jerusalem-ma ni Uzi ma Asaf gorom ngolonina. Asaf mi vut Mika, Mika mi vut Mataniya, Mataniya mi vut Hasabiya, Hasabiya mi vut Bani ma Uzi abuma. Nades ma hle sawala kur gong nga kud’ora hAlonid’ina,

Nehemi 12:35

Suma ngat buzuna a nga kaduveina aboziya. Adigazi ni Zakari ma Asaf gorom ngolonina. Asaf mi vut Zakur, Zakur mi vut Mika, Mika mi vut Mataniya, Mataniya mi vut Semaya, Semaya mi vut Jonatan ma Zakari abuma.

Nehemi 12:44

Kur bur máma a tin suma ngom gongîyo suma a tchuk ahle suma hazi he d’a hawad’ina, nala, awu ma ne avo’â ki dima, a dazi ala a i veï awu ma hur azinina mi suma ngat buzuna ki suma hi Levi-na d’igi Gata ti de na. Kayam suma Juda-na tazi lazi djivid’a yam sun nda suma ngat buzuna ki suma hi Levi-na a nga lata,

Nehemi 3:30

Suma a le sunda kazina ni Hananiya Selemiya goroma ki Hanun Salaf gorom ma karagayana. A min abo gulumun ma dingâ. Ma nga mi le sunda kazina ni Mesulam Berekiya goroma. Nga mi le sunda ngagad’a yam gong mamba.

Nehemi 7:2

An he vuna mi wiyena Hanani azi ki Hananiya ma ngolâ hi gong nga ndjol la Jerusalem-mbina, ni sama d’engzeng ma le mandara Alona kal suma dingîna mi.

Nehemi 8:4

Esdras ma we gata heîna, mi nga tchola ata yima tchol ma a minim kaguna á ndum mbaktumbina. Matitiya, Sema, Anaya, Uri, Hilkiya ki Mäseya a nga tchola gevem yam bigam mba ndjufâ; Pedaya, Misayel, Malkiya, Hasum, Hasebadana, Zakari ki Mesulam a nga tchola gevem yam bigam mba gulid’a mi.

Wana ni Zla d’a Djivi d’a Luc mi b’irita 12:42

Salad’a mi dum ala: Ni nge nazong ma d’engzeng ma ne ma salama mba mi tinim yam suma avo hatama á b’rawazi tena ata yama ge?

Sunda hi suma a sunuzinid’a 4:35

a tinit kä avok suma a sunuzina; suma a b’rau mi nge nge pî ndak yam kid’ak mamba.

Sunda hi suma a sunuzinid’a 6:1

Kur bur máma, kid’a suma hata a nga zul kam kua kam kua d’a, Juif suma a nga de vun Gre’îna a nga le yungôra yam Hebre suma Jude-na, kayam azi nga djib’er yam arop mazi suma modonod’a kahle suma azi nga b’rawazi burâ ki burîna d’i.

Sunda hi suma a sunuzinid’a 6:3

Kayam ndata, agi b’oziyomina, agi managi suma kid’iziya ni suma suma a nga le glangâs ma djivina kazina, ni suma oîd’a ki Muzuk ma bei tchod’a ki ned’ina, ami hazi sun ndata aboziya.

1 Korente-na 4:2

Kal pet, sama suma a halam á ngom ahlenina, mbeî mi ka’î ma d’engzengâ.

1 Timote 1:12

An nga ni le mersi mi Saleina Jesus Christ mam ma han ad’enga. Mi wan ala an ni ma d’engzengâ, mi tinin kur sun mamba mi.

1 Timote 3:10

Djivid’a, kuguzi avok tua, bugol le fe nga zla kazi d’uo ni, tinizi á le sunda mi Toka.