Nehemi 12:43 - Bible azumeina

⁴³ Kur bur máma suma a he he d’a hawa d’a ngat buzuna ablaud’a, a le furîd’a ngola, kayam Alona mi hazi bur ma furîd’a. Aropma ki kemba a le furîd’a avo Jerusalem mi. Kayam ndata, suma a nga humut sä woi ata yima deina.

Nehemi 12:43 Kruisverwysings

2 Sunda Hamuleinid’a 20:13

Suma Juda-na pet zlapa ki grozi suma gureina ki grozina kamiyôzina, a nga tchola akulo avok Ma didina.

2 Sunda Hamuleinid’a 20:27

Suma Juda-na ki suma Jerusalem-ma pet zlapa ki Josafat ma nga avorozina, a hulong avo Jerusalem ki furîd’a, kayam Ma didina mi lazi djivid’a, mi kus yam mazi suma djangûna mi.

2 Sunda Hamuleinid’a 7:10

Kur bur ma dok mbà yam hindina hi til ma kid’iziyanina, Salomon mi tchuk suma avo hataziya. Azi le furîd’a, tazi lazi djivid’a yam djivi d’a Ma didina mi lat ki David ki Salomon ki mam suma Israel-lîd’a mi.

Esdras 3:13

Kayam ndata, ablaud’a ndak á we d’ala a tchi ni tchiya, d’oze a hle ni sawala zi ge d’a d’i, kayam suma a nga le vuna ngola, suma a nga humum sä woi ata yima deina.

Nehemi 12:27

Kid’a a dap gulumun ma Jerusalem-ma dapa, a i halï suma hi Levi-na ata yima azi nga kaka kuana pet, a mba ki sed’ezi Jerusalem á le furîd’a á tin gulumuna iram vam mAlona, á hle sawala giled’a ki tchigiyeud’a kading ma nglona ki ma gureina mi.

Nehemi 12:42

zlapa ki Mäseya, Semaya, Elazar, Uzi, Johanan, Malkiya, Elam ki Ezer. Suma a nga hle sawalina, ma avorozina ni Jisrahiya.

Wana ni mbaktumba hi Job-pa 34:29

Le mi mba ki halasa ni, ni nge mba mi mba ki huwaka ge? Le mi ngei iramu ni, ni nge mi mba mi wum ge? Le nandjaf suma d’oze sama tuna, mi kazi ir zla mazid’a nabo tat tu

Sawal la giled’a 27:6

Ki tchetchemba, an hle yan akulo yam man suma djangû suma a nguyuna, an mba ni he vama ngat buzuna ki furîd’a ngola kur zlub’u mamba, an mba ni ge sawala, an mba ni gile Ma didina mi.

Sawal la giled’a 28:7

Ma didina nad’eng manda, ni mbarei manda; an tin hurun ni yam mamu, mi nga mi ndjununu. Kayam ndata, an nga ni le furîd’a, an nga ni gilem ki sawal manda mi.

Sawal la giled’a 9:2

Ma didina, an mba ni gileng ki hurun pet, an mba ni dugot ded’a woi yam sun mang nga ndandala.

Sawal la giled’a 92:4

kading ma ziyom dogona, kading ma teteng ma a hle ki sawalina mi.

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Jeremi 31:13

Ata yi máma yuguneina a mba buzuk ndjongâ ki furîd’a, gro azungeîna ki momorogeina a mba le na mi. Ma didina mi dala: Yor ta mazid’a, an mba ni mbud’ut aîd’a, an mba ni b’lengêzi huruziya, an mba ni vragazi hur ma hapma balum hur mazi ma wurana.

Jeremi 33:11

sawal la hur ma hapma ki sawal la furîd’a. A mba hum sawala hi ma tel atchad’a awilina ki sawala hi d’a a telet awilid’a kur ambas sa wanda. A mba hum dela hi suma a hle sawal la wandina ala: Agi gilegi Ma didin ma ad’engêm kal petna, kayam Ma didina ni ma djivina, kayam o mamba nga d’i dap pi. A mba hum dela hi suma a nga hahle suma ngat buzu suma le mersid’ina kur gong man nda kud’ora. Kayam an mba hulongî ki suma a yozi magomba kur ambas sa wandina, an mba ni kagazi blangâzi d’igi adjeu deid’a na. An Ma didina ni de na.

Ndumba 10:10

Kur bur magi ma furîd’a, kur vun til magi ma tetengâ d’oze kur deîd’a hi tilîd’a, agi bugi adifa ata yima agi hagi ahle suma ngat buzu suma ngala kahle suma ngat buzu suma zlap darigïd’ina. Hina wani, an Ma didina Alo magina mba ni djib’er kagiya. An ni Ma didina Alo magina.

Matiye 21:15

Wani kid’a nglo suma ngat buzuna azi ki suma hat gata a wahle suma ndandal suma mi lazina, a we gugureina a nga er ad’uzi kur yi máma ala: Suburi David goroma d’a, huruzi mi zala,

Matiye 21:9

Ablau suma a nga tit avoroma kablau suma a nga tit blogoma, a nga er ad’uzi akulo ala: Suburi David goroma. Ar Alona mi b’e vunam yam sama nga mi mba ki simiyê Ma didinina. Suburi Alo ma sä akulona.

Jean 16:22

Hina mi, ki tchetchemba, agi nga ki hur ma wurana. Wani an mba ni hulongî á gologi kua, agi mba lagi hur ma hapma. Sama mba mi walagi woi ki furî magid’ina nga d’i.

Efes-sâ 5:19

Ar agi dagi zlad’a ata tagi ni ki sawal la giled’a ki sawala hAlonid’a ki sawala hi Muzuk mamid’a mi. Agi gagi sawala, ar agi gilegi Salad’a kurugi mi.

Jacques 5:13

Sa nga adigagi kur ndaka zu? Ar mi tchen Alona. Sama le furîd’a mi nga adigagi zu? Ar mi hle sawal la gile Alona.

1 Samuel 4:5

Ata yima a mba ki zandu’â kur kangîna, Israel-lâ a tum sora gak andagad’a yira.