Nehemi 12:39 - Bible azumeina

³⁹ Bugola, ami mbamiza avun agre’â hi Efraim-ma, yam vun agrek ma adjeuna, yam vun agrek ma kulufâ, ata yima gong nga ndjola hi Hananel-la ki d’a hi Meya-d’ina gak mbamiza avun agre’â haho’îna, ami tcholomi avun agre’â hi azigar suma a ngom azina hamulîna.

Nehemi 12:39 Kruisverwysings

2 Amuleina 14:13

Jowas amul ma Israel-lâ mi ve Amasiya amul ma Juda ma Jowas gorom ma Ahaziya gorom ngolonina avo Bet-Semes. Bugola, mi i Jerusalem, mi to abo gulumun ma Jerusalem-ma kä woi ndak metred’a kikis mbà, tinï ad’ud’a avun agre’â hi suma Efraim-mina dei gak mba avun agrek ma gulumuna mi kong kuana.

Nehemi 12:40

Ades ma hle sawala ki zla tam djak mi tchol kur gong nga kud’ora hAlonid’a, an tanda ki suma nglo suma a nga ki sed’ena ami tcholomi mi.

Nehemi 3:1

Ma ngol ma ngat buzuna Eliyasip ki b’oziyom suma ngat buzuna a tchol a min vun agre’â hi tumiyônina, a b’al bapma avunamu, a tinim iram vamu, a min gulumuna ei ata vun agrek máma dei gak mba ata gong nga ndjola hi Meya-d’a, a tinim iram vamu, a minim gak a mbamza ata yima ndjola hi Hananel-lâ.

Nehemi 3:25

Palal Uzai goroma nga mi le sunda, tinï ad’ud’a ata kengâ, gak mi mba ngagad’a yam gulumun ma kongî huyok azina hamulîna, go kazina hi azigar suma a ngom azina hamulîna. Ma nga mi le sunda kama ni Pedaya Paros goroma.

Nehemi 3:3

Andjafâ hi Sena-na a min vun agre’â hi kulufîna, a b’al aguna kua, a b’al bapma avunamu, a dugum akulo, a wat kaweina latana kua mi.

Nehemi 3:6

Jojada Paseya goroma ki Mesulam Besodiya goroma a nga min vun agrek ma adjeuna, a b’al aguna kua, a b’al bapma avunamu, a dugum akulo, a wat kaweina latana kua mi.

Nehemi 8:16

Ata yi máma suma a buzuk a i á ka abo aguna. Nge nge pî mi ve zlub’ud’a akulo yam dudur mamba avo hur aziyamu, avun gong nga kud’ora hAlonid’a, avun agrek ma i ki yima mbinina, avun agre’â hi Efraim-ma mi.

Jeremi 31:38

Ma didina mi de kua ala: Gola! Burâ nga mi mba. Kur bur máma a mba hulong min azì ma ngolâ akulo yam an Ma didina. Mba tinï ad’ud’a ata gong nga fiyak ka akulod’a hi Hananel-la yam gulumun ma ngui azì ma ngolîna dei gak mba ata vun agrek ma gulumuna mi kong kuana.

Jeremi 32:2

Ata yi máma azigar suma Babilon-na a mba ngui Jerusalem, ma djok vun Alona Jeremi mi nga kur gong nga dangeina kur azì ma amula hamul ma Juda-na.

Sofoni 1:10

An Ma didina nga ni dagiya: Kur bur máma a mba humï tchina avun agrek ma Kulufâ, a mba humï wulula ir palumba habo azì ma awilina hazì ma ngolîna. Ni b’lak ka ngol la yam yima ndingîd’a.

Jean 5:2

Gringâ mi nga avo Jerusalem, a ve nga azangâ vahl avunamu, ni ma a yum ki vun Hebre-na ala Betesda-na, mi ni go ki vun agre’â hi tumiyônina.