Nehemi 11:16 - Bible azumeina

¹⁶ Suma avok suma hi Levi-na Sabetai ki Jozabat suma a nga le sunda abu avun gong nga kud’ora hAlonid’ina a nga ki sed’ezi mi.

Nehemi 11:16 Kruisverwysings

1 Sunda Hamuleinid’a 26:20

Ma aduk andjafâ hi Levi-na, Ahiya ni ma a tinim á ngom ahle suma kur gong nga kud’ora hAlonid’ina kahle suma a tinizi irazi vazi mAlonina.

1 Sunda Hamuleinid’a 26:29

Kenaniya ma ad’u andjafâ hi Jisar-râ ki b’oziyoma ni suma a tinizi yam zla d’a abu d’a aduk Israel-lâ á te yamba, á ka sariyad’a mi na.

Esdras 10:15

Jonatan Asayel goroma ki Jaziya Tikva goroma ba, a tchol ad’enga ki zla ndata. Ni Mesulam ki Sabetai ma hi Levi-na hol ba, a ndjunuzi kur zla ndata.

Esdras 8:33

Kur bur ma fid’ina, ami ngami bege d’a hapa ki lora kahle suma a hazina kä woi kur gong nga kud’ora hAlo meinid’a, ami hazi abo Meremot ma ngat buzuna Uri goroma. Suma a nga ki sed’ema ni Elazar Fines goroma ki suma hi Levi-na, nala, Jozabat Josue goroma ki Nowadiya Binuwi goroma mi.

Nehemi 11:15

Aduk andjafâ hi Levi-na ni Semaya ma Buni gorom ngolonina. Buni mi vut Hasabiya, Hasabiya mi vut Asrikam, Asrikam mi vut Hasup ma Semaya abuma.

Nehemi 11:17

Mataniya ni ma Asaf gorom ngolonina. Asaf mi vut Zapdi, Zapdi mi vut Mika ma Mataniya abuma. Mataniya ni ma hle sawal la giled’a ata yima tchendina. Mi nga ki sed’ezi zlapa ki wiyema Bakbukiya ni ma mbàna ki Abada ma Jedutun gorom ngolonina. Jedutun mi vut Galal, Galal mi vut Samuwa ma Abada abuma.

Nehemi 8:7

Ata yima suma a nga tchola akulo kasezina, suma hi Levi-na, Josue, Bani, Serebiya, Jamin, Akup, Sebetai, Hodiya, Mäseya, Kelita, Azariya, Jozabat, Hanan ki Pelaya a vazi ad’u gata.