Nehemi 10:39 - Bible azumeina

³⁹ Kayam Israel-lâ ki suma hi Levi-na a mba ki he d’a hawad’a hawu mazi ma azi pad’am vunama ki süm guguzlu d’a bei ned’a ki mbul olifâ kur gong ndata ata yima a tchuk ahlena hi gong nga a tinit irat vata kuana; ni yima suma ngat buzuna a nga le sunda kua zlapa ki suma ngom vun gongîyona ki suma hle sawalina. Hina wani, ei mba wal lei woi ki gong nga kud’ora hAlo meinid’a d’i.

Nehemi 10:39 Kruisverwysings

2 Amuleina 7:10

Kayam ndata, azi hulong a yï suma ndjol vun agrek ma ngolâ, a dazi ala: Ami imi kur kangâ hi suma Siri-na, wani ami fami nga sa tu d’i, ami humumi nga del sa d’uo mi. Arî akulumeina ki korona a nga ndjinda kä ni azi hol, a ar zlub’ud’a kä woi mumudjuk mi.

2 Sunda Hamuleinid’a 31:11

Ezekiyas mi he vuna ala a min hur gongîyo suma a tchuk ahlena kua suma kur gong nga kud’ora hi Ma didinid’ina woyo. Suma a minizi mi.

2 Sunda Hamuleinid’a 31:12

Burâ ki burâ a nga mba kahle suma a pad’azi vunazi dimina kahle suma a tinizi irazi vazina. A tin Konaniya ma ad’u andjafâ hi Levi-na yam ahle ndazina zlapa ki wiyema Simei ma kam á mbàd’ina.

Nehemi 12:47

Kur atchogoid’a hi Zorobabel azi ki Nehemi-d’a, Israel-lâ pet a nga he he d’a hawad’a mi suma hle sawala ki suma ngom vun gongîyona burâ ki burâ, a nga he he d’a hawa d’a tinit irat vat mi suma hi Levi-nid’a mi; suma hi Levi-na a nga he he d’a hawa d’a a tinit irat vata mandjafâ hi Aron-na mi.

Sawal la giled’a 122:9

Yam gong nga kud’ora hi Ma didina Alo meinid’a, an min ala: Ndak kak ki djivid’a!

Ndumba 18:26

Ang de mi suma hi Levi-na ala: Ma didina mi dala: Ata yima agi vagi dim ma Israel-lâ a handji mi an á hagizi djonina, agi pad’agi dima aduk ahle suma a handji dima ndazina á handjiya.

Ndumba 18:30

Fata agi pad’agi ahle suma djivi suma kalîd’a, dim ma agi mba ndumum mi suma hi Levi-nina ni d’igi awu ma a pad’am kä avun ambid’a’îna na, d’igi süm guguzlu d’a a pad’am kä ata yima mired’et kuana na mi.

Gat ta a hat á mbàd’id’a 12:17

Agi ndak nga á tagi dima hawu maginina d’oze hi süm guguzlu magid’ina d’oze hi mbul mangîna d’oze d’uwar magi ma nglona ki ma gurei ma vut avo’â d’oze he d’a hawa d’a ndak vun vun ma hled’id’a d’oze he d’a hawa magi d’a kur min magid’id’a d’oze vun ahle magi suma agi hazina kä avo hatagi d’i.

Hebre-na 10:25

Ei arei tok meid’a woi d’igi suma dingâ a nga le na d’i, wani ei zud’i tei akulokulo, kayam agi wagi burâ hi Salad’ina mi ar go.