Nehemi 10:30 - Bible azumeina

³⁰ Ami hlami vunami á hami gromina mi suma yam ambas sa ka hid’ina d’i, á vigizi grozina mi gromina d’uo mi.

Nehemi 10:30 Kruisverwysings

2 Amuleina 23:25

Amul ma avok Josiyas soze ma blogom ma he tam mi Ma didina ki hurum tu ki muzagam pet kad’engêm pet á tit yam Gata hi Moise-sa pet d’igi mam na na nga d’i.

2 Amuleina 23:3

Amulâ mi ar tchola akulo ata yam ata yima nding ma a minim á de zlad’ina, mi djin vunam ki Ma didina á tit yam vun ma he mama, yam gat mam mba tetenga ki hurun tu ki tam pet mi, á tit yam zlad’a hi vun ma djin mam ma a b’irim kur mbaktum ndatina mi. Suma pet a djin vunazi yam zla ndata mi.

2 Sunda Hamuleinid’a 34:31

Amulâ mi ar tchola ata yamu. Mi djin vunam ki Ma didina á tit yam vun ma he mama, yam gat mamba ki hurum tu ki tam pet mi, á tit yam zlad’a hi vun ma djin mám ma a b’irit kur mbaktum ndatinid’a mi.

Nehemi 10:1

Suma a tin simiyêzi kur mbaktumbina ba wana: Ma te yamba Nehemi Hakaliya goroma,

Nehemi 13:23

Kur biza ndata tata an we Juif suma dingâ a vik gro arop suma Asdot-na, suma Amon-na ki suma Mowap-ma.

Nehemi 13:25

An ngoboziya, an nguluziya, an to suma dingâ, an ndjud’uzi tumus sa kazid’a woyo, an gunuzi ki simiyê Alona ala: Ar agi hagi grogi suma aropma mi grozina d’i, ar agi vigizi grozi suma aropma mi grogina d’oze mi agi tagid’a d’uo mi.

Nehemi 13:30

An mbud’uzi woi yed’et kur sun nda azi lat kandjaf suma dingîd’a, an tin gat ta ad’eng nga ndak ka suma ngat buzuna ki suma hi Levi-na a ngomota nge nge pî kur sun mamba,

Nehemi 5:12

Ata yi máma a hulong dan ala: Ami mba lami d’igi ang de na, ami mba hulongôzi ahle suma ami yozina, ami mba vami va abozi tu d’uo d’a. Kayam ndata, an yi suma ngat buzuna, an gun suma a he balâ mi sumina ala ar a tchol yam vun mazi ma hle ma azi hluma.

Sawal la giled’a 119:106

An gun tanu, an nga tchola yam zla ndata á ngom nga hur mang ma d’ingêrâ.

Buzuk ka Abud’a 34:16

Ar agi vigizi grozina mi grogina tala azi mbud’uzi ndjendjed’a á tuwal alo mazina d’oze á lobozi vunazi á mbud’uzi ndjendjed’a kalo mazina d’uo mi d’a.

Gat ta a hat á mbàd’id’a 29:11

grogina, amiyôgina, angoyogei suma a nga kaka adigagina, suma a nga ngad’agi agunina ki suma a nga gulugi mbinina mi.

Gat ta a hat á mbàd’id’a 7:3

Agi ndjagagi vunagi ki sed’ezi á vigizi d’i, agi hagi grogi suma aropma mi grozina d’i, agi vigigi grozi suma aropma mi grogina d’uo mi.