Nehemi 1:6 - Bible azumeina

⁶ Ar ang mbud’ï irang kanu, ang tin humang hum tchen nda an azong mangâ nga ni tchenenga. An nga ni tcheneng ki tchetchemba andjege ki falei yam azungeî mang suma Israel-lâ, an nga ni dang woi yam tchod’a hi ami Israel-lîd’a. An kabuyon ngolo, ami lami tchod’a avorong mi.

Nehemi 1:6 Kruisverwysings

1 Amuleina 8:30

Ang hum yi d’a an azong mangâ nga ni yanga; yi d’a mang suma Israel-lâ a nga yang ini ata yi mámid’a, ang humumi mi. Ma didin ma sä akulona, ata yima ang nga kaka kuana, ang humumiya, ang vat hurung ngei kami mi.

1 Amuleina 8:47

le azi djib’er wa kuruzi yam andaga d’a a izi magomba kuad’a, le a tcheneng wa ala: Ami tchilami yam zla manga, ami lami tchod’a, ami lami ni sun nda ata yat tuo d’a,

2 Sunda Hamuleinid’a 28:10

Wani ki tchetchemba, agi nga dagi ala gro suma Juda-na ki suma Jerusalem suma wana, agi i hulongôzi yazi kä, agi mbud’uzi azungeî magina ki yugunei magina. Hina ni, agi lagi ni tchod’a avok Ma didina Alo magina d’uo zu?

2 Sunda Hamuleinid’a 29:6

Kayam abuyoi ngolo a le sun nda ata yat tuo d’a, a le sun nda tchod’a avok Ma didina Alo meina, a aram mbeyo, a hazigazi mi gong mam mba kud’ora, a hat huyogozi mi.

2 Sunda Hamuleinid’a 6:40

Ki tchetchemba, Ma didina Alo mana, ang mal irang ngeyo, ang tin humang ang hum tchen nda an nga ni tcheneng ata yima wanid’a.

Esdras 10:1

Esdras mi grif kä avun gong nga kud’ora hAlonid’a, nga mi tchiya, nga mi tchena, nga mi däd’u tcho mazid’a woyo. Ata yi máma Israel-lâ ablaud’a, nala, andjofâ, aropma ki kemba, a tok gevemu, a tchi ki simina irazi dundulung.

Esdras 10:11

Ki tchetchemba, agi dagi tcho magid’a woi mi Ma didina Alona habuyogi ngolona, agi walagi woi ki suma kur ambas sa wandina kandjaf arop suma dingâ mi.

Nehemi 1:11

Salad’a, ang tin humang hum tchen nda an azong mangâ nga ni tchenenga ki tchenda hazungeî mang suma a nga lang mandarangâ, ang wan hohowon an azong mangâ avok amul máma ini. Kur biza ndata an ni ma ni he süma mamulîna.

Sawal la giled’a 102:17

Fata Ma didina mi min Siyon akulod’a, mba mi tak tam mbei kur subur mamba.

Sawal la giled’a 106:6

Ami lami tchod’a d’igi abuyomi ngolo na, ami tchilami yam gata, ami lami sun nda asa’ata.

Sawal la giled’a 130:2

Ma didina, ang humun delenu! Ang tin humang djivid’a á hum tchen manda!

Sawal la giled’a 32:5

An dang wa tcho manda woyo, an ngei nga tcho manda kä d’uo mi, an dala: An mba ni de woi yam tchila manda avor Ma didina; kayam ndata, ang hlan wa aneka hi tcho mandid’a woi kanu. Tchol ndjö

Sawal la giled’a 34:15

mi wal lei ki tchod’a, mi le ni djivid’a; mi hal b’leng nga halasa, mi tit blogot mi.

Sawal la giled’a 55:17

Wani an nga ni yAlona; Ma didina mi sud’unu.

Sawal la giled’a 88:1

Ni sawal la gile d’a Kore groma a hlat ki taulâd’a a hat mi ma ngolâ hi suma hle sawalina. Ni sawal la gile d’a Heman ma Esara-na mi hlata.

Isai 6:5

Ata yi máma an dala: Alë! An ba woi da’, kayam an ni sama vunan ndjendjed’ina, an ni kaka aduk suma vunazi ndjendjed’ina mi. Wani iran ndi wamulâ, Ma didin ma ad’engêm kal petna!

Hor ma tchina 5:7

Abuyomi a le tchod’a, wani azi nga d’i. Ni ami ba, nga zimi aneka hi tcho mazid’id’a.

Daniel 9:15

Ki tchetchemba, Salad’a Alo mamina, angî ma buzugï sum mangâ woi kur ambas sa Ezipte-d’a kabong ma sib’ika á yi simiyêng d’igi nga mi yi ini na na. Ami lami tchod’a, zla d’a nga kami mi.

Daniel 9:20

An nga ni de zlad’a tua, an nga kur tchenda, nga ni de tcho manda woi ki tchod’a hi man suma Israel-lâ, an nga ni tchen Salad’a Alo mana tchen nda hud’a yam ahina mam mba mi tinit irat vata.

Daniel 9:4

An tchen Ma didina Alo mana, an dum mbei yam tchod’a, an dum ala: Salad’a, angî Alo ma ngol ma suma a nga lang mandarangâ, angî ma nga ngom vun mang ma djindina, ang nga le o d’a bei dabid’a yam suma a nga le kang suma a nga ngom vun mang ma hed’ina mi.

Daniel 9:5

Ami lami tchod’a, ami lami sun nda batranga, ami lami asa’ata, ami song vunangû, ami arami vun mang ma hed’a ki gat manga woyo.

Daniel 9:8

Gagazi, Salad’a, zulona nga mi lami ami kamulei mamina ki mami suma nglona kabuyomi ngolo yam tcho d’a ami langzid’a.

Wana ni Zla d’a Djivi d’a Luc mi b’irita 18:7

Wani Alona mba mi ka sariyad’a hi suma mi manazi suma a nga tchi kam andjege ki faleina d’uo zu? Mba mi le lilinga á ndjunuziya?

Wana ni Zla d’a Djivi d’a Luc mi b’irita 2:37

Ti kak modonod’a bizad’a dok klavandi yam fid’i. Ti ar nga gong nga kud’ora hAlonid’a d’i, nga d’i kud’or Alona ki d’el tad’a bei te tena ki tchenda andjege ki faleya.

Efes-sâ 2:3

Ei pet adjeu ei ni d’igi azi na mi. Ei tid’i ni kur d’od’oka hi hliwid’a, ei lei ni minda hi hliunid’a kur djib’er meid’a mi. Ata vut meid’a ei ni suma Alona hurum zal kei d’igi suma hiuna na na mi.

1 Timote 5:5

Atcha d’a modono d’a gagazi d’a nga kaka vata, nga d’i tin hurut ni yam Alona, nga d’i tchenem andjege ki faleya.

2 Timote 1:3

An nga ni le mersi mAlo ma an nga ni lum sunda d’igi abuyon ngolo a lumzi adjeuna ki djib’er ra krovo d’a djivid’a na na. An nga ni djib’er kang kur tchen manda andjege ki faleya.

1 Jean 1:9

Wani le ei dei woi yam tcho meid’a avok Alona ni, Alona ni Ma d’engzeng ma d’ingêrâ, mba mi vat hurum mbei yam tcho meid’a, mba mi mbuzi woi yed’et kur tcho meid’a pet mi.

1 Samuel 15:11

An mbut hurun hata kayamba an man Saul ni tinim amulid’a, kayam mam wal lei ki sed’enu, nga mi tit yam vun man ma hed’a d’i. Samuel hurum hat ngola; kur andjege ndata mi tchi avok Ma didina ngola.