Nehemi 1:11 - Bible azumeina

¹¹ Salad’a, ang tin humang hum tchen nda an azong mangâ nga ni tchenenga ki tchenda hazungeî mang suma a nga lang mandarangâ, ang wan hohowon an azong mangâ avok amul máma ini. Kur biza ndata an ni ma ni he süma mamulîna.

Nehemi 1:11 Kruisverwysings

Ad’u Tinda 24:42

Ni kayam ndata ba, an mba ini avun golonga, an de mAlona ala: Ma didina, Alona hi salana Abraham-ma, le ang min gagazi ala akoi man nda an nga ni tid’ita ti ve kanu ni,

Ad’u Tinda 32:11

An nga ni tchenengû, ang sud’un ndei abo wiyena Esau, kayam an nga ni le mandarâ abomu, kayam mam mba mi tchan grona kasuyoziya.

Ad’u Tinda 32:28

Sa máma mi hulong dum ala: A dok yang ala Jakob puo d’a, wani a mba yang ala Israel. Kayam ang ndjiget kAlona ki sumuna, ang kuza.

Ad’u Tinda 40:1

Bugol ahle ndazina, azungeî suma nglona hamul ma Ezipte-na mbà, nala, ma ngolâ hi suma a hum sümina ki ma ngolâ hi suma a lum avungônina, a le tchod’a avoromu.

Ad’u Tinda 40:2

Faron hurum zal ata suma mbà ndazina,

Ad’u Tinda 40:21

Mi hulong ma ngolâ hi suma a hum sümina kur sun mamba, kayam mam hum süma he d’a dinga,

Ad’u Tinda 40:23

Wani ma ngolâ hi suma a he süma mamulîna, mi mar yam Josef, mi djib’er nga kam mbi.

Ad’u Tinda 41:9

Ata yi máma, ma ngolâ hi suma a he süma mi Faron-na, mi dum ala: Amul mana, ki tchetchemba, human gan yam tcho man nda an lat adjeud’a.

Ad’u Tinda 43:14

Ar Alo ma ad’engêm kal petna mi le sunda, ar sa máma mi wagi hohowogiya, mi ar Benjamin azi ki Simeon a hulongî ki sed’egiya. Le an ka’î bei grona pî ni, an kak digan wüd’a.

2 Sunda Hamuleinid’a 6:40

Ki tchetchemba, Ma didina Alo mana, ang mal irang ngeyo, ang tin humang ang hum tchen nda an nga ni tcheneng ata yima wanid’a.

Esdras 1:1

Kur biza d’a avok ka Sirus amul ma Perse-na nga mi tamulid’a, Ma didina mi nga hurum á ndak vun zla d’a mi dat avun mam ma djok vuna Jeremi-d’a. Mi mal djib’era hi Sirus amul ma Perse-nid’a woyo. Sirus mi tchi wala ki vunamu, mi b’ir mbaktumba mi suma kur leu mambina pet ala:

Esdras 7:6

Mi tcholï Babilon, ni ma we mbaktumba, ni ma we gat ta Ma didina Alona hi Israel-lîna mi hat mi Moise-sina. Ma didina Alo mama mi nga ki sed’emu. Kayam ndata, amulâ mi hum ahlena pet suma mi tchenem kazina.

Nehemi 1:6

Ar ang mbud’ï irang kanu, ang tin humang hum tchen nda an azong mangâ nga ni tchenenga. An nga ni tcheneng ki tchetchemba andjege ki falei yam azungeî mang suma Israel-lâ, an nga ni dang woi yam tchod’a hi ami Israel-lîd’a. An kabuyon ngolo, ami lami tchod’a avorong mi.

Nehemi 2:1

Kur til ma Nisan-na kur biza d’a dok mbà d’a amulâ Artazerses nga mi tamulid’a, süm guguzlud’a nga tinda avoromu. An hlum ni humziya, wani an hum nga süm guguzlud’a ki hineî ta d’a hina d’a yan tu d’i.

Nehemi 2:8

Ang han mbaktum mba dinga abon mi Asaf ma ngol ma te yam agunina, kayam mi han aguna á le ki vun azì ma ndjol ma nga go ki gong nga kud’ora hAlonid’ina, ki gulumuna hazina ki gulumuna hazì ma ngol ma an i ni kak kuana. Amulâ mi han lovota kayam Alo man ma djivina iram nga tinda kanu.

Sawal la giled’a 106:46

Mi zut suma a yozi magombina pet á wazi hohowoziya.

Sawal la giled’a 130:2

Ma didina, ang humun delenu! Ang tin humang djivid’a á hum tchen manda!

Sawal la giled’a 61:5

An min kak kur zlub’u manga teteu, an hal yima ngeid’a nad’u ahlabangû. Tchol ndjö

Sawal la giled’a 86:6

Ma didina, ang tin humang hum tchen manda, ang kak tchugot á hum tchen man nda hohoud’a.

Zla d’a d’ogolâ 1:29

Agi noyôgi á wad’ud’a, agi managi nga á le mandara Ma didina d’i,

Zla d’a d’ogolâ 21:1

Hur amulâ ni d’igi mbiyo ma djangâ na abo Ma didina, nga mi pred’em ata yima lara ma mam i kuana.

Jeremi 42:12

An mba ni wagi hohowogiya. Mam mba mi wagi hohowogiya, mba mi hulongôgï yam andaga magid’a mi.

Malatchi 3:16

Wani suma a ring mandara Ma didinina, a de tazi zlad’a; Ma didina mi kak hina tchugot, mi huma. A b’ir mbaktum mba djib’era avorom yam suma a ringîm mandaram a suburum simiyêm mi na.

Hebre-na 13:18

Agi tchenegi kamiya, kayam ami wami tetet, djib’er mami d’a kurumid’a ni djivid’a. Ami min á lami ahlena pet ata yaziya.