Ndumba 9:8 - Bible azumeina

⁸ Moise mi dazi ala: Agi djubugi gak an wäd’u zla d’a Ma didina mba mi dat kagid’a tua.

Ndumba 9:8 Kruisverwysings

2 Sunda Hamuleinid’a 20:17

Ni agi ba, mba durugi ayîna d’i. Agi minigi tagiya, agi i tchologi hina en, agi mba wagi sut ta an mba ni sud’ugid’a. Agi suma Juda-na ki suma Jerusalem-ma, agi lagi mandar ri, ar tagi tchuk lus suo mi! Ndjivin agi i ngavaziya, an mba ni i ki sed’egi mi!

Sawal la giled’a 25:14

Ma didina nga mi tak zla d’a mudurid’a woi mi suma a nga lum mandarama, nga mi tagazi vun mam ma djinda mi.

Sawal la giled’a 85:8

Ma didina, ang tagami o mang nga didinda, ang sud’umiya.

Buzuk ka Abud’a 14:13

Moise mi hulong de mi Israel-lâ ala: Agi lagi mandar ri, agi kagagi ata yagi hina djang, agi mba wagi ini sut ta Ma didina mba mi sud’ugi inid’a. Kayam Ezipte suma agi wazi ini wana, agi mba wazi bugol luo d’a.

Buzuk ka Abud’a 18:15

Moise mi hulong de makunoma ala: Ni kayamba suma a nga mba geven ala an djop Alona kaziya d’a.

Ezekiyel 2:7

Le azi hum mboze a min hum mbuo pî, ang dazi zla manda, kayam azi ni suma bei hum vuna ba na.

Ezekiyel 3:17

Ang gor sana, an tining ma ndjola yam Israel-lâ. Ang mba hum zla d’a ndavunanda, ang mba gazi humazi yam zla d’a tcholï atanda mi.

Sunda hi suma hi Levi-nid’a 24:12

A hum abo sama ngomba á djup zla d’a Ma didina mi dat kamba.

Ndumba 15:34

A hum abo suma ngomba, kayam azi we nga vama azi le ki sed’ema d’uo tua.

Ndumba 27:5

Moise mi i ki zla mazid’a avok Ma didina.

Ndumba 9:7

Sum ndazina a de mi Moise ala: Ami mbud’umi ndjendjed’a ni yam matna. Ni kayam me ba, a mba d’elemi woi kur bur ma a ngama á he he d’a hawa mamid’a zlapa ki Israel-lâ ge?

Ndumba 9:9

Ma didina mi de mi Moise ala:

Jean 17:8

kayam zla d’a ang handjid’a, an haziziya wa. Azi vad’u, a wala: Gagazi, an tcholï ni gevengû, a he gagazid’a ala: Ni ang ba, sununïya.

Jean 7:17

Le sana mi min á le minda hAlonid’a ni, mba mi wala hat man ndata ti tcholï nata Alona, d’oze, an de ni zla manda ki yanda.

Sunda hi suma a sunuzinid’a 20:27

Kayam an dagi minda hAlonid’a woi pet, an ngeyegi nga va d’i.

1 Korente-na 11:23

Wana ni vama an vum abo Salad’a ni hagizina: Salad’a Jesus kur andjege d’a a hum abo sumid’a, mi hlavungôna.

1 Korente-na 4:4

Kayam an we tetet ala zla nga kan ndi, wani ni kayam ndata ba, an ni ma bei zlad’a kana d’i. Salad’a ni sama kan sariya kana.