Ndumba 8:21 - Bible azumeina

²¹ Suma hi Levi-na a mbut tazi yed’et, a mbus baru mazina woyo. Aron mi tagazi akulo avok Ma didina, mi zlubuzi yam tcho mazid’a á tinizi irazi vazi mi.

Ndumba 8:21 Kruisverwysings

Buzuk ka Abud’a 19:10

Ma didina mi de mi Moise ala: Ang i gen Israel-lâ, ang tinizi irazi vazi ini kavini, ar azi mbus baru mazina woi yed’et mi.

Sunda hi suma hi Levi-nid’a 14:11

Ma ngat buzu ma mi mbut sana yed’etna, mi i ki sa máma ki he d’a hawa mamba avogon an Ma didina avun zlub’u d’a ngaf tad’a.

Ndumba 19:12

Mi mbut tam yed’et ki mbiyo máma kur bur ma hindina ki ma kid’iziyana, mba mi mbut yed’et kuru. Wani le mi mbut nga tam yed’et kur bur ma hindina ki ma kid’iziyana d’uo ni, mba mi mbut yed’et ti.

Ndumba 19:19

Sama yed’etna mi yam mbiyo máma yam sama ndjendjed’a kur bur ma hindina ki bur ma kid’iziyana. Hina wani, mba mi mbud’um yed’et kur bur ma kid’iziyana. Bugola, mi mbus baru mama woyo, mi mbus tam mbei mi. Ki fladeged’a mba mi mbut yed’et.

Ndumba 3:12

Ni an ba ni man suma hi Levi-na aduk Israel-lâ á vrak balum gro suma a vut avo’â hi Israel-lîna á kak sum mana.

Ndumba 8:15

Bugol ahle ndazina, suma hi Levi-na a kal kur zlub’u d’a ngaf tad’a á le sunda. Ni hina ba, ang tinizi irazi vaziya, ang tagazi akulo avogon an Ma didina mi.

Ndumba 8:20

Moise azi ki Aron kablaud’a hi Israel-lîd’a pet, a le ki suma hi Levi-na d’igi Ma didina mi he vuna kazi mi Moise na.

Ndumba 8:22

Bugol ahle ndazina, suma hi Levi-na a nde le sun mazid’a kur zlub’u d’a ngaf tad’a ad’u vun ma hed’a hi Aron azi ki gromina d’igi Ma didina mi he vuna kazi na.

Ndumba 8:7

Ang tinizi irazi vazi ni hina: Ang yamazi mbiyo ma a zlup ki yam tchod’ina kaziya, a wel tumus sa atazid’a woi pet, a mbus baru mazina woyo, a mbut tazi woi yed’et.