Ndumba 4:15 - Bible azumeina

¹⁵ Le Aron azi ki groma a dap wa zlup yam ahle suma a tinizi irazi vazina kahle suma a le ki sunda ata yima a tinim iram vama da ni, ata yima agi igina, suma hi Kehat-na a mba, a yo ahle ndazina. Wani a do ahle suma a tinizi irazi vazina tala azi bö d’a d’i. Wana ni sun nda a hat mi suma hi Kehat-na kur zlub’u d’a ngaf tad’id’a.

Ndumba 4:15 Kruisverwysings

2 Samuel 15:24

Sadok mi nga zlapa ki suma hi Levi suma a nga zi zandu’â hAlonina. A tin zandu’â hAlonina kä; Abiyatar mi ar tchola ki sed’ezi gak suma a dap buzuka woi kur azì ma ngolâ pet.

2 Samuel 6:13

Ata yima suma a zï zandu’â hi Ma didinina kelezina, a tit asezi tutud’a karagaya na, a vamuhl ma nguruna kamuhl ma gor ma d’orâ, a ngad’azi ahle suma ngat buzuna.

1 Amuleina 8:3

Kid’a nglo suma avok Israel-lîna pet a mbad’a, suma ngat buzuna a hleï zandu’â hi Ma didinina.

1 Sunda Hamuleinid’a 15:15

Suma hi Levi-na a hleï zandu’â hAlonina kelezi ki karangâli mama d’igi Ma didina mi he vuna mi Moise na.

1 Sunda Hamuleinid’a 15:2

Ata yi máma David mi dala: Ni suma hi Levi-na hol ba, a nga ki lovota á hle zandu’â hAlonina, kayam Ma didina mi manazi á hlumu, á lum sunum burâ ki burâ mi.

1 Sunda Hamuleinid’a 23:26

Suma hi Levi-na a dok yo zlub’ud’a kahle mat suma sunda burâ ki burâ d’uo d’a.

Buzuk ka Abud’a 19:12

Ang nga yina mi Israel-lâ ngui ahinad’a, ang dazi ala: Agi gologi tagi djivi á djagagi yam ahinad’a d’oze á dod’u. Nge nge pî ma do ahinad’ina a mba tchum mbeyo.

Buzuk ka Abud’a 19:21

Ma didina mi de mi Moise ala: Ang tchuk aseng kä, ang i ve hum Israel-lâ kekei, ar azi b’at tazi atogo á mba geven an Ma didina á golon tala ar suma ablaud’a adigazi a bo d’a d’i.

Buzuk ka Abud’a 27:7

Agi kalagi karangâlina kur b’alang ma nga keng yima ngal ahle suma ngat buzuna mbàmbàna á hlum kakulo.

Sunda hi suma hi Levi-nid’a 16:13

Mi tchugum yam akud’a avogon an Ma didina, kayam andozom mi d’us mi kulup yam yima we hohou ma akulo yam zanduk ma glangâsîna. Hina wani, mam mba mi mit ti.

Ndumba 1:50

Ang hazi sunda hi zlub’u d’a vun ma djinda mi nga kuad’a aboziya, kahle mat suma sunda kahle suma kurutna pet. Azi yo zlub’ud’a kahle suma kurutna pet, azi lat sunut ni aziya, azi nguyut ki kang mazina mi.

Ndumba 1:51

Fata agi djogogi zlub’ud’id’a, ni suma hi Levi-na ba, a hôt tei ni aziya. Ata yima agi i kagagi kuana, ni suma hi Levi-na ba, a djugud’ot akulo ni azi mi. Le sama ding mi hut go ki sed’ed’u ni, agi tchum mbeyo.

Ndumba 10:21

Suma hi Kehat-na a tchol id’a, a yo ahle suma kur zlub’ud’a suma a tinizi irazi vazina. Suma hi Levi suma dingâ a ve zlub’ud’a akulo á djup mbad’a hi suma hi Kehat-nid’a.

Ndumba 18:3

Azi ngom vun mang ma hed’a, a ngom ahlena hi zlub’ud’ina pet mi. Wani azi hut go kahle suma a tinizi irazi vazina d’oze ki yima ngal ahle suma ngat buzuna d’uo kayambala agi ki azi bogi woi d’uo d’a.

Ndumba 3:38

Moise, Aron azi ki groma a ve zlub’u mazid’a avun zlub’u d’a ngaf tad’a abo ma yorogona. A nga ngom yima a tinim iram vama yam Israel-lâ. Le sama ding ma nga ni ma ngat buzuna d’uo ba, mi hut go á le sun ndata ni, a tchum mbeyo.

Ndumba 4:14

a tchuk ahle suma a le ki sunda ata yima ngal ahle suma ngat buzunina kamu, nala, ahle suma yo akud’a, kuyor ma siyam hindina, pelâ ki angala mi, a bar baru ma duburok ma a lum ki bak azar ma aduk mbina kä ma a yum ala dofênina kaziya, a nik agu ma murgulina ata b’alangâ mi.

Ndumba 4:19

Ang Aron agi ki grongâ lagi ki sed’ezi ni hina. Agi tinizi kur sunda, nge nge pî kur sun mamba kayambala azi do yima a tinim iram vam ma kal teglesâ do ba, a bö d’a d’i.

Ndumba 4:20

Ar azi kal a gol ahle suma a tinizi irazi vazi suma a nga d’ud’uzina gol ba, a bo d’a d’i.

Ndumba 7:9

Wani mi he nga pus soze amuhl mi Kehat groma d’i, kayam sunda hahle suma a tinizi irazi vazina ni mazid’a; ni azi ba a yozi keleziya.

Gat ta a hat á mbàd’id’a 31:9

Moise mi b’ir gat ndata, mi hat mi suma ngat buzuna andjafâ hi Levi suma a nga zi zanduk ma vun ma djinda hi Ma didinina mi nga kuana ki suma nglona hi Israel-lîna pet.

Josue 4:10

Suma ngat buzu suma a nga zi zandu’îna, a nga tchola hur alum ma Jurdê-na baba gak a lahlena pet suma Ma didina mi he vuna kazi mi Josue á dazi mi sumina d’igi Moise mi de mi Josue na mi. Israel-lâ a nde b’at tazi á djak aluma.

1 Samuel 6:19

Ma didina mi ngop suma avo Bet-Semes-sâ, kayam azi gol hur zanduk mama; mi tchi suma adigazi dok kid’iziya. Suma a arâ pet a nga tchi tchi ma hohoud’a, kayam Ma didina mi ngobozi heî.