Ndumba 33:3 - Bible azumeina

³ Kur bur ma dogo yam vahlâ hi til ma avo’â ma bur ma bugol vun til ma pa’îna, Israel-lâ a tchol Ramses, a buzuk kei ir Ezipte-na, a i ki lafiya.

Ndumba 33:3 Kruisverwysings

Ad’u Tinda 47:11

Josef mi kak abum azi ki b’oziyoma ata yima djivi ma kalâ kur andaga d’a Ezipte-d’a yam ambas sa Ramses-sa d’igi Faron mi hum vuna na. Josef mi hazi andaga ndata aboziya,

Sawal la giled’a 105:38

Ezipte-na a le furîd’a yam buzuk mazid’a, kayam mandar ma azi lum yam Israel-lîna mi vaziya.

Buzuk ka Abud’a 1:11

Ata yi máma a tin suma a golozi ata yima sundina kazi á kid’eyêzi irazi ki sun nda aneka. Ni hina ba, a min azì ma Pitom ki Ramses-sâ á tchuk ahlena hi Faron-na kua.

Buzuk ka Abud’a 12:2

Til ma wana mba mi mbut ni til magi ma avo’â, mba mi mbut ni til ma avo’â hi biza magid’ina mi.

Buzuk ka Abud’a 12:37

Israel-lâ a tchol avo Ramses á i Sukot. Ablawazi ni go ki 600.000 ni suma ndak andjofîna bei ndum kemba ba.

Buzuk ka Abud’a 13:4

Agi buzugugi ini woi ni kur til ma a yum ala Abip-ma.

Buzuk ka Abud’a 14:8

Ma didina mi b’al hur Faron amul ma Ezipte-na kiki á dik ad’u Israel-lâ. Israel-lâ a buzu’î ad’u ad’enga hAlonid’a.

Isai 52:12

Agi b’ad’agi tagi á buzuka d’i, agi buzugugi woi ki ringâ d’uo mi, kayam Ma didina mi nga avorogiya, Alona hi Israel-lîna mba mi kak ndjola blogogi mi.

Mise 2:13

An ma mba ni mal lovotina mba ni tit avorogiya, agi mba malagi lovota á i avun agre’â, agi mba buzugugi woi abua. An Ma didina amul magina mba ni tit avorogiya.

Ndumba 33:2

Moise mi b’ir tita ki kak mazi d’a a nga kagat ndje ndjed’a d’igi Ma didina mi hum vuna na. Wana ni kak mazi d’a ndje ndje d’a kur tit mazid’id’a.