Ndumba 32:14 - Bible azumeina

¹⁴ Gola! Agi hlagi ni balum abuyogi d’igi ades ma le tchod’a na á djo ayîna hi Ma didinina ma bibiliuna akulo yam Israel-lâ kua.

Ndumba 32:14 Kruisverwysings

Ad’u Tinda 5:3

Adam mi le bizad’a kis yam dok hindi, mi vut gorâ, mi hlum dedege, mi yum ala Set.

Ad’u Tinda 8:21

Ata yima ahle suma ngal ndazina his mazi ma afufuîna tchuk atchin Ma didinina, mi dala: An dok ni gandagad’a vuna yam sana d’uo d’a, kayam djib’er ra kur sanid’a ni tchod’a ki gogorom dei. An dok ni tchi ahle suma arina woi pet d’igi an tchazi avok na d’uo d’a.

2 Sunda Hamuleinid’a 28:13

a dazi ala: Agi nga kalagi ki suma agi yozi ndazina ka hî d’i! Agi lagi ni sun nda mbud’i tcho d’a kala avok Ma didinid’a, agi mbagi ki tcho d’a ngola kei kua! Ki tchetchemba, zlad’a nga kei da’, Ma didina hurum zal wa ngola yam Israel-lâ!

Esdras 10:10

Ma ngat buzuna Esdras mi tchol akulo mi dazi ala: Ata yima agi vigigi andjaf gro arop suma dingîna, agi lagi tchod’a, agi mbud’ugi Israel-lâ tchod’a kal la avoka.

Nehemi 13:18

Abuyogi ngolo a le ni hina ba, Alo meina mi mba ki ndak ka wanda kei kazì mei ma ngolâ mi d’uo zu? Agi nga b’lagagi bur ma sabatna á zalam hurum yam Israel-lâ d’ei zu?

Wana ni mbaktumba hi Job-pa 14:4

Ni nge ba, mba mi ndeï vama yed’etna woi ata vama ndjendjed’a ge? Sa tu pî mi ndak á le hina d’i!

Sawal la giled’a 78:57

Azi nga d’ingêr avorom mbi, azi mbud’um iram d’igi simiyêzi na, azi mbut ni d’igi yeû d’a bringîzlinga na.

Isai 1:4

Ni zla d’a hohoud’a, yam agi andjaf suma le tchod’a, yam agi suma zlad’a kagina, yam agi andjaf ma murud’umba, yam agi gro suma mbud’ugi ndjendjed’ina! Agi noyôgi an Ma didina woyo, agi gologi an Ma tin tan irat vat kagi Israel-lîna is, agi han huyogogi mi.

Isai 57:4

Agi lazagi ni nge ge? Agi ngogi vunagi woi hagak agi trâgi sinagi bibiliu nata nge ge? Agi ni gro suma bei hum vuna d’uo zu? Agi nandjaf ma ka zlad’a mi d’uo zu?

Ezekiyel 20:21

Wani grozina a tchol huneîd’a ki sed’enu, a tit nga yam gat manda d’i, a ngom nga vun man ma hed’a d’oze a le nga sunda kam mbi. Nahle sumala mbeî sana le mi le sunda kaziya ba, mi kak karid’a na. A mbut bur man ma sabatna ndjendjed’a mi. An djib’er ala an mba ni zal hurun kazi gak ni dap vun ayî mana kazi hur fulâ.

Ndumba 32:15

Agi suma hi Ruben-na ki suma hi Gad-na, le agi lagi tchod’a avok Ma didina na ni, mam mba mi ar Israel-lâ a i avogovok abagei hur fulâ, ni agi ba, mbagi ki bad’a yam sum ndazina.

Wana ni Zla d’a Djivi d’a Luc mi b’irita 11:48

Kayam ndata, agi ni suma glangâsâ yam sunda habuyogi ngolod’a, kayam azi tchaziya, agi minizi asuwaziya.

Gat ta a hat á mbàd’id’a 9:24

Dedeid’a an wagi d’a, agi ni suma bei hum vun Ma didina ba na.