Ndumba 31:8 - Bible azumeina

⁸ A tchi amulei suma Madiyan-na vahl, nala, Evi, Rekem, Sur, Hur ki Reba, a tchi Baläm ma Beyor goromina ki mbigeu d’a fiyaka mi.

Ndumba 31:8 Kruisverwysings

Sawal la giled’a 10:2

Suma asa’atna ki yam mba ad’eng mazid’a a nga b’at ahlena abo suma hohoud’a; suma hohoud’a a nga puk kä kur dau ma suma asa’atna a gunum kä avorozina.

Sawal la giled’a 9:16

Andjaf suma bei wAlona a puk kä kur zul la azi tazi djugud’ota, asezi mi tchuk kur dau ma azi tazi ngeyem kä na.

Zla d’a d’ogolâ 11:3

Suma iratna d’ingêr mazid’a nga d’i tagazi lovota, wani suma mbut ira a nga ba woi kur sun mazi d’a ata yat tuo d’a.

Zla d’a d’ogolâ 13:17

Sama sun ma asa’atna nga mi mba ki ndaka, wani ma sun ma d’engzengâ nga mi mba ki suta.

Habakuk 3:7

An we suma Kus-sâ a nga kur ndaka ngola; suma Madiyan-na a nga zlak mi.

Ndumba 22:10

Baläm mi hulong de mAlona ala: Ni suma Balak Sipor goroma amul ma Mowap-ma mi sunuzï geven á dan ala:

Ndumba 22:4

Suma Mowap-ma a de mi suma nglo suma Madiyan-na ala: Suma ablau ndazina a mba tahle meina d’igi amuhlâ mi te hatna abagei na. Kur atchogoi ndata Balak Sipor goroma namul ma Mowap-ma.

Ndumba 22:5

Mi tchuk suma sunda gen Baläm Beyor gorom ma nga Petor avun alum ma Efrat ma yam andaga mambina, mi dum ala: Ang gola! Suma a tcholï yam ambas sa Ezipte-d’a, a hle yina woi yam andagad’a, a kak nga ngagad’a avogon hina d’ar.

Ndumba 23:10

Ni nge ba, mi ndak á ndum andjafâ hi Jakob-ma ge? Ni nge ba, mi ndak á ndum abo Israel-lâ sop ke? Ar an mit ni matna hi suma d’ingêr sum ndazinina. Ar dabi manda ti dap mi d’igi mazid’a na mi.

Ndumba 24:14

Ki tchetchemba, an nga ni i gen sum mana. Ang mbeya, an ni dang ngei yam vama sum ndazina a mba lum ki sum mangâ kur atchogoi d’a nga d’i mbad’ina.

Ndumba 24:25

Bugol ahle ndazina Baläm mi tchol mi hulong avo hatamu. Balak mi ge tam mi i mi.

Ndumba 25:15

Wani atcha d’a Madiyan nda a tchata a yat ala Kosbi, ni Sur ma avok andjaf ma ablau ma hi Madiyan-nina goromba.

Ndumba 25:18

Kayam azi mbut tazi magi suma djangûna, a mbud’ugi iragi ki lem mazid’a ki zlad’a hi Kosbi ma ngol ma Madiyan-na goromba wiyezi d’a a tchat kur bur ma tugud’ei d’a tcho d’a tchi matna mi mba yam zlad’a hi Peyor-rina.

Ndumba 31:16

Ni azi ba, a ve d’alâ hi Baläm-ma, a tchuk Israel-lâ á le tchod’a avok Ma didina yam zlad’a hi Peyor-ra d’uo zu? Ata yi máma tugud’ei d’a tchod’a ti nde aduk ablaud’a hi Ma didinid’a.

Ndumba 31:9

Suma a yoï arop Madiyan-na zlapa ki grozina magomba, a hurumï d’uwar mazina ki bege mazid’a pet mi.

2 Pierre 2:15

Azi ar lovot ta d’ingêra woyo, a vit tei á tit bugol Baläm Beyor gorom ma hurum min beged’a yam sun mam mba tchod’ina.

Jude 1:11

Ni zla d’a hohoud’a kaziya, kayam a hle ni lovota hi Kain-nda, a he tazi yam d’od’oka hi beged’id’a d’igi Baläm na, a ba woyo, kayam azi le yam mba ad’enga d’igi Kore na.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.

Vama ndum mbeina 2:14

Wana ni vama an mining nguo kama: Ang nga ki suma a ve hata hi Baläm ma mi hat Balak á tchuk Israel-lâ kur tchod’a á tahle suma a tuwal ki fileinina, á le mizeuna mi.