Ndumba 30:2 - Bible azumeina

² Moise mi de mi suma avok andjafâ hi Israel-lîna ala: Wana ni vun ma he ma Ma didina mi huma:

Ndumba 30:2 Kruisverwysings

Wana ni mbaktumba hi Job-pa 22:27

Ang mba tchenemu, mam mba mi humungû, ang mba ndak vun vun ma hle ma ang hluma.

Sawal la giled’a 116:14

An mba ni ndak vun vun man ma hle ma an hlum mi Ma didinina avok sum mama pet.

Sawal la giled’a 116:18

An mba ni ndak vun vun man ma hle ma an hlum mi Ma didinina avok sum mama pet,

Sawal la giled’a 119:106

An gun tanu, an nga tchola yam zla ndata á ngom nga hur mang ma d’ingêrâ.

Sawal la giled’a 15:3

Ni sama nga mi de zla d’a kad’a d’uo na, ni sama nga mi le ndram tcho d’uo na, ni sama nga mi ngul ndram ma azina d’uo na mi.

Sawal la giled’a 22:25

kayam nga mi gol sama hohoud’a is si, nga mi aram mbei d’i, nga mi ngei tam avorom mbuo mi. Wani ata yima nga mi yuma, nga mi hum yi mamba.

Sawal la giled’a 50:14

Agi hagi vama ngat buzu ma le mersid’a mi an Alo magina, agi ndagagi vun vun ma hle ma agi hlandji mi an Ma sä akulo ma kal teglesâ.

Sawal la giled’a 55:20

Alo ma nga kaka yam zlam mamba gak didina, mba mi huma, mba mi hulongôzi yazi kä, kayam azi nga mbut huruzi yam tcho mazid’a d’i, a nga lum mandaram mbuo mi. Tchol ndjö

Sawal la giled’a 56:12

An tin hurun ni kangû, an nga ni le mandar ri. Sana ni nge ba, mi lan vana ge?

Sawal la giled’a 76:11

Gagazi, ayîna hi sumina mba mi suburungû; suma a prut tei abo ayî mangîna a mba le furîd’a ki sed’engû.

Buzuk ka Abud’a 20:7

Ar ang yi simiyê an Ma didina Alo mangâ kä hawa d’ad’ar ri, kayam an mba ni ar sama mi yan simiyên kä hawa d’ad’arâ bei ngopa d’i.

Zla d’a d’ogolâ 20:25

Ni dauna yam sana á ded’a atogo zazak ala: An tin vama wana iram vam mAlona, ta mi nde djib’era bugol la mam hle wa vunam dad’a.

Sunda hi suma hi Levi-nid’a 5:4

Le sana mi de zla d’a lasa mi gun tam yam zla d’a lara d’a tchod’a d’oze d’a djivid’a bei mi wat ba, le mi wat ad’ut bugolo ni, zlad’a nga kamu.

Ndumba 21:2

Ata yi máma Israel-lâ a hle vunazi mi Ma didina ala: Le ang hami sum ndazina abomiya ni, ami mba b’lagazi aziyazi woi kakazeî.

Ndumba 30:10

Le atcha d’a modonod’a d’oze d’a ndjuvut digit teid’a, ti hle vunat yam vama lara ma ndat ti he tat kama ni, ti le sunda kamu.

Ndumba 32:24

Agi minigi azina mi grogina, agi minigi kangâna yam ahok magina, agi lagi sunda yam zla d’a ndavunagid’a.

Matiye 23:16

Ni zla d’a hohoud’a kagi agi suma duk suma tagagi lovota mi ndrogi suma dukina. Agi nga dagi ala: Le sana mi gun tamï ki gong nga kud’ora hAlonid’a ni, gun nda kola ni hawa, wani le mi gun tamï ki lor ra kur gong nga kud’ora hAlonid’a ni, gun ndata mba d’i vumu.

Matiye 23:18

Agi nga dagi ala: Le sana mi gun tamï ki yima ngal ahle suma ngat buzuna ni, gun nda kola ni hawa, wani le mi gun tamï ki he d’a hawa d’a yam yima ngal ahle suma ngat buzunid’a ni, gun ndata mba d’i vumu.

Sunda hi suma a sunuzinid’a 23:12

Kid’a yina mi fo dad’a, Juif-fâ a tok taziya, a gun tazi ala azi mba te d’oze tche va d’i gak azi tchi Paul mbeî tua.

Sunda hi suma a sunuzinid’a 23:14

Azi mbaza gen nglo suma ngat buzuna ki suma nglona, a dazi ala: Ami gunumi tami ki gun nda tchod’a ala ami tami va d’i gak ami tchami Paul mbeî tua.

Sunda hi suma a sunuzinid’a 23:21

Wani ang humuzi d’i, kayam suma a ngei nga tazi á tchumu, ablawazi kal suma dok fid’i. Azi gun tazi ala azi te d’oze tche va d’uo mi, gak azi tchum mbeî tua. Ki tchetchemba, azi min wa tazi da’, azi djup mi zla ma anga.

2 Korente-na 1:23

An ka ni zlad’a d’i, Alona ni ma glangâs mana mi. An ar bei hulong iza hatagi Korente kayam an min zalagi hurugi d’i.

Suma ka sariyad’a 11:11

Jefte mi i ki suma nglo suma Galät-na. A tinim ma ngolâ kaziya, a tinim ngola hi azigarîd’a mi. Jefte mi dugot zla d’a mi data pet avok Ma didina avo Mispa.

Suma ka sariyad’a 11:39

Kur dabid’a hi til ma mbànid’a, ti hulongî ti mba avo gen abud’u, mi ndak vun vun ma hle ma mam hluma ki sed’ed’u. Ti zlap nga ki mandjuf fi. Kur bur máma a tin zla ndata aduk Israel-lâ á tit kad’u,