Ndumba 3:6 - Bible azumeina

⁶ Ang mbeï ki suma hi Levi-na, ang hazi abo ma ngat buzuna Aron, kayam azi le sunda abomu.

Ndumba 3:6 Kruisverwysings

1 Sunda Hamuleinid’a 15:2

Ata yi máma David mi dala: Ni suma hi Levi-na hol ba, a nga ki lovota á hle zandu’â hAlonina, kayam Ma didina mi manazi á hlumu, á lum sunum burâ ki burâ mi.

1 Sunda Hamuleinid’a 23:28

Sun mazid’a ná ndjun b’oziyozi suma hi Aron-na á le suna gong nga kud’ora hi Ma didinid’a. Azi le sunda kur gulumun ma katna krovo, a le sunda kur gongîyona, a mbus ahle suma a tinizi irazi vazi mAlonina, a le sunda ngad’a yam gonga hAlonid’a,

1 Sunda Hamuleinid’a 23:32

A nga ngom zlub’u d’a ngaf tad’a ki yima a tinim iram vam mAlonina. A nga tit yam vun ma hed’a hi b’oziyozi suma andjafâ hi Aron-nina á le suna gong nga kud’ora hi Ma didinid’a mi.

1 Sunda Hamuleinid’a 6:33

Suma a nga le sunda zlapa ki grozinina ba wana: Aduk andjafâ hi Kehat-na, ma hle sawala ni Heman, abuyom ngolo ni Joel, Samuel,

2 Sunda Hamuleinid’a 29:11

Grona, ki tchetchemba, agi gologi zla ndata hina is si. Kayam ni agi ba, Ma didina mi managi á tchol avorom á lum sunda, á mbut azungeî mama, á ngalam dubang ma his djivid’ina mi.

Esdras 6:18

A tin suma ngat buzuna ki suma hi Levi-na ad’u adezezi ad’u adezezi á le sunda hAlonid’a avo Jerusalem d’igi a b’ir kur gata hi Moise-sa na.

Malatchi 2:4

Ma didin ma ad’engêm kal petna mi dala: Ata yi máma agi mba wagi ala ni an ba ni hagi vuna, kayam vun ma djin ma an djinim ki suma hi Levi-nina mi ka’î ma iratna.

Ndumba 18:21

Ma didina mi de mi Aron kua ala: An he dim ma Israel-lâ a nga handjina mi suma hi Levi-na djona. Ni wurak ka yam sun mazid’id’a, nala, sun nda zlub’u d’a ngaf ta d’a azi nga lata.

Ndumba 2:17

Bugola, adesâ hi suma hi Levi-na a mba i ki zlub’u d’a ngaf tad’a bugol ades ma mbà ma mi i avo’â. A mba i nad’u adezezi adezeziya, nge nge pî ad’u adezem ki drapo mamba.

Ndumba 2:33

A ndum nga suma hi Levi-na zlapa ki Israel-lâ d’uo d’igi Ma didina mi he vuna mi Moise na.

Ndumba 3:5

Ma didina mi de mi Moise ala:

Gat ta a hat á mbàd’id’a 10:8

Ni kur atchogoi ndata ba, Ma didina mi tin andjafâ hi Levi-na iram vam á zi zanduk ma vun mam ma djinda mi nga kuana, á tchol avorom á lum sunda, á b’e vuna yam suma ki simiyêm mi. Wana ni sun nda a lat kur bur mamid’a, a nga lat gak ini mi.