Ndumba 3:10 - Bible azumeina

¹⁰ Ang de mi Aron azi ki groma a ngom sun nda ngat buzuna djiviya. Le sana ni ma ngat buzuna d’uo ba, mi dod’u ni, agi tchum mbeyo.

Ndumba 3:10 Kruisverwysings

2 Samuel 6:7

Ma didina hurum zal ngola yam Uza, mi tumum ata yi máma, kayam tcho mamba. Uza mi mit ata yi máma gen zandu’â hAlonina.

1 Amuleina 12:31

Jerobowam mi min gong nga kud’ora ata yima ndingâ, mi man suma ngat buzuna aduk suma a nga nandjafâ hi Levi-na d’uo na.

1 Sunda Hamuleinid’a 6:32

Azi nga kur sun nda hle sawala avun zlub’u d’a ngaf tad’a gak Salomon mi min gong nga kud’ora hi Ma didinid’a avo Jerusalem. A nga kur sun mazid’a teteu d’igi a hazi vuna na.

Nehemi 6:11

An hulong ni dum ala: Sama d’igi an na ni ring zu? Sama d’igi an na na ni ndak á kal kur gong nga kud’ora hAlonid’a á sut tandju? An nga ni kal li!

Buzuk ka Abud’a 29:9

Ang d’ak Aron azi ki groma furuzi ki talina, ang d’ud’uzi kadamula kazi mi. Sun nda ngat buzuna ti arî mazid’a, ti arî gata kazi gak didin. Ni hina ba, ang tin Aron azi ki groma kur sun ndata.

Ezekiyel 44:8

Agi tagid’a lagi nga sun manda d’i, wani agi vragagi ni angoyogeina blangâgi á le sun ndata kur gong man nda kud’ora.

Sunda hi suma hi Levi-nid’a 22:10

Ar angeina mi te he d’a hawa d’a a tinit irat vata d’i. Ma mba á kak avo hi ma ngat buzuna ndjöna, d’oze ma lum sunda yam beged’ina a te he d’a hawa d’a a tinit irat vata d’uo mi.

Ndumba 1:51

Fata agi djogogi zlub’ud’id’a, ni suma hi Levi-na ba, a hôt tei ni aziya. Ata yima agi i kagagi kuana, ni suma hi Levi-na ba, a djugud’ot akulo ni azi mi. Le sama ding mi hut go ki sed’ed’u ni, agi tchum mbeyo.

Ndumba 16:10

Mi hud’ugi go ki sed’emu, ang ki b’oziyong suma hi Levi-na pet. Agi hal á hlagi sun nda ngat buzuna d’ei zu?

Ndumba 16:35

Akud’a ti tcholï gen Ma didina, ti ngal suma kikis mbà yam dok vahl suma a mba ki dubang ma his djivid’a á ngalina woyo.

Ndumba 16:40

Zla ndata ti arî vama ge humba mi Israel-lâ tala sama ding ma nga nandjafâ hi Aron nduo na, mi ndak á hut go á ngal dubang ma his djivid’ina avok Ma didina d’uo d’a. Le sama dingâ mi le na ni, mba mi mit ni d’igi Kore ki sum mama na d’igi Ma didina mi de woi yam Aron avun Moise na mi.

Ndumba 18:3

Azi ngom vun mang ma hed’a, a ngom ahlena hi zlub’ud’ina pet mi. Wani azi hut go kahle suma a tinizi irazi vazina d’oze ki yima ngal ahle suma ngat buzuna d’uo kayambala agi ki azi bogi woi d’uo d’a.

Ndumba 18:7

Ang ki grongâ agi ngomogi sun magi d’a ngat buzuna kahlena hi yima ngal ahle suma ngat buzunina kahle suma krovo bugol baru d’a ka irina pet, agi lagi sun magi d’a ngat buzuna. Wana ni sun nda an hagizi he d’a hawad’id’a. Sama ding ma mi tchila atatna, a mba tchum mbeyo.

Ndumba 3:11

Ma didina mi de mi Moise kua ala:

Ndumba 3:38

Moise, Aron azi ki groma a ve zlub’u mazid’a avun zlub’u d’a ngaf tad’a abo ma yorogona. A nga ngom yima a tinim iram vama yam Israel-lâ. Le sama ding ma nga ni ma ngat buzuna d’uo ba, mi hut go á le sun ndata ni, a tchum mbeyo.

Romê-na 12:7

Le ma dingâ mi nga ki he d’a hawad’a á le sunda mi Toka ni, ar mi lad’u. Le sana mi nga ki he d’a hawad’a á hat suma ni, ar mi had’aziya.

Efes-sâ 2:19

Kayam ndata, agi andjaf suma dingâ, agi nga ni suma woi dei kAlonina d’uo d’a, wani ki tchetchemba, agi mbud’ugi ni suma hAlonina ndrozina, agi ni suma avo hAlonina mi.

Gat ta a hat á mbàd’id’a 18:5

Kayam Ma didina Alo magina mi manam aduk andjafâ pet, kayam mam kandjavam a tchol avorom á lum sunda burâ ki burâ.

Hebre-na 8:4

Ladjï mam nga kur duniyad’a ni, mi ndak á mbut ma ngat buzuna d’i, kayam suma ngat buzu suma a nga he he d’a hawad’ina a hat ni yam gata hi Moise-sa.

Suma ka sariyad’a 17:5

Ni hina ba, Mika mi nga ki gong nga kud’ora avo hatamu. Mi yor filei ma a yum ala efona ki ma a yum ala terafima. Mi tin gorom ma dingâ á lum sun nda ngat buzuna.

1 Samuel 6:19

Ma didina mi ngop suma avo Bet-Semes-sâ, kayam azi gol hur zanduk mama; mi tchi suma adigazi dok kid’iziya. Suma a arâ pet a nga tchi tchi ma hohoud’a, kayam Ma didina mi ngobozi heî.