Ndumba 28:6 - Bible azumeina

⁶ Ni he d’a hawa d’a ngala burâ ki burâ d’igi d’a a hat yam ahina d’a Sinai-d’a na d’a, ni he d’a hawa d’a ngal la his sa afufuîd’a avogon an Ma didinid’a mi.

Ndumba 28:6 Kruisverwysings

2 Sunda Hamuleinid’a 2:4

Gola! An nga ni min gonga mi Ma didina Alo mana á tinit irat vat á ngal dubang ma his djivid’ina avoromu, á ndjar avungôna avorom teteu, á hahle suma ngat buzu suma ngala yorogo ki fladege burâ ki burâ, kur bur ma sabatna, kur deîd’a hi tilîd’a, kur bur ma vun tilâ hi Ma didina Alo mamina d’igi mi he gat ta didinda mi Israel-lâ na.

2 Sunda Hamuleinid’a 31:3

Amulâ mi he abo ahle mama mi suma ngat buzuna he d’a hawa d’a ngal la yorogod’a ki d’a fladeged’a, he d’a hawa d’a ngal la bur ma sabatnid’a ki d’a deîd’a hi tilîd’a ki d’a hi vun til ma teteng ma a ngama, d’igi a b’ir kur gata hi Ma didinid’a na.

Esdras 3:4

A nga le vun til ma zlub’ud’a d’igi a b’ir kur gata hAlonid’a na, a nga he he d’a hawa d’a ngala burâ ki burâ ndak yam ndum mba Alona mi ngazizi burâ ki burîd’a.

Sawal la giled’a 50:8

Ni yam ahle magi suma ngat buzuna ba, an nga ni ngobogi d’i, kayam agi nga han he d’a hawa magi d’a ngala teteu.

Buzuk ka Abud’a 24:18

Moise mi kal kur d’ugula, mi djak akulo yam ahinad’a, mi le burâ dok fid’i falei kandjege akulo yam ahina ndata.

Buzuk ka Abud’a 31:18

Ata yima Ma didina mi dap zla d’a ded’a mi Moise yam ahina d’a Sinai-d’a guna, mi hum ahina d’a bebed’e d’a tchet ta mbà d’a mam tam Alona mi b’ir vun ma hed’a kua ki tchitchid’amba.

Ezekiyel 46:14

Yorogo d’a lara pî a handji ni zlapa ki gemena kilona vahl gizeîd’a ki mbulâ lidirâ mbà. A le yam gat ndata hina burâ ki burâ.

Ezekiyel 46:15

Yorogo d’a lara pî a he gor timina tu, afuta ki mbulâ he d’a hawad’a mi an Ma didina burâ ki burâ.

Sunda hi suma hi Levi-nid’a 27:34

Wana ni vun ma he ma teteng ma Ma didina mi hum abo Moise mi Israel-lâ yam ahina d’a Sinai-d’ina.

Sunda hi suma hi Levi-nid’a 6:9

He d’a hawad’a ad’ut ta ara, Aron azi ki groma a tad’u, wani a gangufa kua d’i. A tat nata yima tu ma a tinim iram vam ma kur gulumuna hi zlub’u d’a ngaf tad’ina.

Amos 5:25

Agi Israel-lâ, kid’a agi lagi bizad’a dok fid’i abagei hur fulîd’a, na ni agi handï ahle suma ngat buzuna ki he d’a hawad’a zu?

Ndumba 28:5

Ata yi máma ang mba kafut ta adiged’id’a kilona tu ki nusa, mbul ma d’igila hirwilingâ nus lidirâ mi.

Ndumba 28:7

Ata yima ang mba ki gor timi ma yorogona á ngatina, ang mba ki süm guguzlud’a lidirâ tu ki nusa, ang handji nata yima a tinim iram vama.

Filip-ma 2:17

Wani le a ngad’an yam sunda hi he gagazi magid’a d’igi vama ngat buzuna na pî, an nga ki furîd’a, an mba ni le furîd’a zlapa ki sed’egi mi.