Ndumba 28:3 - Bible azumeina

³ Vama ngat buzu ma ngal ma agi handji mi an Ma didina burâ ki burîna ba wana: Gro tumiyô suma bizazi tutu suma bei dakina mbà, ni he d’a hawa d’a ngal la didinda.

Ndumba 28:3 Kruisverwysings

1 Sunda Hamuleinid’a 16:40

á hahle suma ngat buzu suma ngala mi Ma didina burâ ki burâ, yorogo ki fladege, yam yima ngal ahle suma ngat buzu suma ngala á ndak vun ahle suma a b’irizi kur gata suma Ma didina mi he vuna kazi mi Israel-lîna.

2 Sunda Hamuleinid’a 8:13

Mi hahle suma ngat buzuna d’igi Moise mi he vuna á hed’a na burâ ki burâ, kur bur ma sabatna, kur deîd’a hi tilîd’a, kur bur ma vun til ma lum yang hindi kur biza d’a tud’ina, nala, vun til ma a lum kavungô ma bei angufina, vun til ma Pantekotna ki vun til ma Zlub’ud’a mi.

Esdras 3:5

Bugola, a nga he he d’a hawa d’a ngala teteu, he d’a hawa d’a ngala hi til ma deî awilinid’a, hi vun til ma lara ge ma a tinim iram vam mi Ma didinina ki he d’a hawa d’a hi suma lara suma a nga hat kur min mazid’a mi Ma didinid’a.

Daniel 11:31

Mba mi sunï azigarâ, a mba hle yina avun azì ma ad’eng ma ngungu ma a tinim iram vama, a mba mbud’um ndjendjed’a, a mba d’el ahle suma ngat buzu suma a hazi mAlona burâ ki burîna, a mba tin vama ndjendje ma tcho ma kal teglesâ yam yima ngal ahle suma ngat buzuna.

Daniel 12:11

A mba tin ad’ud’a kur bur ma a mba d’el ahle suma ngat buzu suma a hazi mAlona burâ ki burîna gak vama tcho ma ndjendje ma kal teglesâ a mba tinim akulo yam yima ngal ahle suma ngat buzuna, a mba le burâ 1290.

Daniel 8:11

Mi i gak mi nde ma ngolâ hi azigar suma akulona ayîna, mi d’el ahle mam suma ngat buzu suma burâ ki burîna, mi mbut gong mam mba kud’ora ndjendjed’a mi.

Daniel 8:13

An hum malaikana tu mi de zlad’a. Malaika ma dingâ mi djobom ala: Vama nde tam mbei yam vama ngat buzu ma burâ ki burîna, yam tchod’a hi ma b’lak yina, yam miret ta a mba miret gong nga kud’ora hAlonid’a ki azigar suma akulona kä d’a, a mba mba ni mindja ge?

Sunda hi suma hi Levi-nid’a 3:5

Aron groma a ngalazi akulo yam yima ngal ahle suma ngat buzuna zlapa ki vama hum he d’a hawa d’a ngal ma nga yam agu ma akuna. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 6:9

He d’a hawad’a ad’ut ta ara, Aron azi ki groma a tad’u, wani a gangufa kua d’i. A tat nata yima tu ma a tinim iram vam ma kur gulumuna hi zlub’u d’a ngaf tad’ina.

Amos 4:4

Agi igi Betel, lagi tchod’a! Agi igi Gilgal, lagi tcho d’a kala! Agi hagi ahle magi suma ngat buzuna ki yorogo d’a lara ge pet! Burâ hindi agi mbagi ki dim magina, agi mbagi ki dim magina!

Ndumba 28:10

Wana ni he d’a hawa d’a ngal la kur bur ma sabat ma lara ge peta, ki he d’a hawa d’a ngal la didinda zlapa ki süm guguzlud’a mi.

Ndumba 28:15

Agi hagi mbekmberena á zlup yam tchod’a mi an Ma didina zlapa ki he d’a hawa d’a ngal la didinda ki süm guguzlud’a mi.

Ndumba 28:23

Agi hagi he d’a hawa d’a ngat buzu ndata zlapa ki he d’a hawa d’a ngal la yorogo d’a didinda.

Ndumba 28:24

Agi hagi he d’a hawa ndata burâ ki burâ gak burâ kid’iziya; ni te ma ngat buzu ma ngal ma his ma afufuîna avogon an Ma didina. Agi hagizi zlapa ki he d’a hawa d’a ngal la didinda ki süm guguzlud’a mi.

Ndumba 28:31

Ahle suma ngat buzu ndazina pet, agi hagizi ni zlapa ki he d’a hawa d’a ngal la didinda ki he d’a hawa d’a afuta mi, agi hagi nahle suma bei daka ba na zlapa ki süm guguzlu d’a a he vuna kat da d’a.

Ndumba 28:4

Ang mba he gor timi ma dingâ tu yorogo, ma hîna ki fladege d’a afata i nikid’a mi.

Ndumba 29:11

Agi hagi mbekmberena yam tchod’a zlapa ki vama ngat buzu ma zlup yam tchod’a ki he d’a hawa d’a ngal la didinda, zlapa ki he d’a hawa d’a afuta ki süm guguzlud’a mi.

Ndumba 29:16

Agi hagi mbekmberena yam tchod’a zlapa ki he d’a hawa d’a ngal la didinda, zlapa ki he d’a hawa d’a afuta ki süm guguzlud’a mi.

Ndumba 29:6

Ahle suma ngat buzu ndazina pet, agi hazi ni zlapa ki he d’a hawa d’a ngal la a hat kur bur ma avo’â hi til ma lara ge petna zlapa ki he d’a hawa d’a ngal la didinda ki he d’a hawa d’a afuta ki he d’a hawa d’a süm guguzlu d’a yam vun ma he ma a huma. Wana ni he d’a hawa d’a ngal la his sa afufuîd’a mi an Ma didina.

Jean 1:29

Tcha ndjivinda Jean mi we Jesus nga mi djï gevemu, mi dala: Agi gologi Gor timina hAlona ma nga mi hle tchod’a hi suma duniyad’a kama.

Hebre-na 9:6

Ata yima a min ahlena petna, suma ngat buzuna a nga kal kur zlub’u d’a avoka burâ ki burâ á le sun mazid’a.

Vama ndum mbeina 13:8

Suma yam andagad’ina pet a mba kud’uromu, nala, suma a b’irizi nga simiyêzi avok dei bei ad’u tinda hi duniyad’a kur mbaktum mba arid’a hi Gor timi ma a tchuma d’uo na.