Ndumba 28:2 - Bible azumeina

² Ang he vun ma wana mi Israel-lâ, ang dazi ala: Ma didina mi dala: Agi gologi tagi djivi á han he d’a hawa man nda ndak á handjid’a ata yima a ngama, nala, te ma a handji he d’a hawa d’a ngal la his sa afufuîd’ina.

Ndumba 28:2 Kruisverwysings

Ad’u Tinda 8:21

Ata yima ahle suma ngal ndazina his mazi ma afufuîna tchuk atchin Ma didinina, mi dala: An dok ni gandagad’a vuna yam sana d’uo d’a, kayam djib’er ra kur sanid’a ni tchod’a ki gogorom dei. An dok ni tchi ahle suma arina woi pet d’igi an tchazi avok na d’uo d’a.

1 Sunda Hamuleinid’a 23:31

á hahle suma ngat buzu suma ngala pet mi Ma didina kur bur ma sabatna, kur deîd’a hi tilîd’a, kur vun til ma lara ge ma a ngam ma azi nga ge yazi kä ad’um teteuna.

2 Sunda Hamuleinid’a 23:18

Jehojada mi he sun nda kur gonga hi Ma didinid’id’a abo suma hi Levi suma ngat buzuna d’igi David mi tinizi adesâ adesâ á hahle suma ngala mi Ma didina ki furîd’a ki sawala, d’igi a b’ir kur gata hi Moise-sa na.

2 Sunda Hamuleinid’a 31:3

Amulâ mi he abo ahle mama mi suma ngat buzuna he d’a hawa d’a ngal la yorogod’a ki d’a fladeged’a, he d’a hawa d’a ngal la bur ma sabatnid’a ki d’a deîd’a hi tilîd’a ki d’a hi vun til ma teteng ma a ngama, d’igi a b’ir kur gata hi Ma didinid’a na.

Esdras 3:2

Josue Josadak goroma ki b’oziyom suma ngat buzuna ki Zorobabel Salatiyel goroma ki b’oziyoma, a tchol a min yima ngal ahle suma ngat buzuna hAlona hi Israel-lîna á he he d’a hawa d’a ngala kam d’igi a b’ir kur gata hi Moise sana hAloninid’a na.

Esdras 3:3

Azi nga le mandara suma ata yi mámina. Hina pî, a min yima ngal ahle suma ngat buzuna ata yam ma adjeuna, a nga he he d’a hawa d’a ngala mi Ma didina yorogo ki fladege.

Nehemi 10:34

Ami tinimi gata kami kua ala ami suma ngat buzuna, suma hi Levi-na kablau suma, ami lami togina ngad’a yam andjavami á mba kagu ma a hum he d’a hawad’a bizad’a ki bizad’a kur gong nga kud’ora hAlonid’a kur bur ma a ngama, á ngal ki he d’a hawa d’a ngat buzuna yam yima ngal ahle suma ngat buzuna hi Ma didina Alo meinina d’igi a b’ir kur Gata na.

Sawal la giled’a 81:3

Agi hlagi sawala, agi bugi tchigiyeud’a, agi bugi ading ma nglona kading ma gurei ma delem tchi djivid’ina.

Buzuk ka Abud’a 23:15

Agi ngomogi vun til ma a lum kavungô ma bei angufina, agi lum gak burâ kid’iziya kur til ma Abip-ma d’igi an hagi vuna na. Kayam ni kur til máma ba, agi buzugugï woi avo Ezipte. Ar sa mi mba avoron abom hawa d’i.

Buzuk ka Abud’a 29:18

Ar ang ngalam mbei yam yima ngal ahle suma ngat buzuna ki zla tam pet. Wana ni vama ngat buzu ma ngala mi an Ma didina; ni vama his ma afufuîna avoronu.

Ezekiyel 16:19

Avungô ma an haksina, afut ta adiged’id’a, mbulâ ki mbul ayuma suma an wuluk ki na, ndak hazizi d’igi ahle suma ngat buzu suma his suma afufuîna na. Wana nahle suma a lena. An Salad’a Ma didina ni de na.

Ezekiyel 20:41

Fata an buzugugï woi aduk andjaf suma mba ni togogï yam ambas sa an ndjoyôgi woi kuad’id’a, an mba ni vagi atan d’igi vama ngat buzu ma his ma afufuîna na, agi mba han ngola avok andjaf suma.

Ezekiyel 45:17

Amulâ tamba mba mi hahlena he d’a hawa d’a ngala, he d’a hawa d’a afuta ki he d’a hawa d’a süm guguzlud’a kur bur ma le vun til ma ngad’a yam til ma deî awilina d’oze bur ma sabatna d’oze tok ka Israel-lâ a tok tazi peta. Amulâ mba mi hahle suma ngat buzuna yam tchod’a, he d’a hawa d’a ngala ki he d’a hawa d’a zlap darigïd’a kayambala an hurun vat tei yam tchod’a hi man suma Israel-lâ d’a.

Sunda hi suma hi Levi-nid’a 1:13

Ar sa máma mi mbus aruwatna kasema woi ki mbina, mi yozi pet. Ar ma ngat buzuna mi ngalazi woi yam yima ngal ahle suma ngat buzuna. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 1:17

Ar mi wak gugu ndata aduk bei ngad’at gigingât tei ba, ar mi ngalat tei yam yima ngal ahle suma ngat buzuna yam agu ma a vum akud’ina. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 1:9

Ar ma ngat buzuna tu mi mbus aruwatna kasema woi ki mbina, mi ngalazi woi yam yima ngal ahle suma ngat buzuna pet. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 21:6

Ar azi ka’î suma yed’etna yam an Alo mazina, ar azi mbud’un simiyên ndjendjed’a d’i, kayam azi nga han he d’a hawa d’a ngala; ni tena hi an Ma didina Alo mazinina. Ar azi ka’î suma yed’etna.

Sunda hi suma hi Levi-nid’a 21:8

Agi Israel-lâ agi gologi suma ngat buzuna ni suma yed’etna, kayam a nga he tena mi an Alo magina. A mba ka’î suma yed’etna kagiya, kayam an ni Ma bei tchod’ina, an ni Ma didin ma tinigi iragi vagina.

Sunda hi suma hi Levi-nid’a 3:11

Ma ngat buzuna mi ngalazi akulo yam yima ngal ahle suma ngat buzuna. Wana nahle suma te suma a ngalazi mi an Ma didinina.

Malatchi 1:12

Wani ni agi ba, nga lazan simiyênu. Agi nga dagi ala: Yima ngal ahle suma ngat buzunina hi Ma didinina mi ndjendjed’a, ahle suma te suma yam yima ngat buzunina, agi golozi is mi.

Malatchi 1:7

Ni kayamba agi nga mbagi kahle suma te suma ndjendjed’a yam yi man ma ngal ahle suma ngat buzunid’a. Agi nga dagi ala: Ami mbud’ung ndjendjed’a ni ki me ge? Ni kayamba agi golon yi man ma ngal ahle suma ngat buzuna isa.

Ndumba 15:24

le agi lagi tchod’a bei wat ad’ud’u, ablau d’a peta ti we nga d’uo ni, agi zla tagi pet agi hagi amuhl ma azongâ vama ngat buzu ma ngal ma his ma afufuîna avogon an Ma didina zlapa ki he d’a hawa d’a afuta ki d’a süm guguzlud’a d’igi a he vuna na. Agi hagi mbekmberena vama ngat buzuna yam tchod’a kua.

Ndumba 15:3

agi mba handi vama ngat buzu ma ngala, d’oze vama ngat buzu ma zlap darigïd’a, d’oze vama ngat buzu ma ndak vun vun ma hled’a, d’oze he d’a hawa d’a kur min magid’id’a, d’oze ata yima vun le tilâ. Le ni d’uwar ma nglona d’oze ma gureina á his his ma afufuîna avoronu ni,

Ndumba 15:7

zlapa ki süm guguzlud’a lidirâ mbà á his his ma afufuîna avoron an Ma didina.

Ndumba 28:1

Ma didina mi de mi Moise ala:

Ndumba 29:39

Wana nahle suma agi mba hagizi kur bur magi ma vun tilîna zlapa ki he d’a hawa d’a ngala ki he d’a hawa d’a afuta ki süm guguzlud’a kahle magi suma ngat buzu suma zlap darigï suma á ndak vun vun ma hled’a d’oze he magi d’a hawa d’a kur min magid’id’a mi.

Ndumba 9:13

Le sana mi yed’et mi i nga akoid’a d’uo ba, mi d’el tam mbei á le vun til ma Pa’â ni, sa máma a mba pad’am mbei aduk sum mama; kayam mi he nga he d’a hawad’a mi an Ma didina kur bur ma a ngama d’i, sa máma mba mi zi aneka hi tcho mambid’a kamu.

Ndumba 9:7

Sum ndazina a de mi Moise ala: Ami mbud’umi ndjendjed’a ni yam matna. Ni kayam me ba, a mba d’elemi woi kur bur ma a ngama á he he d’a hawa mamid’a zlapa ki Israel-lâ ge?

2 Korente-na 2:15

Kayam ami ni d’igi his ma djivi ma afufuîna hi Christ-sâ na avok Alona, aduk suma a nga fe sutina, aduk suma a nga ba woina mi.

Efes-sâ 5:2

Ar agi tid’igi kur od’a d’igi Christ mi le kei na mi. Mi he tam mbei kei d’igi vama he ma ngat buzu ma his ma afufuî ma lAlona tam djivid’ina na.

Filip-ma 4:18

Kayam an fe he d’a hawa magi d’a agi sunundji abo Epafrodit-ta pet ndaganu. An nga kahle suma ndagana pet da’. He d’a hawa magid’a ni his ma afufuîna, ni vama ngat buzu ma djivi ma Alona tam mbi lum djivid’a kama.