Ndumba 28:11 - Bible azumeina

¹¹ Ma didina mi de kua ala: Kur bur ma avo’â hi til ma lara ge petna agi hagi he d’a hawa d’a ngala mi an Ma didina amuzlei suma azungeîna mbà, gamlâna tu ki gro tumiyô suma bizazi tutu suma bei dakina kid’iziya mi.

Ndumba 28:11 Kruisverwysings

2 Amuleina 4:23

Ndjuvut mi dat ala: Ni kayam me ba, ndak i avo hatam ini ge? Ini nga ni bur ma vun tilâ d’oze ni bur ma sabatna d’uo. Wani ti hulong dum ala: Ang djib’er ri!

1 Sunda Hamuleinid’a 23:31

á hahle suma ngat buzu suma ngala pet mi Ma didina kur bur ma sabatna, kur deîd’a hi tilîd’a, kur vun til ma lara ge ma a ngam ma azi nga ge yazi kä ad’um teteuna.

2 Sunda Hamuleinid’a 2:3

Salomon mi ge sunda gen Hiram amul ma Tir-râ, mi dum ala: Ang le ki sed’en d’igi ang le kabun David ang hum agu sedrena á min kaziyam na.

2 Sunda Hamuleinid’a 2:4

Gola! An nga ni min gonga mi Ma didina Alo mana á tinit irat vat á ngal dubang ma his djivid’ina avoromu, á ndjar avungôna avorom teteu, á hahle suma ngat buzu suma ngala yorogo ki fladege burâ ki burâ, kur bur ma sabatna, kur deîd’a hi tilîd’a, kur bur ma vun tilâ hi Ma didina Alo mamina d’igi mi he gat ta didinda mi Israel-lâ na.

2 Sunda Hamuleinid’a 8:13

Mi hahle suma ngat buzuna d’igi Moise mi he vuna á hed’a na burâ ki burâ, kur bur ma sabatna, kur deîd’a hi tilîd’a, kur bur ma vun til ma lum yang hindi kur biza d’a tud’ina, nala, vun til ma a lum kavungô ma bei angufina, vun til ma Pantekotna ki vun til ma Zlub’ud’a mi.

Esdras 3:5

Bugola, a nga he he d’a hawa d’a ngala teteu, he d’a hawa d’a ngala hi til ma deî awilinid’a, hi vun til ma lara ge ma a tinim iram vam mi Ma didinina ki he d’a hawa d’a hi suma lara suma a nga hat kur min mazid’a mi Ma didinid’a.

Nehemi 10:33

yam avungô ma a tinim iram vama, yam afut ta a hat he d’a hawa d’a burâ ki burîd’a, yam he d’a hawa d’a ngal la a hat kur bur ma sabatna teteud’a, kur bur ma tilâ deîna, kur bur ma luna mi, yam ahle suma a tinizi irazi vazina, yam he d’a hawa d’a ngat buzuna á zlup yam tchod’a hi Israel-lîd’a, yam ahle suma a nga lazi kur gong nga kud’ora hAlo meinina pet mi.

Sawal la giled’a 40:6

Ma didina Alo mana, sun mang nga nglo d’a kal tegles sa ang lat kamid’a ki nga hur mang ma ang ngam kamina a zul ablaud’a heî. Sama d’igi ang na na nga d’i! An min de woi kazi kua, an min tchi wala woi kaziya, wani azi kal ablaud’a heî, an ndak á vazi ad’uzi woi pet ti.

Sawal la giled’a 40:8

Kayam ndata, an dala: An wana! An mba wa ki mbaktum mba d’ut ta a b’irit kanda.

Sawal la giled’a 81:3

Agi hlagi sawala, agi bugi tchigiyeud’a, agi bugi ading ma nglona kading ma gurei ma delem tchi djivid’ina.

Sawal la giled’a 81:4

Agi bugi adifa kur bur ma tilâ deîna, kur b’o mam mba ndindinga kur bur mei ma vun tilâ mi.

Isai 66:23

Ma didina mi dala: Kur deîd’a hi til ma lara ge pet, kur bur ma sabat ma lara ge pet, andjaf suma pet a mba kud’uronu.

Ezekiyel 46:1

Salad’a Ma didina mi dala: Vun agre’â hatrang nga krovod’a ma abo ma yorogonina mba mi arî duka kur bur ma le sunda gak burâ karagaya, wani a mba malam mbei ni kur bur ma sabatna d’oze kur bur ma tilâ mi deî awilina mbeî.

Ezekiyel 46:6

Kur bur ma tilâ mi deî awilina, mi hamuhlâ tu, gro tumiyôna karagaya ki gamlâna tu suma bei daka ba na he d’a hawad’a.

Ezekiyel 46:7

Mi he gemena kilona dok hindi yam gor amuhlâ yam gamlâna mi, zlapa ki geme ma mi nga hurum kama yam gro tumiyôna, mi he mbulâ lidirâ karagaya yam geme ma kilona dok hindi ma lara ge pet mi.

Wana ni mbaktumba hi Oze-d’a 2:11

Kayam ndata, an mba ni hulong ni ve geme mana woi abot ata yima zed’a, ni ve süm guguzlu manda woi ata yima duta, an mba ni yo tumus tumiyô mana ki baru man nda luluîd’a suma a zlubut ki gandila matina woi atad’u.

Sunda hi suma hi Levi-nid’a 1:13

Ar sa máma mi mbus aruwatna kasema woi ki mbina, mi yozi pet. Ar ma ngat buzuna mi ngalazi woi yam yima ngal ahle suma ngat buzuna. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 1:3

Le he d’a hawa mam mba ngala ni d’uwar ma ngolâ ni, ar mi he ni va mandjuf ma bei daka ba na, ar mi humî avun zlub’u d’a ngaf tad’a tala an Ma didina ni vum abomu d’a.

Sunda hi suma hi Levi-nid’a 1:9

Ar ma ngat buzuna tu mi mbus aruwatna kasema woi ki mbina, mi ngalazi woi yam yima ngal ahle suma ngat buzuna pet. Wana ni he d’a hawa d’a ngal la his sa afufuî d’a avogon an Ma didinid’a.

Amos 3:5

Aleina mi ve ki dauna ni bei a gunum kä zu? Dauna mi yet akulo ni bei mi ve va zu?

Amos 8:5

Agi nga dagi ala: Til ma deî awilina mi dap mi mindja ba, ami mba fami lovota á guzumi awu mamina woi ge? Bur ma sabatna mba mi dap mi mindja ba, ami mba malami vun avurei mamina woi ge? Ami mba kami aneka hi kilonid’a woyo, ami mba djogomi gusa avogo, ami mba mbud’umi ir suma ki kilo ma ata yam mbuo na.

Ndumba 10:10

Kur bur magi ma furîd’a, kur vun til magi ma tetengâ d’oze kur deîd’a hi tilîd’a, agi bugi adifa ata yima agi hagi ahle suma ngat buzu suma ngala kahle suma ngat buzu suma zlap darigïd’ina. Hina wani, an Ma didina Alo magina mba ni djib’er kagiya. An ni Ma didina Alo magina.

Ndumba 28:19

Agi han he d’a hawa d’a ngala amuzlei suma azungeîna mbà, gamlâna tu ki gro tumiyô suma bizazi tutu suma bei dakina kid’iziya mi.

Galat-na 4:10

Agi nga ngomogi burâ ki tilâ ki yina ki bizad’a tua.

Kolos-sâ 2:16

Kayam ndata, ar sa mi kagi sariyad’a kagi yam tena d’oze yam tched’a d’oze yam bur ma luna d’oze yam vun tilâ d’oze yam bur ma sabatna d’i.

Kolos-sâ 2:6

D’igi agi vagi Jesus Christ Salad’a na, ar agi tid’igi zlapa tu ki mamu.

1 Samuel 20:5

David mi hulong dum ala: Gola! Tilâ mi deî navini; ni bur ma an mba ni kak kamulâ á te tenina, wani ang aran an i ni ngei tan abagei gak fladeged’a hi bur ma hindinid’a.

1 Samuel 9:12

Yuguneina a hulong dazi ala: Â! Mam mba nga avorogi kä wana! Agi b’ad’agi atogo! Mam mbei nga avo hatami ini, kayam ini ni bur ma suma a he he d’a hawa d’a ngat buzuna ata yima nding ma a tinim iram vamina.