Ndumba 27:21 - Bible azumeina

²¹ Mi tchol avok ma ngat buzuna Elazar, mi djop kam ki Urima avogon an Ma didina. Mam tamba zlapa kablaud’a hi Israel-lîd’a pet a mba buzuk kei nad’u vun ma hed’a hi Elazar-râ, a mba hulong nad’u vun mam ma hed’a mi.

Ndumba 27:21 Kruisverwysings

2 Samuel 21:1

Kur atchogoid’a hi David-ta, baktara ti nde, ti le bizad’a hindi. Wani David mi tchen Ma didina. Ma didina mi hulong dum ala: Ni yam Saul ki mam suma a tchi suma woina, kayam mi tchi suma Gabawon-na woyo.

Esdras 2:63

Ma te yamba mi he vuna ala a tahle suma ngat buzu suma a tinizi irazi vazina d’i gak ma ngat buzuna mi djop Alona ki Urima ki Tumima tua.

Nehemi 7:65

Ma te yamba mi he vuna ala a tahle suma ngat buzu suma a tinizi irazi vazina d’i, gak ma ngat buzuna mi djop Alona ki Urima ki Tumima tua.

Buzuk ka Abud’a 28:30

Fata Aron mba mi kal avogon an Ma didinid’a, Moise, ang b’al vama a yum ala Urima ki vama a yum ala Tumima ata baru d’a ka sariya d’a didigamba. Hina wani, Aron mba mi zi sariyad’a hi gro Israel-lîd’a akulo didigam avoron an Ma didina burâ ki burâ.

Sunda hi suma hi Levi-nid’a 8:8

Bugola, mi tchugum baru d’a didi’â atamu, mi b’al Urima ki Tumima kua.

Malatchi 2:7

Kayam suma a wan an Alona nata ma ngat buzuna, suma a had’an gat manda natam mi, kayam mam mi ma an Ma didin ma ad’engên kal petna ni sunumina.

Ndumba 27:17

Ni sama mi ndak á nde avorozi á i ki sed’ezi abuna, ni ma tit avorozi á hulongôzi avona, ni ma mi buzuguzi abuna, ni ma hulongôzi avona mi. Kayambala ablau manga ti kak d’igi tumiyô suma bei salazi ma pola ba na na d’uo d’a.

Ndumba 27:2

a mba avok Moise azi ki Elazar ma ngat buzuna ki suma nglona kablau d’a pet ta avun zlub’u d’a ngaf tad’id’a, a dala:

Ndumba 27:20

Ang hum ngol manga kayambala ablaud’a hi Israel-lîd’a ti humumu d’a.

Ndumba 27:22

Moise mi le d’igi Ma didina mi hum vuna na. Mi ve Josue, mi i ki sed’em avok ma ngat buzuna Elazar, avok ablaud’a pet mi.

Ndumba 27:5

Moise mi i ki zla mazid’a avok Ma didina.

Gat ta a hat á mbàd’id’a 31:3

Ma didina Alo magina tamba mba mi djak aluma avorogiya, mba mi dap andjaf suma a nga kaka sä abo aluma woi hina woi avorogiya. Agi mba digizi woyo, agi mba hlagi ambas mazid’a. Ni Josue ba, mba mi tit avorogi d’igi Ma didina mi de na.

Gat ta a hat á mbàd’id’a 33:8

Mi de yam andjafâ hi Levi-na ala: Ma didina, Tumim mangâ ki Urim mangâ, ang hazi nabo mang suma d’engzengâ. Bugola, ang kuguzi kur Masa, ang tchi tuguyod’a ki sed’ezi avun mbiyo ma Meriba-na.

Josue 9:14

Israel-lâ a ve tena abozi bei djop Ma didina ba.

Suma ka sariyad’a 1:1

Bugol matna hi Josue-na, Israel-lâ a djop Ma didina ala: Nandjaf ma lara adigami ba, mi i avok kikidji á dur suma Kanan-na ge?

Suma ka sariyad’a 20:18

Israel-lâ a tchol a i Betel, a djop Alona ala: Ni nge adigami ba, mba mi ndavok á dur suma hi Benjamin-na ge? Ma didina mi hulong dazi ala: Nandjafâ hi Juda-na ba, mi ndavogo.

Suma ka sariyad’a 20:23

Israel-lâ a i tchi avok Ma didina gak fladege, a djobom ala: Na ni ami i durumi b’oziyomi suma hi Benjamin-na kua zu? Ma didina mi hulong mi dazi ala: Agi i durugiziya!

1 Samuel 14:19

Kid’a Saul nga mi de zlad’a mi ma ngat buzuna tua d’a, siwel la kur kangâ hi Filistê-nid’a nga d’i i avogovogo. Kayam ndata, Saul mi de mi Ahiya ala mi djop Alona deï d’i.

1 Samuel 23:9

David mi wala Saul mi nga hurum kam á lum tchod’a. Mi de mi Abiyatar ma ngat buzuna ala: Ang i yoï baru d’a efod’a.

1 Samuel 28:6

Saul mi djop Ma didina. Ma didina mi hulongôm nga humba kur adïd’a d’oze ki Urima d’oze avun suma djok vuna d’i.

1 Samuel 30:7

David mi de mi ma ngat buzuna Abiyatar Ahimelek goroma ala: Ang yonï baru d’a efod’a. Abiyatar mi yomzïya.