Ndumba 26:53 - Bible azumeina

⁵³ A mba b’rawazi ambasa djona adigazi nad’u ablaud’a hi sumid’a.

Ndumba 26:53 Kruisverwysings

Ad’u Tinda 12:2

An mba ni zulung andjavang ngola, an mba ni b’e vunan kangû, simiyêng mba mi yï ngola; ang mba arî sedeî b’e vuna.

Ad’u Tinda 12:7

Ma didina mi nde tam mbei ir Abram, mi dum ala: An mba ni handaga ndata mi grong ngolona. Kayam ndata, Abram mi min yima ngal ahle suma ngat buzuna mi Ma didin ma nde tam mbei irama.

1 Sunda Hamuleinid’a 16:18

Mi dala: An mba ni hang ambas sa Kanan-nda d’igi djo mang ma ted’a na.

Sawal la giled’a 105:44

Mi hazi andagad’a handjaf suma dingîd’a, mi hazi ahle suma sum ndazina a le sunda kazina hawa,

Sawal la giled’a 49:14

Wana ni zlad’a hi suma a nga tin huruzi yam azi tazi go na, ki zlad’a hi suma tazi lazi djivid’a á hum zla mazid’ina mi. Tchol ndjö

Ezekiyel 47:22

Agi mba b’rawagi andagad’a aduk tagi ki togina, kangoyogei suma a mba kak adigagi suma a mba vut grona adigagina mi. Ar agi lagi ki sum ndazina d’igi agi nga lagi ki Israel-lâ na. Ar ma lara pî mi fe djo mama aduk andjafâ hi Israel-lîna.

Daniel 7:27

Leud’a, yam mba ted’a ki ngola hi suma kur leu d’a yam andagad’a ka hid’a pet, a mba hat mi suma Ma sä akulo ma kal teglesâ mi tinizi irazi vazina. Leu mam mba ted’a ni leu d’a gak didinda. Suma te yamba pet a mba lum sunda, a mba ge yazi kä avorom mi.

Ndumba 26:52

Ma didina mi de mi Moise ala:

Ndumba 26:54

Suma ablauna, a mba hazi yina ngola yam ablau mazid’a; suma akid’eina, a mba hazi yina akid’eid’a yam akid’ei mazid’a. Nge nge pî, a mba hum yina nata ndum mba a ndumumba.

Ndumba 33:54

Agi b’rawagi ambasa ni ki togina ad’u andjavagiya. Suma ablauna, agi hazi yina ngola ad’u ablau mazid’a; suma akid’eina, agi hazi yina akid’eid’a ad’u akid’ei mazid’a. Andjaf ma lara pî, mba mi fe ni vama nde kam ki toginina. Agi mba fagizi djona nad’u andjafâ habuyogina.

Matiye 5:5

Suma lulumana a le furîd’a, kayam a mba tandagad’a djona.

Josue 1:6

Ang ve tang ad’enga, ang so tangû, kayam ni ang ba, mba i ki sum ndazina yam ambas sa an gun tan kat mabuyozi ngolo á hazizid’a.

Josue 11:23

Josue mi yo ambasa pet d’igi Ma didina mi he vuna mi Moise na. Josue mi b’rau ambasa mi Israel-lâ ad’u andjavaziya, ad’u andjavaziya. Ata yi máma ambasa kak ki halasa bei durâ.

Josue 14:1

Wana nandaga d’a Kanan nda a b’rawat djona mi Israel-lîd’a. Ma ngat buzuna Elazar ki Josue Nun goroma ki suma nglo suma avok andjafâ hi Israel-lâ a b’rawat djona mi Israel-lîna.

Vama ndum mbeina 21:27

Wani vama ndjendjed’a d’oze sama le sun nda ndjendjed’a d’oze ma ka zlad’a, mba mi kal kur azì máma d’i, wani ni suma a b’irizi simiyêzi kur mbaktum mba arid’a hi Gor timinid’a hol.

Vama ndum mbeina 5:10

Ang mbud’uzi sum mama, ang mbud’uzi suma ngat buzuna á le sunda mAlo mamina. Azi mba te leud’a yam andagad’a mi.