Ndumba 25:1 - Bible azumeina

¹ Israel-lâ a kak avo Sitim, a nde le sun nda batranga karop suma Mowap-ma.

Ndumba 25:1 Kruisverwysings

2 Amuleina 23:7

Josiyas mi to gongîyona hi suma gaulangâ suma a nga kur gulumuna hi gong nga kud’ora hi Ma didinid’ina woyo. Ni gongîyo suma aropma a nga tchil baru d’a a le ki sunda malo d’a a yat ala Asera-d’a kuana.

Sawal la giled’a 106:28

Azi nga zlap tazi ki Bäl ma Peyor-râ, azi nga tahle suma a ngad’azi buzuna malo ma bei arid’a ba na mi.

Buzuk ka Abud’a 22:19

Sama bur ki d’uwarîna, mbeî agi tchum mbeyo.

Buzuk ka Abud’a 34:15

Ar agi djinigi vunagi ki suma kur ambas ndatina á mbud’ugi tagi ndjendjed’a kalo mazina d’oze á hum ahle suma ngat buzuna d’oze á yagi á tahle suma azi ngad’azi mi filei mazinina d’uo mi.

Ma tchi wala 7:26

An we vama aglar ma mi kal matnina. Natcha d’a hle tat d’igi dauna na d’a, o mata ni d’igi abeid’a na, abot mi ni d’igi ziyo ma djin kahlenina na. Sama mi lAlona tam djivid’ina mba mi prut tei abod’u, wani ma le tchod’a, ndat mba d’i vumu.

Jeremi 40:11

Juif suma a nga avo Mowap-ma ki suma a nga avo Amon-na ki suma a nga avo Edom-ma ki suma a nga kur ambas sa tetengina, a hum ala: Amul ma Babilon-na mi ar nga suma a arâ kur ambas sa Juda-d’a, mi tin wa Gedaliya Ahikam gorom ma Safan gorom ngolonina á te kaziya.

Ezekiyel 20:21

Wani grozina a tchol huneîd’a ki sed’enu, a tit nga yam gat manda d’i, a ngom nga vun man ma hed’a d’oze a le nga sunda kam mbi. Nahle sumala mbeî sana le mi le sunda kaziya ba, mi kak karid’a na. A mbut bur man ma sabatna ndjendjed’a mi. An djib’er ala an mba ni zal hurun kazi gak ni dap vun ayî mana kazi hur fulâ.

Wana ni mbaktumba hi Oze-d’a 9:10

Ma didina mi dala: An fe Israel-lâ nabagei hur fulâ d’igi guguzlud’a na, an wabuyozi ngolo ni d’igi vud’a tulum ma mi ne avo’â na, wani a i bugol alo ma a yum ala Bäl-Peyor-râ, a tin tazi irat vat mi va mazi ma ndjendjed’a, a mbut ndjendjed’a d’igi va mazi ma huruzi vuma na.

Mise 6:5

Agi sum mana, agi djib’eregi yam zla d’a Balak amul ma Mowap-ma mi ngat kurumba, Baläm Beyor goroma mi hulongôm humba na na ge? Tinï ad’ud’a Sitim dei gak mba Gilgal agi wagi sun nda djivi d’a an Ma didina ni lat ki sed’egid’a.

Ndumba 25:17

Agi durugi suma Madiyan-na d’igi magi suma djangûna na, agi tchazi woyo!

Ndumba 31:2

Ang i dur suma Madiyan-na á hlatchugul Israel-lâ. Bugola, ang mba mit i ad’u simiyêng kä azuleyo.

Ndumba 33:49

A ve kangâ avun alum ma Jurdê-na, a tinï ad’ud’a Bet-Jesimot dei gak mba Abel-Sitim hur ful la Mowap-pa.

1 Korente-na 10:8

Ar ei lei mizeuna d’igi suma dingâ adigazi a le na d’i, kayam suma dingâ adigazi a le hina, a bo 23 000 kur bur ma tuna.

Gat ta a hat á mbàd’id’a 3:29

Ata yi máma ei arei kaka kur hor ra ngagad’a yam Bet-Peyor d’ara.

Gat ta a hat á mbàd’id’a 32:38

Alo magi ma hawa yak ma agi hum ahle suma ngat buzu suma mbulâ zlapa ki süm guguzlu d’a he d’a hawad’ina, mi nga ni lara ge? Ar mi tchol mi ndjunugiya, ar mi ngomogiya.

Gat ta a hat á mbàd’id’a 4:3

Agi tagi wagi ahle suma Ma didina mi lazi yam zlad’a halo ma a yum ala Bäl-Peyor-rîd’a. Ma didina Alo magina mi dap suma adigagi suma a kud’or alo ma a yum ala Bäl-Peyor-râ na woyo.

Josue 2:1

Kid’a azi nga Sitim-mba, Josue Nun goroma mi sun suma d’u yina ngumun mbà, mi dazi ala: Agi i d’ugi ambasa kazì ma Jeriko-na. Azi iya, a mbaza, a kal avo hatcha d’a gaulangâ a yat ala Rahap, a bur kua.

Josue 22:17

Tcho d’a ei lat ki Peyor ra ei mbud’i nga tei yed’et woi kurut tuo gak ini d’a Ma didina mi tum ablaud’a hi Israel-lîd’a ki tugud’ei d’a tcho d’a tchi matna kata, ei golot ni vama yâna irei zu?

Josue 3:1

Josue ki Israel-lâ a tchol Sitim ki yorogo tcholola, a i avun alum ma Jurdê-na. A bur kua á djak aluma.

Vama ndum mbeina 2:14

Wana ni vama an mining nguo kama: Ang nga ki suma a ve hata hi Baläm ma mi hat Balak á tchuk Israel-lâ kur tchod’a á tahle suma a tuwal ki fileinina, á le mizeuna mi.