Ndumba 24:20 - Bible azumeina

²⁰ Baläm mi we suma Amale’â, mi de zla d’a d’ogol mamba ala: Suma Amale’â nandjaf ma avo’â, wani dabid’a a mba b’lagam mbeyo.

Ndumba 24:20 Kruisverwysings

Ad’u Tinda 36:12

Timna natcha d’a gora hi Elifas ma Esau goromina; ti vud’um gor mandjufâ, a yum ala Amalek. Azi ni Ada atchad’a hi Esau-d’a grot ngolona.

1 Sunda Hamuleinid’a 4:43

A tchi suma Amalek suma a sud’ï woi avun ayînina, a ar kaka blangâzi gak ini.

Ester 3:1

Bugol ahle ndazina, amulâ Asuwerus mi tin Haman Hamedata ma Aga’â goroma ngola yam mam suma nglo suma kal tegles suma a nga le sunda zlapa ki sed’ema.

Ester 9:14

Amulâ mi he vuna ala ar a le hina. A tchi wal zla ndata kur azì ma Sus-sâ, a gap Haman grom suma dogo ndazina akulo mi.

Buzuk ka Abud’a 17:14

Ma didina mi de mi Moise ala: Ang b’ir ahle ndazina kur mbaktumba d’igi vama ge humba na, ang de mi Josue ala an mba ni dap Amale’â woyo; sa mba mi djib’er kazi d’uo d’a.

Buzuk ka Abud’a 17:16

Mi dala: Ma didina mi gun tam da’, mba mi dur ayîna ki Amale’â kur atchogoi d’a lara ge pet, kayam azi tchol huneîd’a ki sed’emu.

Buzuk ka Abud’a 17:8

Suma Amale’â a mba, a dur Israel-lâ ata yima a yum ala Refidim-ma.

Ndumba 24:19

Ma mba mi ndeï ad’u andjafâ hi Jakob-mina, mba mi te leu d’a kala, mba mi dap suma a ar kur azì ma ngolîna woyo.

Ndumba 24:24

Wani batod’a mba d’i tcholï kur til la Kitim-mba, suma kurutna a mba hulong suma Asiri-na yazi kä, a mba hulong yam andjafâ hi Heber-râ kä mi, wani suma kur bato ndatina a mba b’lak kei mi.

Ndumba 24:7

Zlub’u magid’a ti ni d’igi mbiyo ma mi nga kur yam mi sulul lei ma oî ad’u ahle suma a pazinina na. Amulâ hi Israel-lâ mba mi kus yam Agak, leu mamba mba d’i tavok kad’enga.

Suma ka sariyad’a 6:3

Ata yima Israel-lâ a zum awuna kä na, suma Madiyan-na ki suma Amale’â zlapa ki suma a nga kaka abo ma yorogonina, a mba atazi durâ.

1 Samuel 14:48

Kur bur tu mi tak ad’eng mamba woi mi suma Amale’â, mi duruziya, mi prut Israel-lâ woi abo suma a nga hurum ahle mazinina mi.

1 Samuel 15:2

Wana ni zla d’a ded’a hi Ma didin ma ad’engêm kal petnid’a: Mi dala: An djib’er yam vama suma Amale’â a lum ki Israel-lâ kid’a a d’el lovota avorozi ata yima azi buzugï woi kur Ezipte-d’ina.

1 Samuel 30:1

Kur bur ma hindina, David mi mbaza Siklak ki sum mama. Suma Amale’â a dur wa ayîna abo ma sutna hi Juda-na avo Siklak, a b’lak azì ma ngol ma Sikla’â woyo, a ngalam mbei mi.

1 Samuel 30:17

David mi ndätazi durâ ki yina kukrumuka dei gak tcha ndjivin fladege. Sa mazi tu pî mi sut ti; nazungeî suma kikis fid’i suma a nga yam djambala a ringâ hol.