Ndumba 24:17 - Bible azumeina

¹⁷ An wumu, wani nga ni tchetchem mbi, an golomu, wani mi nga go d’i. Tchitchiud’a ti ndeï ad’u andjafâ hi Jakob-ma, totogo d’a tamula ti ndeï aduk Israel-lâ, ti to suma Mowap-ma fefed’eziya, ti to suma hi Set-na pet mi.

Ndumba 24:17 Kruisverwysings

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

2 Samuel 8:14

Mi min yima kaka hi azigar mamina kur Edom pet; suma Edom-ma pet a ge yazi kä ad’umu. Ata yima lara ma David mi i kuana, Ma didina mi hum ad’enga á kus ayîna yam suma pet.

2 Samuel 8:2

David mi dur ayîna ki suma Mowap-ma, mi kus kaziya, mi ndjarazi burâ kä andaga, mi ngazi ki ziyona nga nga hindi, mi tchi suma kur ziyo ma mbànina woyo, mi ar suma kur ziyo ma hindinina bei tchid’a; a hum tara.

2 Amuleina 3:5

Wani kid’a amulâ Ahap mi mit da d’a, Mesa mi tchol huneîd’a ki Joram amul ma Israel ma vrak tamulina.

1 Sunda Hamuleinid’a 18:2

David mi dur ayîna ki suma Mowap-ma, mi kus kaziya, mi hulongôzi yazi kä ad’umu, a hum tara.

Sawal la giled’a 110:2

Ma didina mba mi hang totogo mang nga tamula kad’engid’a ei ni Siyon. Ang mba te yam mang suma djangû suma a nguyungâ.

Sawal la giled’a 45:6

Yeû manga siyat ni feta dedelem. Ang mba yet ki mang suma djangûna; azi mba puk kä avorongû.

Isai 15:1

Wana ni zla d’a a dat yam suma Mowap-mid’a: Gagazi, kur andjege d’a tud’a a b’lak azì ma Ar ma Mowap-ma woyo, mi mbut vama hawana; gagazi, kur andjege d’a tud’a a b’lak azì ma ngol ma Kir ma Mowap-ma woyo, mi mbut vama hawana mi.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Jeremi 48:1

Wana ni zla d’a Ma didin ma ad’engêm kal petna, Alona hi Israel-lîna, mi dat yam suma Mowap-mid’a. Mi dala: Ni zla d’a hohoud’a yam azì ma Nebo-na, kayam a b’lagam mbei da’. Suma kur azì ma Kiriyatayim-ma a mbut zulona, kayam a hlum da’. Suma a nga kur gong nga fiyaka á ndjolina a mbut zulona, kayam a b’lagat tei da’.

Jeremi 48:45

Suma ringâ a seî woyo, a tchol ad’u anguzu ma Hesbon-na, wani akud’a ti ndeï Hesbon, sinat nga d’i ngal azì ma amula hi Sihon-na, nga d’i ngal ambasa hi suma Mowap-mid’a tinï ir haga mata dei gak mba aduk ka d’ad’ara, ti ngal suma murud’umba woi mi.

Zakari 10:4

Ahina d’a djik gonga ki ponde ma b’al ahlena kagu yeû d’a dur ayîna, a mba tcholï nadigaziya, amuleina pet a mba buzugï nadigazi mi.

Zakari 12:10

Ata yi máma an mba ni vo muzuk ma suma ma hud’a yam andjafâ hi David-na, yam suma Jerusalem-ma. Azi mba mbut irazi kanu, azi mba tchi hor ra sama a tchogoma d’igi a tchi horâ gor ma abo abum tuna na, a mba tchi tchi ma hat hurâ kam d’igi a tchi yam gor ma a vud’um avo’â na mi.

Ndumba 21:29

Ni vama hohoud’a kang ang Mowap! Agi suma tuwalagi Kemos-sâ, agi bagi woyo! Mi mbut groma ni suma ring avok suma, mi he grom suma aropma mi Sihon amul ma Amor-râ magomba.

Ndumba 24:16

wana ni zlad’a hi an ma ni hum zlad’a hAlonid’ina, hi an ma ni we nga hurâ hi Ma kal teglesâ, hi an ma ni wahle suma Ma ad’engêm kal petna mi ndandji woi irana, kayam mi nde tam mbei iran ata yima an nga ni kud’uroma:

Wana ni Zla d’a Djivi d’a Luc mi b’irita 1:78

Alo meina nAlo ma we hohou mamba kal teglesâ, mba mi b’o yina kei ki b’o d’a akulod’a d’igi afata ti deî na,

Hebre-na 1:8

Wani Alona mi de yam Goroma ala: Ang Alona, zlam mang nga amula ni d’a gak didinda. Ang nga te leu manga ni ki d’ingêra.

Hebre-na 7:14

Kayam ei wei tetet ala Saleina mi ndeï nad’u andjafâ hi Juda-na, wani Moise mi de zlad’a hi suma ngat buzunid’a ni yam andjaf máma d’i.

2 Pierre 1:19

Kayam ndata, ei tini huri memet yam zla d’a suma djok vun Alona a dat teid’a. Djivid’a agi vagizi kurugi d’igi lalam mba nga d’i b’o kur yima nduvundid’a na gak yina fo, ar avevel ma fo yina mi b’o kurugiya.

Jude 1:11

Ni zla d’a hohoud’a kaziya, kayam a hle ni lovota hi Kain-nda, a he tazi yam d’od’oka hi beged’id’a d’igi Baläm na, a ba woyo, kayam azi le yam mba ad’enga d’igi Kore na.

Vama ndum mbeina 1:7

Gola! Nga mi djï kur d’ugula. Suma pet a mba golomu, suma tchogoma pî a mba wumu, suma yam andagad’ina pet a mba tchi hora kamu. Â, ar le hina. Amin!

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Vama ndum mbeina 22:16

An Jesus, an sunugi malaika mana, kayam mi dagi ahle ndazina pet kur Toka. An ni David gorom ngolona, an ni avevel ma fo yina.

1 Samuel 14:38

Saul mi yi suma nglo suma avok sumina pet gevemu, mi dazi ala: Agi halagi ad’ud’a djiviya, wagi ad’u tcho d’a a lat ini ndata.