Ndumba 23:23 - Bible azumeina

²³ Kumana nga mi landjafâ hi Jakob-ma va d’i. Sama djop fileina nga mi le Israel-lâ va d’uo mi. Ata atchogoi d’a a ngata a mba de mandjafâ hi Jakob-ma nala Israel-lâ ala: Wana ni sunda hAlonid’a!

Ndumba 23:23 Kruisverwysings

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

Sawal la giled’a 31:19

Ar ang duk vun suma ka zla suma a nga de zla d’a tchod’a mi suma d’ingêrâ ki tum didi’â ki gol isina.

Sawal la giled’a 64:9

Gola! Zla mazid’a ti hulong wa kaziya! Suma pet suma a wazina a nga kidjik yazi ad’uziya.

Isai 41:4

Ni nge ba, mi ndak vun ahle ndazina ge? Ni Ma mi yi andjaf suma kad’u tinda deina. Ni an Ma didin ma lahle ndazina avok deina, ni an ba, mba ni lahle suma kur atchogoi d’a danandina mi.

Isai 44:25

An nga ni b’lak ahle suma taka hi suma djok vun suma ka zlad’a woyo, an nga ni mbut suma djop fileina lilid’a, an nga ni hulong suma ned’a bugolo, an nga ni mbud’uzi we mazid’a lilid’a mi.

Ezekiyel 21:21

Ndak mbigeu d’a fiyak ka tena heîd’a, ndak ka irak abo ma ndjufâ, ndak ka irak abo ma gulana, ata yima lara ma ndak nga avogok kuana.

Daniel 9:15

Ki tchetchemba, Salad’a Alo mamina, angî ma buzugï sum mangâ woi kur ambas sa Ezipte-d’a kabong ma sib’ika á yi simiyêng d’igi nga mi yi ini na na. Ami lami tchod’a, zla d’a nga kami mi.

Mise 7:15

Ang tagami sun nda atchapa d’igi kur bur ma ang buzugumï woi avo Ezipte-na na.

Ndumba 24:1

Baläm mi we d’ala Ma didina tam mbi lum djivid’a á b’e vuna yam Israel-lâ d’a. Kayam ndata, mi i nga á djop d’igi mam i avok dei d’a hina d’uo d’a, wani mi mbut iram abo ma hur fulîna.

Matiye 12:25

Wani Jesus mi we djib’er mazid’a, mi dazi ala: Leu d’a lara pî le d’i wal wa kä mbà á dur tad’u ni, leu ndata mba d’i kak ki. Suma kur azì ma nglo ma lara d’oze suma avo hi sama tunina, le a wal wa mbà á dur taziya ni, azì ma nglo máma mba mi kak kuo mi.

Matiye 12:27

Le an dik muzuk ma teteng ma tchona woi ni kad’eng nga Belzebul mi handjid’a ni, grogina a digim mbei ni kad’enga hi nge d’a ge? Le ni na ni, sum magina tazid’a a mba vagi ki zlad’a.

Matiye 16:18

An nga ni dangû, angî Pierre, an mba ni min Tok manda yam ahina ndata. Vun agre’â hi yima azuleinina mba mi lat va d’i.

Jean 11:47

Kayam ndata, nglo suma ngat buzuna azi ki Fariziyêna a tok suma b’ak zlad’a, a djop tazi ala: Ei lei ni nana? Kayam sa máma nga mi lahle suma ndandalâ ngola.

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

Sunda hi suma a sunuzinid’a 15:12

Suma toka pet a seng silil, a hum Barnabas azi ki Paul a nga vazi ad’u ahle suma simata kahle suma atchap suma Alona mi lazi ki sed’ezi aduk andjaf suma dingîna.

Sunda hi suma a sunuzinid’a 4:16

Ei lei ni nana ki sum ndazina ge? Kayam a lahle suma atchapma woi ir suma Jerusalem-ma pet, ei ndak á tchi tuguyod’a yam ahle ndazina d’uo d’a.

Sunda hi suma a sunuzinid’a 5:12

Suma a sunuzina a lahle suma simata kahle suma atchapma ngola aduk suma. Suma he gagazid’a a nga toka tu ad’u azangâ hi Salomon-na.

Sunda hi suma a sunuzinid’a 5:14

Suma a he gagazi mi Salad’ina a nga zul kam kua kam kua ablaud’a, andjofâ karopma mi.

Romê-na 16:20

Alo ma hei b’leng nga halasina mi ar go á miret Seitan kä ad’u asegiya. Ar Saleina Jesus mi vagi sumad’a.

Gat ta a hat á mbàd’id’a 3:24

Salad’a Ma didina, ang nde tagan an azong mangâ ngol manga ki sib’ik manga. Nalo ma lara ma kur akulod’a d’oze ma yam andagad’a ma ndak á le sunda kahle suma ndandalâ d’igi suma ang nga lazi wa na na ge!

Josue 13:22

Aduk suma Israel-lâ a tchazi ki mbigeu d’a fiyakina, ma djopa Baläm Beyor goroma mi nga adigazi mi.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.