Ndumba 23:19 - Bible azumeina

¹⁹ Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Ndumba 23:19 Kruisverwysings

Ad’u Tinda 26:3

Ang kak kua; an mba ni kak ki sed’engû, an mba ni b’e vunan kang kandjavangû; an mba ni hagi andaga ndata pet, kayam an tcholî yam gun nda an gun tan mabung Abraham-mba.

Ad’u Tinda 28:15

An nga ki sed’engû, an mba ni ngomong ata yima lara ma ang i kuana, an mba ni hulongôngî yam andaga ndata, an mba ni arang ngei d’i gak an mba ni lang ahlena pet suma an dang kazina.

1 Amuleina 14:11

Suma avo hi Jerobowam pet ma mit avona, adureina a mba mud’umu; ma mi mit abageina, aluweina a mba tumu. Wana ni vama Ma didina mi duma.

2 Amuleina 15:12

Zla ndata le hina á ndak vun zla d’a Ma didina mi dat mi Jehu ala: Andjavang mba mi kak yam zlam mba amula aduk Israel-lâ gak kur atchogoi d’a fid’id’a d’a.

2 Amuleina 7:2

Azigar ma ndjun amulâ ma mam nga mi deng tam atama, mi de mi Elise ala: Le Ma didina mi mal ir akulod’a mi yagï awuna kä pî, zla d’a ang dat wanda mba d’i le zu? Elise mi hulong dum ala: Ang mba wum ki irangû, wani ang mba tum mbi!

1 Sunda Hamuleinid’a 17:17

Alo mana, ni zla d’a akid’eid’a irang á de zlad’a yam andjafâ hi an azong mangâ yam vama sä avo’â d’igi an ni sama kal suma dingîna na zu? Ma didina Alo mana,

Sawal la giled’a 110:4

Ma didina mi gun tamu, mba mi hulong bugol li. Mi dala: Angî ma ngat buzuna gak didin d’igi Melkisedek na.

Sawal la giled’a 132:11

Ma didina mi gun tam mi David, gagazi, nga mi hulong bugol li; mi dala: Ni gorong ma kurungâ ba, an mba ni tinim á kak yam zlam mang nga amula blangângû.

Sawal la giled’a 77:9

O mam mba didin nda mi lat keid’a, ti dap mi daba ki irat fafat tchu? Mba mi dei zlad’a kua bugol luo d’ang zu?

Sawal la giled’a 89:34

Wani an mba ni ar o man nda didin nda kamba woi d’i, yam d’engzeng manda, an mba ni mbud’um iram mbi.

Sawal la giled’a 89:35

An mba ni b’lak vun ma djin ma an djinim ki sed’ema woi d’i, an mba ni djok vunan yam zla d’a ndavunanda d’uo mi.

Isai 21:17

Suma gangrang suma yet yeûd’a hi suma Kedar-râ a mba arî akid’eid’a. Kayam an Ma didina Alona hi Israel-lîna ni de da’!

Isai 31:2

Wani Ma didina ni ma ned’a, mi ndak á mba ki ndaka, nga mi djok vunam yam zla d’a mam data d’i, nga mi tchol akulo á kak djangûna ki suma a nga tit bugol suma asa’atnina, nga mi kak djangûna ki suma a nga ndjun suma a le sun nda ata yat tuo d’ina mi.

Isai 40:8

Asuna mi so woi b’o mamba ti yak kei mi, wani zlad’a hAlo meinid’a mba d’i ar gak didin.

Isai 46:11

An nga ni yï alei ma vik ahlena abo ma yorogona, an nga ni yï sama yam andaga d’a deid’ina á ndak vun nga hur mana. Vama an duma, an nga ni lumu; vama an ngam kuruna, an nga ni ndagam vunam mi.

Isai 55:11

Hina mi, zla d’a ndavunanda ti nga d’i hulongî atan bei ti le va d’i, ti nga d’i ba bei ndak vun min manda d’oze ti oî vun vama an sunut kama d’uo mi.

Jeremi 4:28

Kayam ndata, ambasa ti nga kur yor tad’a, akulod’a ti mbut nduvunda mi, kayam an dala: An nga hurun yam zla ndata da’, an nga ni djok vunan ndi, an nga ni hulong bugol luo mi.

Daniel 4:28

Ahlena pet suma adïd’a de Nebukanezar kazina a nga le.

Wana ni mbaktumba hi Oze-d’a 11:9

An mba ni le d’igi hur man ma zal ma gugulu’â na d’i, an mba ni mba á b’lagagi agi suma Efraim-ma woi d’i. Kayam an nAlona, an nga ni sana d’i. An Ma bei tchod’a ni nga adigagiya, an nga ni mba ki hur man ma zala d’uo mi.

Mise 7:20

Ang mba le glangâsâ yam d’engzeng mang nga ang lat kandjafâ hi Abraham-mid’a, yam djivi d’a ang lat kandjafâ hi Jakob-mid’a d’igi ang gun tang mabuyomi ngola adjeu na.

Habakuk 2:3

Kayam zla d’a ndat teid’a mba d’i ndak vun sun mata kur atchogoi mat ta a ngata, ti nga d’i i ata dabi mata, ti mba d’i ba bei led’a d’i. Le yat nga d’i ve pî, ang djubud’u, kayam mba d’i ndak vun sun mata gagazi, mba d’i ba hawa d’i.

Malatchi 3:6

Ma didin ma ad’engêm kal petna mi dala: An ni Ma didina, an nga ni mbut ti, agi Jakob groma, agi dabagi nga woi d’uo mi.

Ndumba 14:35

Ni an Ma didina ba, ni de zla ndata. An gun tanu, ni hina ba, an mba ni le kablau d’a tcho d’a ndjak vunat á kak djangûna ki sed’en wanda. Azi pet a mba sam mbei abagei hur fulâ ka hî, azi mba bo woi mi.

Ndumba 23:18

Baläm mi de zla mam mba d’ogola, mi dala: Balak, ang tchol akulo; Sipor goroma, ang tin humang humunu.

Wana ni Zla d’a Djivi d’a Luc mi b’irita 21:33

Akulod’a kandagad’a a mba kal leyo, wani zla manda mba d’i kal lei d’i.

Romê-na 11:29

Kayam Alona nga mi mbut djib’er mamba kä yam suma mi b’e vunam kazi suma mi yazina d’i.

Romê-na 9:6

Wani an nga ni de nala vun ma djinda hAlonina mbut ni vama hawana d’i, kayam andjafâ hi Israel-lîna mi nga nandjaf Israel ma gagazina pet ti.

2 Timote 2:13

Le ei ni suma bei d’engzenga ni, mam mi Ma d’engzengâ; mi ndak á tin vunam yam tam mbi.

Wana ni mbaktum mba Paul mi b’irit mi Tit-ta 1:2

kayam azi tin huruzi yam ari d’a didin nda Alo ma bei ka zlad’a mi hle vunam kat avok dei bei ad’u tinda hatchogoid’id’a.

Hebre-na 6:18

Ahle suma mbà suma bei mbut ndazina a nga, Alona mi ndak á ka zla kazi d’uo mi. Ei suma ngeyei tei atama, ei nga vei tei ad’enga á vei vama ei tini huri kam ma sä tinda avorei akulona.

Hebre-na 7:21

Wani suma hi Levi-na a mbut suma ngat buzuna bei gun tad’a. Wani Jesus mi mbut ma ngat buzuna ni yam gun tad’a ata yima Alona mi de woi kam ala: An Ma didina ni gun tanu, nga ni djok vunan ndi: Ang mba mbut ma ngat buzuna gak didina.

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.

Jacques 4:5

Ata yima mbaktumba hAlonid’a ti dala: Alona nga mi le yungôra yam muzuk ma mi heizi kurina na, agi djib’eregi ala ni hawa zu?

Josue 21:45

Ahle suma djivi suma Ma didina mi hle vunam kazi mi Israel-lîna pet, mi ndagazi vunaziya; ma ar kä bei mi ndagam vunama nga d’uo mi.

1 Samuel 15:29

Ma didin ma subura hi Israel-lîna nga mi ka zlad’a d’i, nga mi djok djib’er mamba d’igi sana na d’uo mi.

1 Samuel 3:12

Kur bur máma an mba ni ndak vun zla d’a an dat yam Eli azi ki sum mama peta; an mba ni tinit ad’ut á led’a, an mba ni dabat tei mi.