Ndumba 22:6 - Bible azumeina

⁶ An nga ni tchenengû, ang mbeï gandji vuna, kayam azi kalan kad’enga. Hina wani, dam an mba ni duruziya, an mba ni digizi woi yam ambasa kla. Kayam an wala sama ang b’e vunang kama, mi ka’î sama vun ma b’ed’a kama; sama ang gum vunina, mi ka’î sama vun ma ged’a kama mi.

Ndumba 22:6 Kruisverwysings

Ad’u Tinda 12:3

An mba ni b’e vunan yam suma yam andagad’ina pet ni kang angû; suma a mba b’e vunazi kangâ, an mba ni b’e vunan kaziya; suma a mba gang vunina, an mba ni gazi vuna mi.

Ad’u Tinda 27:29

Ar andjaf suma a mbut ni magumei mangâ, suma yam andagad’ina a grif kä avorong mi. Ang ka’î ma ngolâ hi b’oziyongîna. Ar asung grotna a grif kä avorongû. Sama mi gang vunina, Alona mba mi gum vuna mi; sama mi b’e vunam kangâ, Alona mba mi b’e vunam kam mi.

1 Amuleina 22:13

Ma sun ma mi i á hal Mise-na mi mbaza, mi dum ala: Ang huma! Suma djok vun Alona pet a ndjak vunazi tu, a djok vun ma djivina mamulâ. Ang pî i djok vun ma djivina d’igi azi na mi!

1 Amuleina 22:6

Amul ma Israel-lâ mi tok mam suma djok vun Alona, a ni go kikis fid’i, mi djobozi ala: Na ni an i dur ayîna á hleï azì ma Ramot ma Galät-na d’oze an i d’uo zu? Azi dum ala: Ang iya. Ma didina mba mi hang azì máma abongû.

1 Amuleina 22:8

Amul ma Israel-lâ mi dum ala: Ma dingâ tu mi nga ka hî, a yum ala Mise ni Jimla goroma, ni ma ndak á djop Ma didina atama. Wani an minim mbi, kayam mam nga mi djogon vun ma djivi d’i; mi djogon ni vun ma tchona burâ ki burâ. Josafat mi dum ala: Amulâ, ar ang de hina d’i!

Nehemi 13:2

Kayam azi d’ugol nga Israel-lâ ki tena ki mbina d’i, kayam azi kak djangûna ki sed’eziya, a wurak beged’a mi Baläm ala mi gazi vuna, wani Alo meina mi mbut vun ma ged’a b’e vuna mi.

Sawal la giled’a 109:28

Azi nga yahlena kanu, wani ang nga b’e vuna kanu; a mba tchol ki zlad’a, wani a mba mbut zulona; an azong mangâ mba ni le furîd’a.

Zla d’a d’ogolâ 26:2

Vun ma ge ma a gum bei zlam ba na, mi ni d’igi aleina kababei suma a nga pir bei tuk tazi ba na na, nga mi ve sa d’i.

Ezekiyel 13:6

Ahle suma a nde tazi irazina nahle suma hawa ya’â. Zla mazi d’a azi nga djogota ni zla d’a kad’a. A nga dala: Wana ni zlad’a hi Ma didinid’a, wani an Ma didina ni sunuzi nga d’i. A nga tin huruzi yam zla mazid’a ala mba d’i ndak vun sun mata!

Mise 6:5

Agi sum mana, agi djib’eregi yam zla d’a Balak amul ma Mowap-ma mi ngat kurumba, Baläm Beyor goroma mi hulongôm humba na na ge? Tinï ad’ud’a Sitim dei gak mba Gilgal agi wagi sun nda djivi d’a an Ma didina ni lat ki sed’egid’a.

Ndumba 22:12

Alona mi de mi Baläm ala: Ang i ki sed’ezi d’i, ang ge sum ndazina vuna d’i, kayam ni suma a b’e vuna kazi dana.

Ndumba 22:17

Kayam an mba ni mbud’ung sama suma a mba suburum ngola heîna, an mba ni lang ahlena pet suma ang mba dan kazina. An nga ni tchenengû, ang mbeï gan sum ndazina vuna.

Ndumba 23:13

Balak mi dum ala: Ang mbeï i yam yima dingâ, ang mba wazi pet; ka hî wani, ang nga wazi pet ti; sä hî ang mba gandji vuna.

Ndumba 23:27

Balak mi de mi Baläm ala: Ang mbeï an ni i ki sed’eng ata yima dingâ. Dam Alona tam mba d’i lum djivid’a kla, ata yi máma ang mba gan sum ndazina vuna.

Ndumba 24:9

A grif a bur kä d’igi azlona na d’igi azlod’a na mi. Ni nge ba, mba mi tcholozi akulo ge? B’e vuna nga yam sama b’e vuna kangâ, vun ma ged’a nga yam sama gang vunina mi.

Sunda hi suma a sunuzinid’a 16:16

Kid’a ami nga imi ata yima tchendid’a, gor ra sunda djop fileina ti ngavamiya, ni d’a suliyotna a nga fe beged’a yam filei mat ma djopa heîd’a.

Gat ta a hat á mbàd’id’a 23:4

kayam azi d’ugulogi nga kavungôna ki mbina d’i. Azi wurak Baläm Beyor gorom ma nga kur azì ma Petor ma nga yam ambas sa Mesopotami-d’ina á gagi vuna.

Josue 24:9

Balak Sipor goroma amul ma Mowap-ma, mi ndagi durâ, mi yi Baläm Beyor goroma ala mi gagi vuna.

1 Samuel 17:43

Goliyat mi de mi David ala: An nadina ba, ang mba atan ki totogod’a zu? Mi yum filei mama kamu,