Ndumba 22:36 - Bible azumeina

³⁶ Kid’a Balak mi hum ala: Baläm nga mi djïya d’a, mi nde á d’ugulom sä kur azì ma ngol ma Mowap ma avun alum ma Arnon-na ma avun dabid’a hi haga mambina.

Ndumba 22:36 Kruisverwysings

Ad’u Tinda 14:17

Kid’a Abram mi kus yam Kedorlaomer kamulei suma a nga zlapa ki sed’ema kusa, mi hulongîya; amul ma Sodom-ma mi nde woi á ngavam kur hor ra Save-d’a, nala, hora hamulîd’a.

Ad’u Tinda 18:2

Ata yi máma na wat, mi we suma hindi a nga tchola go ki sed’emu, mi tcholï ringâ avun zlub’u mamba atogo zak, mi ngavaziya, mi grif kä andaga avoroziya,

Ad’u Tinda 46:29

Josef djin pusâ ad’u akulumeina, mi djak kur á i Gosen á d’ugol abum Israel. Ata yima mi wuma, mi bed’em kelem kok, mi nde tchina.

Buzuk ka Abud’a 18:7

Moise mi nde woi mi d’ugol akunoma, mi grif kä avoromu, mi bed’em kok. A nde djop tazi yam lafiya mazid’a. Bugola, a tchuk kur zlub’ud’a hi Moise-sa.

Isai 16:2

Arop suma Mowap-ma a nga tchola ata yima suma a nga djak alum ma Arnon-na kua kasezina d’igi aluwei suma a digizi woi yam asezi suma a nga tcha tatana na.

Jeremi 48:20

A mba hulong dala: Azì ma Mowap-ma mi mbut wa zulona, kayam a b’lagam wa woyo. Agi tchagi wulula, agi tchigiya, agi dum zlam mbei avun alum ma Arnon-na ala: Azì ma Mowap-ma mi b’lak wa woyo.

Ndumba 22:35

Malaikana hi Ma didinina mi de mi Baläm ala: Ang i ki sum ndazina! Wani ang de ni vama an mba ni dangzina. Baläm mi i ki suma nglona hi Bala’â.

Ndumba 22:37

Balak mi de mi Baläm ala: An sun suma kang ala a yangîya d’uo zu? Ni kayam me ba, ang mbeï geven nduo ge? An ni ndak á mbud’ung sama suma a suburuma d’uo zu?

Sunda hi suma a sunuzinid’a 28:15

Kid’a b’oziyoi suma kur azì ma ngol ma Rom-ma a humumi zlamid’id’a, a tcholï dei gak a mba d’ugulomi ad’u Suk ma Apiyus-sâ, avun Gong nga akoi d’a hindid’a. Kid’a Paul mi we sum ndazina, mi le mersi mAlona, hurum b’lengâ.

Gat ta a hat á mbàd’id’a 2:24

Bugola, Ma didina mi he vuna ala: Agi tchologiya, agi igiya, agi djagagi alum ma Arnon-na. Gola! An hagi Sihon amul ma Hesbon ma Amor-râ kambas mamba abogiya; agi durumu, agi hlagiziya.

Gat ta a hat á mbàd’id’a 3:8

Moise mi dazi kua ala: Ni hina ba, kur atchogoi ndata ei yoi ambasa abo amulei suma Amor suma mbà suma sä abo alum ma Jurdê-na woi hina, tinï ad’ud’a avun alum ma Arnon-na dei gak mba yam ahina d’a Hermon-nda.

Suma ka sariyad’a 11:18

Bugola, a hle lovot ta hur fulîd’a, a ngui woi gen ambas sa Edom-mba ki d’a Mowap-pa, a mbeï abo ma yorogona hambas sa Mowap-pina, a ve kangâ sä abo alum ma Arnon-na woi hî bei kal yam andagad’a hi suma Mowap-mid’a ba, kayam alum ma Arnon-na ni hagad’a hi suma Mowap-mid’a.

1 Samuel 13:10

Ata yima abom dap he he d’a hawad’ina, Samuel mi mba; Saul mi d’ugulom á gum depa.