Ndumba 22:3 - Bible azumeina

³ Suma Mowap-ma a le mandarâ avok Israel-lâ yam ablau mazid’a, a tchuk susub’ok avorozi mi.

Ndumba 22:3 Kruisverwysings

Nehemi 13:2

Kayam azi d’ugol nga Israel-lâ ki tena ki mbina d’i, kayam azi kak djangûna ki sed’eziya, a wurak beged’a mi Baläm ala mi gazi vuna, wani Alo meina mi mbut vun ma ged’a b’e vuna mi.

Sawal la giled’a 53:5

Ma didina mi dala: Na ni suma le tchod’a a nga wad’ud’a d’uo zu? Azi nga te sum mana d’igi azi tavuna na, azi nga yan simiyên ndi.

Buzuk ka Abud’a 1:12

A nga kid’eyêzi irazi ngola hina pî wani, a nga zula, a nga i avogovogo. Ezipte-na huruzi nga mi zal kaziya.

Buzuk ka Abud’a 15:15

Amulei suma Edom-ma, mandarâ mi vazi ngola; suma gangrang suma dur ayî suma Mowap-ma a nga zlaga. Suma Kanan-na pet a tchuk susub’ok.

Buzuk ka Abud’a 23:27

An mba ni mbut suma mandarâ ngola avorogiya, an mba ni pleî suma agi mba kalagi avo hatazina woi yayak, an mba ni ar magi suma djangûna pet a mba ring avorogiya.

Isai 23:5

Fata suma Ezipte-na a hum zla ndatid’a, a mba zlak d’igi suma Tir-râ a zlak abo zla ndata na mi.

Gat ta a hat á mbàd’id’a 2:25

Ini an nga ni mbut suma yam andagad’ina mandarâ avorogiya; a mba zlak avorogi mi. Ata yima a mba humugi simiyêgi ma nde yinina, a mba zlak avorogiya, a mba tcha tata mi.

Josue 2:24

Azi de mi Josue ala: Gagazi, Ma didina mi hei wa ambas ndata aboya; suma kur ambasina pî a nga zlak avorei mi.

Josue 9:24

Sum ndazina a hulong de mi Josue ala: Ami azungeî mangâ humumi ala Ma didina Alo mangâ mi he vuna mazong mama Moise á hagi ambas sa wanda á tchi suma kurutna woi avorogi pet. Kayam ndata, mandaragi mi vami ngola, kayambala agi mba tchamiya d’a. Ni kayam ndata ba, ami mbami ki gevegi wana.