Ndumba 22:12 - Bible azumeina

¹² Alona mi de mi Baläm ala: Ang i ki sed’ezi d’i, ang ge sum ndazina vuna d’i, kayam ni suma a b’e vuna kazi dana.

Ndumba 22:12 Kruisverwysings

Ad’u Tinda 12:2

An mba ni zulung andjavang ngola, an mba ni b’e vunan kangû, simiyêng mba mi yï ngola; ang mba arî sedeî b’e vuna.

2 Sunda Hamuleinid’a 31:10

Ata yi máma ma ngol ma ngat buzuna Azariya ma ad’u andjafâ hi Sado’â mi hulong dum ala: Kid’a a tinï ad’ud’a á mba kahlena kur gong nga kud’ora hi Ma didinid’a deid’a, ami nga tamiya, ami nga hobomiya, ad’uzi ti ar mola didivir wana, kayam Ma didina mi b’e vunam yam sum mama. Gola! Ahle suma didivir ndazina, ad’uzi d’a ar molid’a ba wana!

Sawal la giled’a 144:15

Suma a lazi hina na a le furîd’a; suma Ma didina nAlo mazinina a le furîd’a.

Sawal la giled’a 146:5

Sama Alona hi Jakob-ma nga mi ndjunuma ni ma nga ki furîd’ina; ni ma tin hurum yam Ma didina Alo mamina mi.

Isai 61:9

A mba wazi andjavazi aduk suma, a mba wazi grozi ngolona aduk suma mi. Suma pet suma a mba wazina a mba wala azi nandjaf ma Ma didina mi b’e vunam kama.

Mise 6:5

Agi sum mana, agi djib’eregi yam zla d’a Balak amul ma Mowap-ma mi ngat kurumba, Baläm Beyor goroma mi hulongôm humba na na ge? Tinï ad’ud’a Sitim dei gak mba Gilgal agi wagi sun nda djivi d’a an Ma didina ni lat ki sed’egid’a.

Ndumba 22:11

Ang gola! Suma a tcholï yam ambas sa Ezipte-d’a a hle yina woi yam andagad’a. Ang mbeï gandji vuna. Hina wani, dam an mba ni duruziya, an mba ni digizi woi yam ambasa kla na.

Ndumba 22:13

Baläm mi nde yorogo, mi de mi suma nglona hi Bala’â ala: Agi igi yam ambas magid’a, kayam Ma didina mi d’elen á i ki sed’egiya.

Ndumba 22:6

An nga ni tchenengû, ang mbeï gandji vuna, kayam azi kalan kad’enga. Hina wani, dam an mba ni duruziya, an mba ni digizi woi yam ambasa kla. Kayam an wala sama ang b’e vunang kama, mi ka’î sama vun ma b’ed’a kama; sama ang gum vunina, mi ka’î sama vun ma ged’a kama mi.

Ndumba 23:23

Kumana nga mi landjafâ hi Jakob-ma va d’i. Sama djop fileina nga mi le Israel-lâ va d’uo mi. Ata atchogoi d’a a ngata a mba de mandjafâ hi Jakob-ma nala Israel-lâ ala: Wana ni sunda hAlonid’a!

Ndumba 23:3

Baläm mi de mi Balak ala: Ang tchol gen he d’a hawa manga ngala go, an hut tei dei. Dam Ma didina mi mba ini á ngavan kla. Bugola, an mba ni dang zla d’a mam mba mi tagandjid’a. Mi i akulo yam ahinad’a yat ta ked’iwurenga.

Ndumba 23:8

Ni nana ba, an ni ge vuna mi sama Ma didina mi gum nga vuna d’uo na ge? Ni nana ba, an zal hurun yam sama Ma didina mi zal nga hurum kam mbuo na ge?

Ndumba 24:9

A grif a bur kä d’igi azlona na d’igi azlod’a na mi. Ni nge ba, mba mi tcholozi akulo ge? B’e vuna nga yam sama b’e vuna kangâ, vun ma ged’a nga yam sama gang vunina mi.

Matiye 27:19

Kid’a Pilat mi nga kaka yam zlam mba ka sariyad’a tua d’a, amamba geï sunda atamu. Ti dum ala: Ang le va ki sama d’ingêr máma d’i, kayam adïd’a dan kama andjege ngola yam zla mamba.

Romê-na 11:29

Kayam Alona nga mi mbut djib’er mamba kä yam suma mi b’e vunam kazi suma mi yazina d’i.

Efes-sâ 1:3

Ar ei gilei Alona Abu Saleina Jesus Christ ma mi b’e vunam kei zlapa tu ki Christ ki vun mam ma b’e ma lara ge pet ma sä akulona.

Gat ta a hat á mbàd’id’a 2:7

Kayam Ma didina Alo magina mi b’e vunam kagi yam sun nda pet ta agi nga lata, mi we tit magi d’a abagei hur ful ma ngol ma wanid’a mi. Gola! Bizad’a wan dok fid’i Alo magina mi nga ki sed’egiya. Va tu pî kid’agagi nga d’uo mi.

Gat ta a hat á mbàd’id’a 23:5

Wani Ma didina Alo magina mi min hum Baläm mbi, mi mbut vun ma ged’a b’e vuna kagiya, kayam mam hurum vagiya.

Gat ta a hat á mbàd’id’a 28:6

Mba mi b’e vunam kagi yam i magid’a, mba mi b’e vunam kagi yam hulong magid’a mi.

Gat ta a hat á mbàd’id’a 33:29

Agi Israel-lâ, agi lagi furîd’a! Ni nge ba, d’igi agi suma Ma didina mi sud’ugina na ge? Mam mi mbarei magi d’a ndjunugid’a, ni mbigeu magi d’a kus ayîna mi. Magi suma djangûna a mba tchuk kä avorogiya, agi mba b’lagagi yi mazi ma ndingâ woyo.

Gat ta a hat á mbàd’id’a 7:14

Ma didina mba mi b’e vuna kagi kal andjaf ma dingâ pet. Sum magina, mandjuf foze atcha d’oze aduk d’uwar magina ma mba mi b’al gendreged’ina nga d’i.